Efɛsitɔnŋ kiri 1:3 - Jɔ Biibili ki

³ Yi baraka bi Kirinŋ tɛ, ninwɔ̀ i yibɛɛ Ŋuntiŋ Yesu Kirisa tiŋ ki i. Mìnki shɔɔrinŋ ki fɔn kwuru ma-i yibɛɛ ɲini kiri tɛ Yesu Kirisa baraka ra kirinpɔlila mani narimaŋ kiri ru.

Efɛsitɔnŋ kiri 1:3 ပူးပေါင်းရင်းမြစ်များ

Luki 2:28

Ntiŋ i daŋ ki mwu, ntiŋ i baraka bi Kirinŋ tɛ, ntiŋ i ǹʼbi kɔɔn :

Yuhana 14:20

Niŋ shikaŋ, ábɛɛ ra ǹʼtɔ tu míŋ Tiŋ ki ru, ábɛɛ i ji míŋ nu, míŋ i ji ábɛɛ ru. »

Yuhana 17:21

nwɔma kí bataa i ji tenŋ i. Míŋ Tiŋ, ábɛɛ i míŋ nu, míŋ i ji ábɛɛ ru, mìŋ ɲaan tenŋ ki tɛ, á ncusun kí i ji yibɛɛ ru, nwɔma juniɲa ki i bili ǹʼna, tu ábɛɛ kiri míŋ cin.

Yuhana 20:17

Yesu i ǹʼbi nmari tɛ tu : « Fa ńʼpa sɔɔ tu kì, míŋ tunpa-i Tiŋ ki tɛ sun kì. Nka ta ǹʼbi míŋ tindaŋ kiri tɛ, tu míŋ tunpa ńʼTiŋ ki tɛ, ninwɔ̀ i ábɛɛ Tiŋ i sɛbɛ, ninwɔ̀ i mɔ́ɔ́n Kirinŋ ki i, niŋ fa ŋì i ji ábɔɔ Kirinŋ ki i. »

Ɔrɔmutɔnŋ kiri 12:5

Mìŋ ɲaan tenŋ ki tɛ, yibɛɛ bilinatɔnŋ kiri mwɔ-i, nka yi bataa i firi tenŋ i, Kirisa wɔ tenbi ki baraka ra. Yibɛɛ bataa da-i yimaŋ na, miŋ tu firi ki mani kiri da-i arìmaŋ na ɲaan wɔ̀ tɛ.

Ɔrɔmutɔnŋ kiri 15:6

A niŋ ma, ábɛɛ bataa ra dɛbɛ, á i á wulu ki ji tenŋ i, á i Kirinŋ gbɛ, ninwɔ̀ i yibɛɛ Ŋuntiŋ Yesu Kirisa Tiŋ ki i.

Korɛntitɔnŋ kiri (1) 1:30

Nka Kirinŋ baraka ra ábɛɛ fa Yesu Kirisa i tenŋ i. Kirinŋ Kirisa ji-i yibɛɛ fa ábɔɔ ɲakilitinbi ki fa yɔɔ telibi ki i. Kirinŋ i yibɛɛ ji-a koŋ fɔɔmaan ni i a ɲaanfɛ, ŋì i yi ji awɔ konanbi i, ŋì i yi mwu san-ni bijɛ ki wu Kirisa bira,

Korɛntitɔnŋ kiri (1) 12:12

Konanmini firi ki i finŋ tenŋ i, nka ǹʼfa a fɔn na, mani mwɔɔnna i ǹʼna. Niŋ mani kiri fa arì mwɔbi ki sun, yìrì bataa i firi tenŋ i. Kirisa i mìŋ ɲaan tenŋ ki tɛ.

Korɛntitɔnŋ kiri (2) 1:3

Míŋ i coolinŋ wɔri-ra yi Ŋuntiŋ Yesu Kirisa tiŋ Kirinŋ tɛ, ninwɔ̀ i sunmakwulupatɔnŋ i, ŋì i koŋ siratu-ri waarinŋ bataa ru.

Korɛntitɔnŋ kiri (2) 11:31

Kirinŋ wɔ̀ ki i Ŋuntiŋ Yesu Kirisa tiŋ ki i, yi i ninwɔ̀ gbɛ-a waaci bataa, niŋ i ǹʼtɔ-a tu míŋ puru bi-a kì.

Korɛntitɔnŋ kiri (2) 5:17

A konwɔtiŋ fa Kirisa dɛbɛ, nintiŋ i ji-a miŋ tu koŋ ŋunaŋ, finŋ woo finŋ i ǹʼbwuumaan, niŋ bataa i fɔni-na, finŋ ŋunaŋ ni i na.

Korɛntitɔnŋ kiri (2) 5:21

Kirisa wɔ̀ ki bijɛ ma kì, Kirinŋ awɔ kiti ki fɛɛn ninki sun yibɛɛ bijɛmatɔnŋ kiri ta ru, nwɔma yi i ji koŋ telimaan ni i a ɲaanfɛ Kirisa bira.

Galasitɔnŋ kiri 3:9

Aburahamu bili-i Kirinŋ na, ntiŋ i baraka kila. Mìŋ ɲaan tenŋ ki tɛ, koŋ finŋ woo finŋ bili Kirinŋ na, niŋ i baraka kila-a sɛbɛ.

Efɛsitɔnŋ kiri 1:10

Ŋì i ǹʼgbɛbili wuru-i, tu waaci kiri na nafaa waarinŋ wɔ̀ ru, tu afinŋ a na pwɔkulinŋ sun finŋ kiri fa kirinpɔli la finŋ kiri bataa rakɔli, a i Kirisa ji yìrì ŋununtiŋ i.

Efɛsitɔnŋ kiri 1:17

Míŋ i ǹʼnafɛ-a Kirinŋ nɔɔritiŋ ki gbɛ, ninwɔ̀ i yibɛɛ Ŋuntiŋ Yesu Kirisa tiŋ ki i, tu ŋì ɲakilitinbi wɔri á tɛ, ŋì i a yɛri ji á wu, nwɔma á i ǹʼtɔka shɔ.

Efɛsitɔnŋ kiri 1:20

Mìŋ sotinbi tenŋ ki baraka ra, Kirinŋ Kirisa ŋmɛni po san-i konkwuu kiri ru, ŋì i ntiŋ sɔɔ a pantɛ kirinpɔlila mani narimaŋ kiri ru.

Efɛsitɔnŋ kiri 2:6

Yibɛɛ fa Kirisa wɔ tenbi ki baraka ra, Kirinŋ yibɛɛ fa ntiŋ ŋmɛni-i yimaŋ fan, ŋì i yi sɔɔ yimaŋ fan kirinpɔlila mani narimaŋ kiri ru.

Efɛsitɔnŋ kiri 3:10

Ŋì ncin-i niŋ gonto ki i tɔ dɔɔ, nwɔma bilinatɔnŋ kwuru kiri bira, kirinpɔlila masabi kiri fa sotinbi kiri bataa i ǹʼtɔ, tu ɲakilitinbi Kirinŋ gbɛ finŋ bataa ru.

Efɛsitɔnŋ kiri 6:12

Sabu yibɔɔ kwurukwuru ki ye-a konanmini ni wu kì, nka yibɛɛ fa ɲinijɛ kiri fa arì ŋununtiŋ kiri i ǹʼye-a, nini wɔ̀ri i sotinbi kiri fa barakatiŋ kiri i, nwɔ̀ri sɔɔ juniɲa ka ŋununu mancinŋ ki ru.

Filipitɔnŋ kiri 2:11

Niŋ fa tu nɛninɛŋ ki bataa i a tu ǹʼna, tu Yesu Kirisa Ŋuntiŋ ki i, nɔɔri i bili Tiŋ Kirinŋ tɔ ki sun.

Iburu kiri 8:5

Kíbɛɛ sarakawɔrɔtɔnŋ kiri i baara wɔ̀ ma-a, niŋ i kirinpɔlila wɔ sɛlɛsɛli ki rakimaanna ki fa ǹʼminiŋ ki i. Sabu waarinŋ wɔ̀ ru Musa wuru-ra Kirinŋ wɔ mwuu ki tan, ntiŋ nacin-i tu : « Ǹʼshɛɛli, Ŋuntiŋ ki tu, nwɔ̀ ji-i miŋ wu tɔnŋ ki sun, ncusun ŋi i ǹʼbataa tan kɛɲɛ ninki wu dɛ!  »

Iburu kiri 9:23

Finŋ wɔ̀ri i kirinpɔli ki ra, a nini miniŋ kiri ji sunfaa-ra ka ɲaan ka tɛ, kirinpɔlila wɔ sɛlɛsɛli kiri kakan-i yìrì i sunfaa sarakafinŋ ni wu, nwɔ̀ri pari-i kusɛbɛ.

Pyɛɛri (1) 1:3

Yi baraka bi Kirinŋ tɛ, ninwɔ̀ i yibɛɛ Ŋuntiŋ Yesu Kirisa Tiŋ ki i. Kirinŋ yibɛɛ sunmakwulupa-i ǹʼmwɔɔnna, ŋì i yi ji koŋ ŋunaŋ ni i, ŋì i Yesu Kirisa ŋmɛni po san konkwuu kiri ru, ŋì i ɲaninkulutɔnbi ki wɔri yibɛɛ tɛ niŋ sababu ra, nwɔma yi i ɲaninkulutɔnbi gbɛbilimaŋ ki kila.