Efɛsitɔnŋ kiri 1:23 - Jɔ Biibili ki

²³ Bilinatɔnŋ kwuru kiri i ntiŋ firi ki i. Finŋ woo finŋ i Kirisa ru, niŋ bataa i bilinatɔnŋ kwuru kiri ru, ŋì i ji juniɲa mani ki bataa ru.

Efɛsitɔnŋ kiri 1:23 ပူးပေါင်းရင်းမြစ်များ

Yuhana 1:16

Ntiŋ faa-a shɔɔrinŋ wɔ̀ ra, yibɛɛ bataa ǹʼbɛɛ kila-i, niŋ i yi pyii. Jibi woo jibi, ŋì i shɔɔrinŋ ki bɛɛ bo-a shɔɔrinŋ ki bɛɛ sun yibɛɛ gbɛ.

Ɔrɔmutɔnŋ kiri 13:5

Niŋ ki ra, ǹʼpari-i yi i yi kulu faantiŋ kiri tɛ. Niŋ fa ji kɛmi bantenŋ i kì, nka yi yi kulu, sabu yibɛɛ ǹʼtɔ-i yi ciiru, tu ǹʼshɔ yi i ǹʼma.

Korɛntitɔnŋ kiri (1) 12:6

Baaramaka kwuru mwɔɔnna i nmaŋ, nka Kirinŋ tenŋ pe i yìrì tɔbi ki de-a arì matɔnŋ kiri ciiru.

Korɛntitɔnŋ kiri (1) 15:28

A finŋ bataa ja kulu Kirisa tɛ waarinŋ wɔ̀ ru, Kirisa ninwɔ̀ i Danshuru ki i, niŋ yɛrima ki ra na a kulu Tiŋ Kirinŋ tɛ, ninwɔ̀ ki finŋ bataa kulu-i ǹʼtɛ. Niŋ ɲaan ki tɛ, Kirinŋ yɛrima ki ra na ji finŋ bataa ŋununtiŋ i.

Efɛsitɔnŋ kiri 2:16

Ntiŋ beŋ ki kpinkpisuu ki sun, niŋ i fu de kí fa Kirinŋ faninmwuŋ, kí i ji firi tenŋ i, tɛɛ ki i kɔ san kí faninmwuŋ.

Efɛsitɔnŋ kiri 3:10

Ŋì ncin-i niŋ gonto ki i tɔ dɔɔ, nwɔma bilinatɔnŋ kwuru kiri bira, kirinpɔlila masabi kiri fa sotinbi kiri bataa i ǹʼtɔ, tu ɲakilitinbi Kirinŋ gbɛ finŋ bataa ru.

Efɛsitɔnŋ kiri 3:19

Daŋ Kirisa wɔ bidintɛbi wɔ̀ ra kì, ábɛɛ ra so niŋ tɔ-i, á i á ciiru ki bataa faa Kirinŋ wɔ bidintɛbi ki ra, fɔ á i pyii.

Efɛsitɔnŋ kiri 4:10

Niŋ ki ra, nwɔ̀ ki jɛri wuru-i, mìŋ tenŋ ki tunpa-i fɔ kirinpɔlila mani narimaŋ kiri ru, nwɔma a i mani kiri bataa faa awɔ sotinbi ki ra.

Efɛsitɔnŋ kiri 4:12

Ŋì niŋ bataa ma-i, nwɔma nini i ye Kirinŋ wɔ konanbi ki tɛ, kí i so ǹʼwɔ baara ki maka shɔ-i, ǹʼbɛɛ i bo Kirisa firi ki gbɛbi ki sun.

Efɛsitɔnŋ kiri 4:13

Niŋ ɲaan ki tɛ, yibɔɔ bilinabi ki fa yɔɔ Kirinŋ Danshuru ki tɔmaan ki bira, yibɛɛ bataa ra na ji tenŋ i, yi i kɔɔ, yi i ji koŋ nafaamaan ni i, miŋ tu Kirisa.

Efɛsitɔnŋ kiri 4:4

Firi tenŋ i nmaŋ, Ɲiniwɔlinŋ tenŋ fani i ji nmaŋ, miŋ tu Kirinŋ ábɛɛ dɔri-i gbɛbilimaŋ tenŋ bira ɲaan wɔ̀ tɛ.

Kɔlɔsitɔnŋ kiri 1:24

Dɔnsaŋ, míŋ i ńʼyoori-ra ńʼwɔ cɔɔri kilamaan ki ra ábɛɛ bira, sabu nwɔ̀ cin wuru Kirisa wɔ cɔɔri ki ra, míŋ i niŋ nafaa-ra ńʼfiri ki wu, Kirisa firi ki tɛ, ninwɔ̀ i bilinatɔnŋ kwuru kiri i.

Kɔlɔsitɔnŋ kiri 2:19

Kirisa wɔ̀ i finŋ kiri bataa ŋununtiŋ ki i, finŋ ki ŋuniŋ ki, kí arì kɔli tu-a niŋ na kì. Bilinatɔnŋ kwuru kiri, nini wɔ̀ri i firi ki i, niŋ i gbɛ-a ŋì i kɛɲɛ Kirinŋ dintɛ bi ki wu, ŋì i da amaŋ na mìntiŋ baraka ra, miŋ tu wɔdamaŋ kiri fa fɛli kiri da-i arìmaŋ na ɲaan wɔ̀ tɛ.

Kɔlɔsitɔnŋ kiri 3:11

Niŋ ɲaan ki tɛ, koŋ Yawutu kiri fa shiya tɔri kiri san-a arìmaŋ nu kili kì, koŋ dumiŋ koŋ sɔɔpeefɛmaan ni fa koŋ sɔɔpeefɛbali li san-a arìmaŋ nu kì. Jɛ ri fa koŋ kalibali fa ɲiinkanfɛtɔnbi walima jonbi walima danjibi, niŋ tɔri tenŋ shɛɛli-la kili kì, Kirisa i ji-a finŋ bataa a, mìntiŋ ki i ji yi bataa ŋununu.

Kɔlɔsitɔnŋ kiri 3:15

Kirisa wɔ ɲaanfɛfili ki á jɛnpa á ciiru bi kiri bataa ra, sabu niŋ ɲaanfɛfili ki bira, ábɛɛ bataa dɔri-i, á i ji firi tenŋ i. Á ji shɔɔrinŋ tɔtiiri i.