Efɛsitɔnŋ kiri 1:18 - Jɔ Biibili ki

¹⁸ Míŋ i ǹʼnafɛ-a tu ŋì ábɛɛ ɲakili kiri rawwulu, nwɔma ŋì ábɛɛ dɔri-i, ŋì i gbɛbilimaŋ wɔ̀ wɔri á tɛ, á i niŋ tɔ, niŋ fa tu ŋì bi shɔɔrinŋ finŋ woo finŋ tɔnŋ wɔri-i awɔ wɔlinŋ kiri tɛ, á i niŋ nafan ki tɔ.

Efɛsitɔnŋ kiri 1:18 ပူးပေါင်းရင်းမြစ်များ

Matiyu 13:15

Sabu ka shiya ka ru konaŋ kiri ciiru ɲakili ki furu-i, kí i arì tɔɔn kiri raye, kí i arì ɲaninaŋ kiri rala, nwɔma arì ɲaninaŋ kiri fa maannaja kì, arì tɔɔn kiri fa wulu lama kì, arì ciiru ɲakili kiri fa bi tɔ, arì i arì ɲaannu pwulu míŋ Kirinŋ tɛ, nwɔma ŋí i kí kene kì. ›  »

Maraka 10:17

Jibi bɛɛ, ŋì i Yesu tu tiri-ra saa ki fan, shuru bɛɛ i bili na a kwushiri ntiŋ fɛ, niŋ i ntiŋ nanɔri tu : « Kalimɔɔ shɔɔrinŋ, míŋ kakan ŋí i nfɛnŋ ma, nwɔma ŋí i ɲaninkulutɔnbi kɔbali ki kila? »

Luki 24:45

Niŋ ɲaan ki tɛ, ntiŋ i kalindaŋ kiri ɲakili kiri rawwulu, nwɔma kí i Kirinŋ wɔ wulu kiri kɔri kiri tɔ.

Mabikiri 16:14

Mari bɛɛ wuru kí ru, niŋ tɔ ki wuru tu Lidi. Nmari wuru po-a Tiyatiri, nmari i juulinŋ tɔtiŋ ni ju-ri. Nmari wuru Kirinŋ gbɛ-a. Niŋ mari ki Pooli wɔ wulu kiri rama-i waarinŋ wɔ̀ ru, Ŋuntiŋ ki i nmari ciiru ɲakili ki rawwulu, fɔ nmari i bili yìrì ra.

Mabikiri 26:18

Míŋ a miŋ cin kí tɛ, nwɔma kí ɲaninaŋ kiri i nawwulu, kí i po san mancinŋ ki ru, kí i na manisarinŋ ki ru. Kí i po san shitaanni wɔ faan ki fɛ, kí i de Kirinŋ wɔ Masabi ki ru. Niŋ ɲaan ki tɛ, kɔ́ɔ́ bijɛ kiri i tu kí tɛ, kí arɔɔ lu kila Kirinŋ wɔ wɔlinŋ kiri fan arɔɔ bilinabi ki baraka ra míŋ na. › »

Ɔrɔmutɔnŋ kiri 11:29

Sabu, a Kirinŋ finŋ wɔri koŋ tɛ, ŋì a pwulu-la ŋì i ǹʼmwu kì, a ŋì koŋ dɔri, ŋì a pwulu-la ŋì a kaan ntiŋ tɛ kì.

Ɔrɔmutɔnŋ kiri 2:4

Walima Kirinŋ wɔ shɔɔrinŋ mwɔɔnna ki fa ǹʼwɔ bikwunnubi bi ki fa ǹʼwɔ tɔnsunfili ki miŋ ɲaanna finŋ i kì wa? Miŋ ǹʼtɔ tu Kirinŋ niŋ shɔɔrinŋ ki ma-a, nwɔma miŋ i ntɔri bi, ŋi i nʼwɔ bijɛ kiri tɔnbo kì wa?

Korɛntitɔnŋ kiri (2) 4:4

Niŋ koŋ kiri bili-la Kirinŋ na kì, sabu ka juniɲa ka ŋununtiŋ ki, ninwɔ̀ i shitaanni ki i, ninki kí ciiru ɲakili kiri rala-i, nwɔma kí fa Kirinŋ wɔ Wulujii ki sarinŋ ki ja kì, niŋ Wulujii ki wɔ̀ i Kirisa nɔɔri ki ji-a, ninwɔ̀ i Kirinŋ ɲaan ki ji-a.

Korɛntitɔnŋ kiri (2) 4:6

Mìŋ Kirinŋ wɔ̀ ki ǹʼbi wuru tu manisarinŋ ki po mancinŋ ki faninmwuŋ, mìŋ tenŋ ki i manisarinŋ ki po-a yibɛɛ ciiru tɔnŋ kiri ra, nwɔma ǹʼwɔ nɔɔri sinaŋ wɔ̀ i Kirisa ra, yibɛɛ i niŋ tɔbi ki kila.

Galasitɔnŋ kiri 5:5

Nwɔ̀ i yibɛɛ, yibɛɛ bili-i ǹʼna tu yibɛɛ ra ji koŋ telimaan ni i Kirinŋ ɲaanfɛ bilinabi ki baraka ra. Yibɛɛ i ninki sunsuu-ra Ɲiniwɔlinŋ ki wɔ sotinbi ki baraka ra.

Efɛsitɔnŋ kiri 1:11

Kirinŋ yibɛɛ yɛrima kiri ɲaannashi-i, yi i ji awɔ ri Kirisa bira. Mìŋ Kirinŋ wɔ̀ ki i bi kiri bataa ma-a, ŋì i kɛɲɛ a yɛri ki dintɛ bi ki wu, ninki niŋ gbɛbili wuru kabi fɔlɔfɔlɔ,

Efɛsitɔnŋ kiri 1:7

Yesu Kirisa cunŋ ki kɔnkɔlimaan ki baraka ra, Kirinŋ yibɛɛ ŋunsan-i, ŋì i yibɔɔ bijɛ kiri tu yi tɛ, ŋì i kɛɲɛ awɔ shɔɔrinŋ sinaŋ ki wu.

Efɛsitɔnŋ kiri 2:12

Niŋ waaci ki ru, ábɛɛ maŋ nari wuru Kirisa ra, lu wuru ábɛɛ gbɛ Isirayɛlidaŋ kiri kanfɛ kì, Kirinŋ a tɔnŋ wɔri wuru shɔɔrinŋ wɔ̀ri bira, ábɔɔ lu wuru nini nu kì. Ábɛɛ wuru ninkunŋ nmaŋ juniɲa ki ru, Kirinŋ bali li, gbɛbilimaŋ wuru nwɔ̀ri ra kì.

Efɛsitɔnŋ kiri 3:16

ńʼtu ǹʼwɔ Ɲiniwɔlinŋ ki faan fa tɔnnafurubi wɔri ábɛɛ tɛ, ŋì i kɛɲɛ a yɛri ki wɔ nɔɔri sinaŋ ki wu,

Efɛsitɔnŋ kiri 3:8

Mínwɔ̀ i Kirinŋ wɔ wɔlinŋ kiri bataa ru pyaanŋ ki i, Kirinŋ niŋ kafinŋ ki wɔri-i míŋ tɛ, tu míŋ Wulujii ki sunjo shiya tɔri ru konaŋ kiri tɛ, niŋ Wulujii ki i Yesu Kirisa wɔ shɔɔrinŋ kɔbali ki i.

Efɛsitɔnŋ kiri 4:1

Mínwɔ̀ i nkasu ru Ŋuntiŋ Yesu tɔ ki bira, míŋ i ábɛɛ rafɛ-a, á tiri á i kɛɲɛ á dɔri ŋuŋ ki wu,

Efɛsitɔnŋ kiri 4:4

Firi tenŋ i nmaŋ, Ɲiniwɔlinŋ tenŋ fani i ji nmaŋ, miŋ tu Kirinŋ ábɛɛ dɔri-i gbɛbilimaŋ tenŋ bira ɲaan wɔ̀ tɛ.

Efɛsitɔnŋ kiri 5:8

Ábɛɛ wuru mancinŋ i sun, nka dɔnsaŋ ábɛɛ i manisarinŋ i Ŋuntiŋ ki ra. Niŋ na, á tiri miŋ tu manisarinŋ daŋ ni.

Filipitɔnŋ kiri 3:14

Míŋ i niŋ bili ki tan-a ńʼɲaniŋ i ji ńʼbili ŋuŋ ki ra, nwɔma ŋí i jali kila, Kirinŋ yibɛɛ dɔri-i ninwɔ̀ bira kirinpɔli ki ra Kirisa sababu ra.

Kɔlɔsitɔnŋ kiri 1:12

Á baraka bi Tiŋ Kirinŋ tɛ, á i á yoori, sabu ŋì finŋ wɔ̀ri ramɔni bo-i awɔ wɔlinŋ kiri jɛŋ awɔ masabi sarintiŋ ki ru, ŋì ncusun-i ábɛɛ i lu kila niŋ nu.

Kɔlɔsitɔnŋ kiri 1:23

Nka niŋ fa a fɔn na, á á cɛrukɔli tu bilinabi ki ru. Ábɛɛ gbɛbilimaŋ wɔ̀ kila-i Wulujii ramamaan ki bira, á fa ncusun finŋ dantenŋ i á ɲakili ki ɲaanmi san niŋ sun kì. Ábɛɛ niŋ Wulujii ki rama-i, ŋì i ji sunjo juniɲa nu konaŋ bataa tɛ, míŋ Pooli i ji ǹʼnu baara matɔnŋ i.

Kɔlɔsitɔnŋ kiri 1:27

Nafan sinaŋ wɔ̀ fa gbɛbi wɔ̀ i niŋ gonto ki ru, shiya kiri bataa kɛlintɛ, Kirinŋ i ji ǹʼtɛ niŋ i tɔ, niŋ i kaa : a Kirisa ji ábɛɛ fan, gbɛbilimaŋ i ábɛɛ ra, á i ji-a de Kirinŋ wɔ nɔɔri ki ru.

Kɔlɔsitɔnŋ kiri 1:5

Ábɛɛ i niŋ ma-a, sabu gbɛbilimaŋ i ábɛɛ gbɛ Kirinŋ wɔ ki ru. Ábɛɛ niŋ gbɛbilimaŋ ki tɔ-i sɛli ki sunjomaan ki baraka ra, ninwɔ̀ i Wulujii ki i.

Kɔlɔsitɔnŋ kiri 2:2

Míŋ i niŋ bataa ma-a, nwɔma nini i cunadibi kila, kí i fu tenŋ sun bidintɛbi ki baraka ra, Kirinŋ i shɔɔrinŋ ma kí tɛ, ŋì i ɲakilitinbi shɔɔrinŋ wɔri kí tɛ, kí i so awɔ gonto radumaan ki tɔ-i, ninwɔ̀ i Kirisa.

Kɔlɔsitɔnŋ kiri 3:15

Kirisa wɔ ɲaanfɛfili ki á jɛnpa á ciiru bi kiri bataa ra, sabu niŋ ɲaanfɛfili ki bira, ábɛɛ bataa dɔri-i, á i ji firi tenŋ i. Á ji shɔɔrinŋ tɔtiiri i.

Tesalonikitɔnŋ kiri (1) 2:12

Yibɛɛ ábɛɛ racin-i, yi i á siratu, yi i ǹʼbi furu á tɛ, tu á tiri kɛɲɛ Kirinŋ dintɛ bi ki wu. Mìnki ábɛɛ dɔri-i, nwɔma á i de awɔ̀ masabi ki ru, niŋ fa a nɔɔri ki ru.

Tesalonikitɔnŋ kiri (1) 5:8

Nka yibɛɛ wɔ̀ri i suntɔnŋ sarinŋ ki nu, yi i yi ɲakili ki sɔɔ tenŋ sun. Bilinabi ki fa bidintɛbi ki ja yi ra, miŋ tu peejɛrɛbi. Yibɛɛ yi gbɛ bili-i mwubi wɔ̀ sun, niŋ i ji yɔɔ peebunfila ki i.

Tesalonikitɔnŋ kiri (2) 1:11

Niŋ ki ra, yibɛɛ i Kirinŋ nafɛ-a ábɛɛ tɛ waarinŋ bataa ru, nwɔma ŋì ábɛɛ dɔri-i ŋuŋ wɔ̀ ra, ábɛɛ i niŋ nafaa. Yi i ǹʼnafɛ-ri tu ŋì i awɔ sotinbi ki wɔri á tɛ, ábɛɛ ǹʼtɛ á i ǹʼdintɛ bi finŋ woo finŋ fa bilinabi ki ru bi shɔɔrinŋ finŋ woo finŋ ma, á i so niŋ ma-i, á i ǹʼnafaa.

Tesalonikitɔnŋ kiri (2) 2:16

Yibɛɛ Ŋuntiŋ Yesu Kirisa, fa yi Tiŋ Kirinŋ wɔ̀ ki yibɛɛ bidi-i a tɛ, ŋì i siratubi fa gbɛbilimaŋ kɔbali wɔri yibɛɛ tɛ awɔ shɔɔrinŋ ki baraka ra,

Timote (1) 6:12

Nʼcɛrukɔli bilinabi ki ra, miŋ tu surudashi shɔɔrinŋ wɔ̀ i kari tɔnŋ na, ŋi i ɲaninkulutɔnbi kɔbali ki paka shɔ, sabu Kirinŋ miŋ dɔri-i ninki bira, miŋ tu miŋ ǹʼji-i shɛɛri mwɔɔnna ɲaanna ɲaan wɔ̀ tɛ.

Tite 2:13

ŋì i yi tu niŋ ŋununadibi jibi ki sunsuu-ra, ninwɔ̀ i Sotiŋ Kirinŋ, yibɛɛ Mwutɔnŋ Yesu Kirisa wɔ nɔɔri ki i.

Tite 3:7

Niŋ na, ŋì yibɛɛ ji-i koŋ telimaan ni i a yɛri ɲaanfɛ awɔ shɔɔrinŋ ki baraka ra, nwɔma yibɛɛ yi gbɛ bili-i ɲaninkulutɔnbi kɔbali wɔ̀ bi sun, yi i ji niŋ kanishitɔnŋ ni i.

Iburu kiri 10:32

Á á ɲakilila bo áwɔ bilinabi ki ɲaan ki tɛ jibi fwuudemaan kiri ra. Ábɛɛ Kirinŋ wɔ manisarinŋ ki ja-i mani wɔ̀ ru, ábɔɔ cɔɔri sinaŋ kiri tɔnpa-i mìŋ mani ki ru, nka ábɛɛ yìrì pa-i á ra, á i tu bilinabi ki ru.

Iburu kiri 6:4

Nwɔ̀ri Kirinŋ wɔ manisarinŋ ki kila ja-i kɔ, kí i ǹʼwɔ kafinŋ ki nɛɛ, kí i ji Ɲiniwɔlinŋ ki kila,

Pyɛɛri (1) 1:3

Yi baraka bi Kirinŋ tɛ, ninwɔ̀ i yibɛɛ Ŋuntiŋ Yesu Kirisa Tiŋ ki i. Kirinŋ yibɛɛ sunmakwulupa-i ǹʼmwɔɔnna, ŋì i yi ji koŋ ŋunaŋ ni i, ŋì i Yesu Kirisa ŋmɛni po san konkwuu kiri ru, ŋì i ɲaninkulutɔnbi ki wɔri yibɛɛ tɛ niŋ sababu ra, nwɔma yi i ɲaninkulutɔnbi gbɛbilimaŋ ki kila.

Pyɛɛri (1) 3:9

Á fa bijɛ ki shɛsan bijɛ wu kì, á dumiŋ fa koŋ wɔ kiilinŋ pwulu ntiŋ sun kì, nka á ǹʼnupwulu juba wu, sabu ábɛɛ dɔri ŋuŋ ki i tu á juba ki kila kani i.

Pyɛɛri (1) 5:10

Nka, a ábɛɛ ɲaanfɛkwulu bi kila waaci pyaanŋ nu, Kirinŋ wɔ̀ ki i shɔɔrinŋ ki bataa tiŋ ki i, ninki a na ábɛɛ mwu, ŋì i á kɔɔ, ŋì i á baraka ki gbɛ, á i tuka shɔ bilinabi ki ru. Mìŋ Kirinŋ ki ábɛɛ dɔri-i, nwɔma a i á de awɔ nɔɔri kɔbali ki ru Kirisa wɔ tenbi ki bira.