Efɛsitɔnŋ kiri 1:13 - Jɔ Biibili ki

¹³ Dɔnsaŋ, ábɛɛ yɛrima kiri wɔ ki ma-i mìŋ ɲaan tenŋ ki tɛ. Kabi ábɛɛ sɛli wulu ki rama-i, ninwɔ̀ i Wulujii ki i, ábɛɛ bili-i ǹʼna. Niŋ Wulujii ki ábɛɛ mwu-i. Ábɛɛ bili-i Yesu Kirisa ra, niŋ ki ra, Kirinŋ i taanmashɛ bo ábɛɛ ra. Niŋ taanmashɛ ki i Ɲiniwɔlinŋ ki i, ŋì a tɔnŋ wɔri wuru ninwɔ̀ bira. Niŋ mamaan ki ra, Kirinŋ ǹʼji-i tu yibɛɛ afɔɔn ni.

Efɛsitɔnŋ kiri 1:13 ပူးပေါင်းရင်းမြစ်များ

Luki 11:13

Ábɛɛ wɔ̀ri juu-u, a ábɛɛ ji finŋ shɔɔrinŋ tɔ-a, á i niŋ wɔri-ri á daŋ kiri tɛ, ábɛɛ Tiŋ wɔ̀ i kirinpɔli ki ra, niŋ a Ɲiniwɔlinŋ ki wɔri a rafɛtɔnŋ kiri tɛ, ŋì i fwuu ábɔɔ finŋ wɔrimaan kiri sun kì wa? »

Luki 24:49

Míŋ Tiŋ ki a tɔnŋ wɔri-i ábɛɛ tɛ nwɔ̀ bira, míŋ a niŋ bo na ábɛɛ sun. Nka nwɔ̀ i ábɛɛ, á tu kili ka ra sun, nwɔ̀ i Yerusalɛmu, fɔ á i faa sotinbi ki ra, ŋì i po Kirinŋ gbɛ cuunŋ. »

Yuhana 1:17

Kirinŋ sariya ki wɔri-i yibɛɛ tɛ Musa gbɛ, nka ŋì shɔɔrinŋ ki fa sɛli ki wɔri-i yibɛɛ tɛ Yesu Kirisa gbɛ.

Yuhana 14:26

Nka, míŋ Tiŋ ki a na yentɛtɔnŋ wɔ̀ bo na ábɛɛ tɛ míŋ tɔ ra, ninwɔ̀ i Ɲiniwɔlinŋ ki i, ninki a na ábɛɛ kali finŋ ki bataa ra, ŋì i á ɲakilila bo mɔ́ɔ́n wulu bimaan kiri bataa tɛ á tɛ.

Yuhana 15:26

Yesu tu kí tɛ sɛbɛ tu : « Nwɔ̀ a na ye ábɛɛ tɛ, niŋ a na : Ɲini Sɛlitiŋ ki yɛ, nwɔ̀ i po-a Kirinŋ gbɛ. Míŋ a ǹʼwɔri na ábɛɛ tɛ, ŋì i po ńʼTiŋ ki gbɛ, a niŋ yentɛtɔnŋ ki ja na waarinŋ wɔ̀ ru, ŋì a na wulubi míŋ bi sun.

Yuhana 3:33

Nwɔ̀tiŋ ǹʼwɔ wulu ki pa a sɔbɛ ra, nintiŋ ǹʼji-i tu Kirinŋ sɛlitiŋ i.

Yuhana 6:27

Nufinŋ wɔ̀ i gbɛ-a, á fa baara ma niŋ cɛfan kì, nka nufinŋ wɔ̀ gbɛ-a kì, ŋì i cin-ni koŋ nu, fɔ ŋì i ta so ɲaninkulutɔnbi kɔbali ki sun, á baara ki ma niŋ cɛfan. Nwɔ̀ ji-i Koŋ Danshuru u, ninki i niŋ nufinŋ ki wɔri-ra ábɛɛ tɛ, sabu Tiŋ Kirinŋ awɔ faan ki taanshɛ ki bili-i niŋ sun. »

Mabikiri 1:4

Jibi bɛɛ, ŋì i ntiŋ fa awɔ kalindaŋ kiri tu nufinŋ nu-a, ntiŋ i ǹʼbi furu kí tɛ : « Á fa ámaŋ nanari Yerusalɛmu na kì. Míŋ Tiŋ ki a tɔnŋ wɔri-i ábɛɛ tɛ Ɲiniwɔlinŋ wɔ̀ bira, a yɛrima ki tɔnŋ ki ra, á niŋ sunsuu. »

Mabikiri 13:26

Niŋ kɔɔtɛ, Pooli tu : « Ńʼtindaŋ ni, ábɛɛ wɔ̀ri i Aburahamu nupo o, niŋ fa ábɛɛ shiya tɔri wɔ̀ri i kɛni-na Kirinŋ jɛŋ, Kirinŋ a tɔnŋ wɔri wuru koŋ mwu bi wɔ̀ bira, ǹʼyɔ niŋ wɔri-ra yibɛɛ kiri tɛ.

Mabikiri 2:33

Ntiŋ tunpa-i waarinŋ wɔ̀ ru, ntiŋ i ta sɔɔ Kirinŋ pantɛ, ntiŋ a tɔnŋ wɔri wuru yibɛɛ tɛ Ɲiniwɔlinŋ wɔ̀ bira, ntiŋ Tiŋ Kirinŋ ki niŋ wɔri-i ntiŋ tɛ, ntiŋ niŋ Ɲiniwɔlinŋ ki jɛri-i yibɛɛ sun. Ábɛɛ i ninki ja-a, niŋ fa á i ninki rama-ni kaa dɔnsaŋ.

Ɔrɔmutɔnŋ kiri 1:16

Míŋ ɲaankwun-a Wulujii ki wu kì, sabu Kirinŋ wɔ sotinbi ki yɛ. Nwɔ̀ri bili-i ǹʼna, ŋì i nini mwu-a niŋ sotinbi ki baraka ra, ŋì i tɔnpa Yawutu kiri sun, nini kɔɔtɛ, ŋì i so shiya pyɛ kiri sun.

Ɔrɔmutɔnŋ kiri 4:11

Niŋ sɔɔpeefɛmaanna ki ji-i taanshɛ ɛ Aburahamu ra, nwɔ̀ ǹʼji-i tu Kirinŋ ntiŋ ji koŋ telimaan a a ɲaanfɛ, bilinabi ki baraka ra, niŋ i fa ntiŋ sɔɔ-ri peefɛ sun kì. Niŋ ɲaan ki tɛ, koŋ finŋ woo finŋ bili-i Kirinŋ na, hali kí ji sɔɔpeefɛ kì, Aburahamu i ji nini bataa tiŋ i. Kíbɛɛ bataa wɔ bilinabi ki shɛɛli-i telibi i Kirinŋ gbɛ.

Ɔrɔmutɔnŋ kiri 6:17

Nka, yi Kirinŋ co, sabu ábɛɛ wɔ̀ri wuru bijɛ ki wɔ jonbi ki ru sun, ábɛɛ kali-i sɛli wɔ̀ ra, ábɛɛ á kulu-i niŋ sɛli ki tɛ, á ciiru ki bataa wu.

Korɛntitɔnŋ kiri (2) 1:22

ŋì i awɔ taanshɛ ye yi ra, ŋì i awɔ Ɲiniwɔlinŋ ki bo yi ciiru tɔnŋ kiri ra, niŋ i ǹʼji yi wu tu afinŋ bi shɔɔrinŋ finŋ woo finŋ tɔnŋ wɔri yibɛɛ tɛ, tu niŋ pyɛ ki bataa a ɲaan tɛ.

Korɛntitɔnŋ kiri (2) 6:7

Yibɛɛ i wulu ki sunjo-a konaŋ ki tɛ, sɛli niŋ fa Kirinŋ wɔ sotinbi ki wu. Telibi ki i yibɔɔ kari tanfinŋ ki fa yi sunsuufinŋ ki i.

Galasitɔnŋ kiri 3:14

Kirisa ǹʼma-i ninkunŋ, nwɔma Aburahamu Kirinŋ wɔ shɔɔrinŋ wɔ̀ kila-i, niŋ i so shiya tɔri kiri bataa sun Yesu Kirisa baraka ra, yi i Ɲiniwɔlinŋ ki kila, Kirinŋ ninwɔ̀ tɔnŋ wɔri-i yibɛɛ tɛ bilinabi ki baraka ra.

Efɛsitɔnŋ kiri 4:21

Sii ǹʼna ǹʼnu kì, ábɛɛ Yesu Kirisa wulu ki rama-i, á i ntiŋ wɔ kalinŋ ki tɔ, á fani i ji ǹʼtɔ tu sɛli i.

Efɛsitɔnŋ kiri 4:30

Á fa Ɲiniwɔlinŋ ki tɔnfɔɔ kì. Niŋ Ɲiniwɔlinŋ ki i taanshɛ ɛ, Kirinŋ ninwɔ̀ bo-i ábɛɛ sun, nwɔma ŋì i ǹʼji tu ábɛɛ afɔɔn ni. Ǹʼyɔ ǹʼji-a sɛbɛ tu jibi bɛɛ yirira nmaŋ, tu afinŋ na ábɛɛ ŋunsan pewu pewu.

Tesalonikitɔnŋ kiri (1) 2:13

Yibɛɛ i baraka bi-a Kirinŋ tɛ waarinŋ bataa ru ábɛɛ bira, sabu yibɛɛ Kirinŋ wɔ wulu wɔ̀ bi-i ábɛɛ tɛ, ábɛɛ niŋ ji konanmini tɔnŋ na wulu gbansanŋ i kì. Ábɛɛ ǹʼji-i Kirinŋ dariwulu ki yɛrima ki i. Mìnki dumiŋ i ji-i sɛli ki ra. Ábɛɛ wɔ̀ri bili-i niŋ wulu ki ra, ŋì i baara ki ma-a ábɛɛ ciiru.

Timote (2) 2:15

Nʼcɛrukɔli, ŋi i ji cinŋ matɔnŋ sɔbɛ ɛ, Kirinŋ ɲaanfɛ, nwɔ̀ ɲaankwun-a awɔ cinŋ ki bi wu kì, nka ntiŋ i sɛli ki wulu ki sunjo-ri telibi wu.

Timote (2) 2:19

Niŋ fa a fɔn na, Kirinŋ bi wɔ̀ cɛ sɔɔ-ɔ, niŋ i tu-a a ta ru. Ka wulu kari sɛbɛ-i niŋ bi sun, tu : « Ŋuntiŋ ki i awɔ kiri tɔ-a. » Niŋ fa tu : « Koŋ finŋ woo finŋ ǹʼbi-a tu afinŋ Ŋuntiŋ ki wɔ, nintiŋ i a kanŋ po san-a bi kɛrimaan kiri ru. »

Timote (2) 3:15

Miŋ Kirinŋ wɔ sɛbɛ kiri ru wulu kiri tɔ-i, ŋì i nʼtu tiranbi ru, nini a so ɲakilitinbi wɔri-i miŋ tɛ, ŋi i bili Ŋuntiŋ Yesu ra, ŋi i nʼmwu.

Tite 2:11

Kirinŋ wɔ shɔɔrinŋ ki a yɛri ji-i, nwɔma koŋ bataa i a mwu niŋ sababu ra.

Iburu kiri 2:3

Niŋ ki ra, a yibɛɛ niŋ mwubi sinaŋ ki bi ki po yi gbɛ kɔɔsun, yibɛɛ yɛrima kiri ra yi mwu dɔɔkunŋ? Ŋuntiŋ ki yɛrima ki ǹʼsunjo-i, niŋ kɔɔtɛ, nwɔ̀ri niŋ wulu ki rama-i, nini i ǹʼbi yibɛɛ tɛ, kí i ǹʼji yi wu tu sɛli i.

Yakuba 1:18

Ǹʼdi-i ǹʼtɛ, ŋì i ɲaninkulutɔnbi ki wɔri yibɛɛ tɛ awɔ wulu ki baraka ra, ninwɔ̀ i sɛli ki i, nwɔma yibɛɛ i ji ǹʼwɔ juniɲa nu finŋ pomaan kiri bataa jɛŋ.

Yakuba 1:21

Niŋ ki ciiru, á bi nɔɔmaan kiri bataa tɔnbo, niŋ fa ciiru juubi kwuru ki bataa. Wulu wɔ̀ firi-i ábɛɛ tɔnŋ ki ra, á niŋ pa sunjɛribi wu, sabu so i ǹʼgbɛ, ŋì i ábɛɛ mwu.

Pyɛɛri (1) 2:10

Ábɛɛ wuru Kirinŋ wɔ konanbi i sun kì, nka dɔnsaŋ, ábɛɛ i ǹʼwɔ konanbi i. Kirinŋ wuru ábɛɛ sunmakwulupa-a sun kì, nka dɔɔ, ŋì i ábɛɛ sunmakwulupa-a.

Jafinŋ ki 7:2

Míŋ mɛlɛkɛn tɔri jɔrɔkɔmaan ja sunfalimwuŋ, Kirinŋ ɲaninkulutɔnŋ ki wɔ taanshɛ ki i ji ǹʼgbɛɛra. Pwɔkulinŋ ki fa wɛɛlufinju ki haliki wulu ki bi wuru mɛlɛkɛn pyiiraŋ wɔ̀ri tɛ, niŋ mɛlɛkɛn ki i ǹʼbi wulu sinaŋ wu nini tɛ tu :