Efɛsitɔnŋ kiri 1:11 - Jɔ Biibili ki

¹¹ Kirinŋ yibɛɛ yɛrima kiri ɲaannashi-i, yi i ji awɔ ri Kirisa bira. Mìŋ Kirinŋ wɔ̀ ki i bi kiri bataa ma-a, ŋì i kɛɲɛ a yɛri ki dintɛ bi ki wu, ninki niŋ gbɛbili wuru kabi fɔlɔfɔlɔ,

Efɛsitɔnŋ kiri 1:11 ပူးပေါင်းရင်းမြစ်များ

Mabikiri 13:48

Shiya tɔri kiri niŋ wulu ki rama-i waarinŋ wɔ̀ ru, kí bataa ciiru i di, kí i Ŋuntiŋ ki wɔ wulu ki gbɛ-ri. Kirinŋ koŋ wɔ̀ri ɲaannashi wuru, nwɔma kí i ɲaninkulutɔnbi kɔbali ki kila, nini bataa i bilinabi ki ma Yesu ra.

Mabikiri 2:23

Nka ŋì i kɛɲɛ Kirinŋ wɔ bi gbɛbilimaan ki fa ǹʼwɔ bi jɛŋ tɔbi sinaŋ ki wu, ábɛɛ ntiŋ pa-i, á i ntiŋ de kpeeri gbɛfɛ nwɔ̀ri Yawutu ri kì, kí i ntiŋ kpinkpi suu sun, kí i ntiŋ kilɛn.

Mabikiri 20:27

sabu Kirinŋ i ǹʼtɛ a i nwɔ̀ ma, míŋ niŋ bataa bi-i ábɛɛ tɛ, míŋ finŋ tɔri tenŋ nadu ábɛɛ sun kì.

Mabikiri 20:32

Dɔnsaŋ, míŋ i ábɛɛ biye-a Kirinŋ sun, niŋ fa míŋ ǹʼwɔ shɔɔrinŋ wɔ̀ wulu bi-i ábɛɛ tɛ. Ninki a so baraka wɔri-i ábɛɛ tɛ, á i ta jɛŋ bilinabi ki ru, niŋ fa ŋì a tɔnŋ wɔri-i finŋ woo finŋ bira awɔ kiri tɛ, niŋ i ji áwɔ.

Mabikiri 26:18

Míŋ a miŋ cin kí tɛ, nwɔma kí ɲaninaŋ kiri i nawwulu, kí i po san mancinŋ ki ru, kí i na manisarinŋ ki ru. Kí i po san shitaanni wɔ faan ki fɛ, kí i de Kirinŋ wɔ Masabi ki ru. Niŋ ɲaan ki tɛ, kɔ́ɔ́ bijɛ kiri i tu kí tɛ, kí arɔɔ lu kila Kirinŋ wɔ wɔlinŋ kiri fan arɔɔ bilinabi ki baraka ra míŋ na. › »

Mabikiri 4:28

Niŋ ɲaan ki tɛ, ábɛɛ bi wɔ̀ri gbɛbili wuru kɔ, kí nini po-i arì saa tɛ kaa.

Ɔrɔmutɔnŋ kiri 11:34

Miŋ tu ǹʼsɛbɛ-i ɲaan wɔ̀ tɛ tu : « Nkɛnŋ Ŋuntiŋ ki ɲakilila bi kiri tɔ-a? Nkɛnŋ ji ǹʼnacintɔnŋ ki i?

Ɔrɔmutɔnŋ kiri 8:17

A yibɛɛ ji ǹʼdaŋ ni i, yibɛɛ i ǹʼkanishitɔnŋ ni i sɛbɛ. Yibɛɛ i Kirinŋ kanishitiiri i, yi fa Kirisa i ji kanishishi ri i, sabu a yibɛɛ ji cɔɔri Kirisa fan, yibɛɛ fa ntiŋ a nɔɔri ki kila yimaŋ fan sɛbɛ.

Ɔrɔmutɔnŋ kiri 8:28

Yibɛɛ ǹʼtɔ-i tu Kirinŋ i bi kiri bataa rapwulu-la, nwɔma a bidintɛtɔnŋ kiri maku i shɔ, ŋì nini wɔ̀ri dɔri-i, ŋì i kɛɲɛ a yɛrima ki wɔ bi gbɛbilimaan ki wu.

Ɔrɔmutɔnŋ kiri 8:29

Kirinŋ nwɔ̀ri ɲaannashi-i kabi juniɲa cɛtu ki jɛŋ, ǹʼfani ǹʼgbɛbili wuru mìŋ waarinŋ ki ru tu nini a ji a Danshuru ki sali. Niŋ ɲaan ki tɛ, a Danshuru ki i ji daŋ jɔnɔ ɔ, pwaŋ mwɔɔnna i nwɔ̀ ra.

Ɔrɔmutɔnŋ kiri 8:30

Kirinŋ nwɔ̀ri ɲaannashi-i kabi juniɲa cɛtu ki jɛŋ, ŋì nini dɔri-i sɛbɛ, ŋì i nwɔ̀ri dɔri-i, ŋì nini ji-i koŋ telimaan ni i sɛbɛ, ŋì nwɔ̀ri ji-i koŋ telimaan ni i, ŋì a nɔɔri ki wɔri-i nini tɛ sɛbɛ.

Ɔrɔmutɔnŋ kiri 9:11

Daŋ kiri ji-ri waarinŋ wɔ̀ ru sun kì, kí bi shɔɔrinŋ walima bi kulinŋ ma-ni kì, nka ǹʼbi-i Erebeka tɛ tu : « Wɔrinŋ ki a na ji pwaŋ ki tɛ baara matɔnŋ i. » Niŋ ma-i, nwɔma Kirinŋ wɔ bi gbɛbilimaan ki i nafaa. Kirinŋ koŋ ɲaannashi-a, ŋì i kɛɲɛ ntiŋ mabi ri wu kì, nka ŋì i konaŋ kiri dɔri-ra, ŋì i ǹʼkɛɲɛ a yɛrima ki dintɛ bi ki wu.

Galasitɔnŋ kiri 3:18

Sabu Kirinŋ kani wɔ̀ wɔri-i, a niŋ ji wuru kila-ri sariya ki rasɔɔ bi ki baraka ra, niŋ wuru-ra so ji-i tɔnŋ wɔri ki mwɔɔn i kili kì, nka Kirinŋ ǹʼwɔri-i Aburahamu tɛ ǹʼmaan a, ŋì i kɛɲɛ awɔ tɔnwɔri ki wu.

Efɛsitɔnŋ kiri 1:14

Niŋ Ɲiniwɔlinŋ ki i ǹʼji-a yibɛɛ wu, tu Kirinŋ bi shɔɔrinŋ finŋ woo finŋ tɔnŋ wɔri yibɛɛ tɛ, tu niŋ bataa ra ma a ɲaan tɛ, waarinŋ wɔ̀ ru Kirinŋ a na awɔ kiri bataa ŋuniŋ mwu kɔ, nwɔma a nɔɔri sinaŋ ki i gbɛ.

Efɛsitɔnŋ kiri 1:18

Míŋ i ǹʼnafɛ-a tu ŋì ábɛɛ ɲakili kiri rawwulu, nwɔma ŋì ábɛɛ dɔri-i, ŋì i gbɛbilimaŋ wɔ̀ wɔri á tɛ, á i niŋ tɔ, niŋ fa tu ŋì bi shɔɔrinŋ finŋ woo finŋ tɔnŋ wɔri-i awɔ wɔlinŋ kiri tɛ, á i niŋ nafan ki tɔ.

Efɛsitɔnŋ kiri 1:5

Kirinŋ niŋ gbɛbili-i ninkunŋ awɔ bidintɛbi ki baraka ra, tu afinŋ a na yibɛɛ ji awɔ rakilidaŋ ni i, Yesu Kirisa bira, ŋì i kɛɲɛ a yɛri ki dintɛ bi ki wu.

Efɛsitɔnŋ kiri 1:8

Niŋ shɔɔrinŋ ki wɔ̀ ma-i yibɛɛ tɛ ǹʼmwɔɔnna, niŋ i kaa : Kirinŋ bitɔbi fa ɲakilitinbi sinaŋ wɔri-i yi fɔn tenŋ tenŋ tɛ.

Efɛsitɔnŋ kiri 1:9

Ŋì a ciiru gonto ki ji-i yibɛɛ wu, ŋì i ninwɔ̀ gbɛbili wuru, ŋì i kɛɲɛ awɔ shɔɔrinŋ ki wu, Yesu Kirisa baraka ra.

Efɛsitɔnŋ kiri 3:11

Kirinŋ niŋ ma-i, ŋì i ǹʼkɛɲɛ awɔ bi gbɛbilimaan kiri wu, kabi fɔlɔfɔlɔ juniɲa tɔnpa waaci ki jɛŋ, ŋì i ǹʼma yibɛɛ Ŋuntiŋ Yesu Kirisa bira.

Kɔlɔsitɔnŋ kiri 1:12

Á baraka bi Tiŋ Kirinŋ tɛ, á i á yoori, sabu ŋì finŋ wɔ̀ri ramɔni bo-i awɔ wɔlinŋ kiri jɛŋ awɔ masabi sarintiŋ ki ru, ŋì ncusun-i ábɛɛ i lu kila niŋ nu.

Kɔlɔsitɔnŋ kiri 3:24

Sabu, á ǹʼtɔ tu Ŋuntiŋ ki a tɔnŋ wɔri awɔ kiri tɛ finŋ wɔ̀ bira, tu ábɛɛ ra lu kila, nwɔ̀ a ji ábɔɔ sali ki i. Ábɛɛ Ŋuntiŋ sɛlɛsɛli ki, niŋ i Kirisa, á baara ki ma niŋ tɛ.

Tite 2:14

Mìnki a yɛri wɔri-i yibɛɛ bira, ŋì i yi ŋunsan po san bijɛ kwuru ki bataa ru, niŋ fa ŋì i yi ji shiya fɔɔmaan ni i, awɔ bo ru, nwɔma yi i so yi cɛrukɔli-i, yi i baara shɔɔrinŋ ma waarinŋ bataa ru.

Tite 3:7

Niŋ na, ŋì yibɛɛ ji-i koŋ telimaan ni i a yɛri ɲaanfɛ awɔ shɔɔrinŋ ki baraka ra, nwɔma yibɛɛ yi gbɛ bili-i ɲaninkulutɔnbi kɔbali wɔ̀ bi sun, yi i ji niŋ kanishitɔnŋ ni i.

Iburu kiri 6:17

Mìŋ ɲaan tenŋ ki tɛ, Kirinŋ wuru ǹʼtɛ a i ǹʼji a i ǹʼfɔɔ, tu afinŋ a tɔnŋ wɔri bi wɔ̀ri ra, tu nini kanishitɔnŋ kiri a nini kila, tu sii ǹʼna ǹʼnu kì, tu niŋ ki ra, ŋì i a kɔni kí tɛ.

Yakuba 2:5

Míŋ tindaŋ byii ri, á á tɔɔnye míŋ tɛ : Kirinŋ ka juniɲa ka ru gbɛwɔ kiri ɲaannashi-i, nwɔma a i kí ji fintiŋ ni i, Kirinŋ wɔ Masabi ki ru, arɔɔ bilinabi ki baraka ra kì wa? Ŋì a tɔnŋ wɔri-i niŋ masabi ki bira kpeeri tɛ, nwɔ̀ri ǹʼbidi-i arì tɛ.

Pyɛɛri (1) 1:4

Sabu Kirinŋ a tɔnŋ wɔri-i awɔ konanbi ki tɛ kani finŋ woo finŋ bira, ábɛɛ lu kila-i nini bataa ru. Niŋ kani kiri li-a kì, yìrì nɔɔ-ra kì, yìrì ɲaniŋ dumiŋ li-a kì. Kirinŋ niŋ kiri bo-i yibɛɛ jɛŋ nmaŋ kirinpɔli ki ra.

Pyɛɛri (1) 3:9

Á fa bijɛ ki shɛsan bijɛ wu kì, á dumiŋ fa koŋ wɔ kiilinŋ pwulu ntiŋ sun kì, nka á ǹʼnupwulu juba wu, sabu ábɛɛ dɔri ŋuŋ ki i tu á juba ki kila kani i.