Kɔlɔsitɔnŋ kiri 4:3 - Jɔ Biibili ki

³ Á Kirinŋ nafɛ-ri yibɛɛ yɛrima kiri tɛ sɛbɛ, nwɔma ǹʼyɛri ki i ye yibɛɛ tɛ, ŋì i ɲaan shɔɔrinŋ wɔri yi tɛ, yi i so wulubi-i, yi i Kirisa gonto ki sunjoka shɔ konaŋ kiri tɛ, ninwɔ̀ bira, míŋ i nkasu ru kwumaŋ.

Kɔlɔsitɔnŋ kiri 4:3 ပူးပေါင်းရင်းမြစ်များ

Matiyu 13:11

Ntiŋ i kí rupwulu tu : « Kirinpɔlila Masabi ki ɲaantɔ gonto ki wɔri-i ábɛɛ kiri tɛ, ǹʼwɔri kíbɛɛ tɛ kì.

Mabikiri 14:27

Niŋ ki ra, Pooli fa Barinabasi arì pwulu de-i kili ki ru waarinŋ wɔ̀ ru, kí i bilinatɔnŋ kiri bataa rakɔli. Kí so-i bi wɔ̀ri ma-i Kirinŋ wɔ so ki ciiru, niŋ fa ŋì awɔ masabi ki tɔnŋ nawwulu-i shiya tɔri kiri tɛ ɲaan wɔ̀ tɛ, nwɔma kí i bili Yesu ra, kí i niŋ bataa rakali kí tɛ.

Ɔrɔmutɔnŋ kiri 16:25

Yi Kirinŋ gbɛ, so i ninwɔ̀ gbɛ, ŋì i faan wɔri ábɛɛ tɛ áwɔ bilinabi ki ru, ŋì i kɛɲɛ Kirinŋ wɔ Wulujii ki wu, míŋ i ninwɔ̀ sunjo-a Yesu Kirisa bi ki sun, ŋì i kɛɲɛ Kirinŋ wɔ gonto jimaan ki wu yibɛɛ wu. Niŋ gonto ki radumaan wuru nmaŋ, kabi juniɲa cɛtu ki jɛŋ.

Korɛntitɔnŋ kiri (1) 16:9

Sabu Kirinŋ saa shɔɔrinŋ san-i míŋ tɛ, ŋí i so baara mwɔɔnna ma-i, ɲa kiri dumiŋ i ji mwɔ.

Korɛntitɔnŋ kiri (1) 4:1

Niŋ ɲaan ki tɛ, míŋ tindaŋ ni, á yibɛɛ shɛɛli-li Kirisa tɛ baara matɔnŋ bantenŋ ni i, niŋ fa Kirinŋ wɔ gonto ri ɲaanbitɔnŋ ni i.

Korɛntitɔnŋ kiri (2) 2:12

Míŋ so-i Torohasi kili ki ra Kirisa wɔ Wulujii ki sunjorama ki wu waarinŋ wɔ̀ ru, míŋ i ǹʼja-i ńʼtu Ŋuntiŋ ki saa rawwulu míŋ jɛŋ niŋ cinŋ ki bira.

Efɛsitɔnŋ kiri 3:1

Niŋ ki ra, míŋ Pooli i Kirinŋ nafɛ-a ábɛɛ tɛ waarinŋ bataa ru. Míŋ i nkasu ru Yesu Kirisa tɔ ki bira, sabu míŋ i Wulujii ki sunjo-a ábɛɛ shiya tɔri kiri tɛ.

Efɛsitɔnŋ kiri 3:3

Kirinŋ yɛrima ki awɔ gonto ki ji-i míŋ wu, nwɔma ŋí i ǹʼtɔ miŋ tu míŋ pyaanŋ sɛbɛ-i ǹʼsun ɲaan wɔ̀ tɛ.

Efɛsitɔnŋ kiri 3:4

A ábɛɛ mɔ́ɔ́n sɛbɛ ki kali waarinŋ wɔ̀ ru, míŋ Kirisa wɔ gonto ki tɔ-i ɲaan wɔ̀ tɛ, ábɛɛ ra niŋ tɔ.

Efɛsitɔnŋ kiri 3:9

Ǹʼtu míŋ niŋ gonto ki po manisarinŋ tɛ, nwɔma konaŋ kiri i ǹʼtɔ. Kirinŋ wɔ̀ ki finŋ kiri bataa ramɔni-i, ka gonto ka radumaan wuru mìnki gbɛ nmaŋ kabi fɔlɔfɔlɔ.

Efɛsitɔnŋ kiri 4:1

Mínwɔ̀ i nkasu ru Ŋuntiŋ Yesu tɔ ki bira, míŋ i ábɛɛ rafɛ-a, á tiri á i kɛɲɛ á dɔri ŋuŋ ki wu,

Filipitɔnŋ kiri 1:19

Sabu, míŋ ǹʼtɔ-i ńʼtu ábɔɔ rafɛ kiri baraka ra, Yesu Kirisa Ɲiniwɔlinŋ ki a ye míŋ tɛ, niŋ bi kiri bataa i rapwulu ji míŋ mwu sababu.

Filipitɔnŋ kiri 1:7

Sɛli ki ra, míŋ kakan-i ŋí i ńʼmiiri-ri ábɛɛ bataa bira ka ɲaan ka tɛ, sabu ábɛɛ bi ki gbɛ-i míŋ gbɛ kusɛbɛ. Kirinŋ shɔɔrinŋ wɔ̀ ma-i míŋ tɛ, ábɛɛ á so ma-i niŋ bataa ru. Ábɛɛ i niŋ ma-a dɔɔ, ŋì i míŋ tu nkasu ki ru, niŋ fa á i ji ǹʼma-ni waarinŋ wɔ̀ ru, míŋ wuru Wulujii ki sunjo-a, ŋí i ǹʼsɛli ki ji-ri konaŋ kiri wu.

Kɔlɔsitɔnŋ kiri 1:26

Niŋ gonto ki wɔ̀ radumaan wuru-i waaci mwɔɔnna nu konaŋ kiri sun, ŋì i a yɛri ji-a dɔɔ Kirinŋ wɔ wɔlinŋ kiri wu.

Kɔlɔsitɔnŋ kiri 4:18

Míŋ Pooli i ábɛɛ co-a, míŋ yɛri ki gbɛ ta i ka sɛbɛdaŋ kari dɔnsaŋ. Á á ɲakili tu ǹʼna, tu míŋ kɔlimaan a nkasu ru kwumaŋ. Kirinŋ shɔɔrinŋ ma á tɛ.

Tesalonikitɔnŋ kiri (1) 5:25

Ńʼtindaŋ ni, á Kirinŋ nafɛ-ri yibɛɛ yɛrima kiri tɛ.

Timote (2) 1:16

Kirinŋ Onensifɔri wɔ kaniŋ ki sunmakwulupa, sabu ntiŋ cunadi wulu li bi-i míŋ tɛ waarinŋ mwɔɔnna. Ntiŋ ɲaankwun míŋ wu, tu míŋ nkasu ru kì,

Timote (2) 2:9

Niŋ Wulujii ki bira, míŋ i cɔɔri-ra, niŋ fa jɔlɔkɔ i ji ye míŋ na, miŋ tu bi kulinŋ matɔnŋ. Nka, Kirinŋ wɔ wulu ki kɔlimaan i kì.

Timote (2) 4:2

ŋi i nʼcunadi Kirinŋ wɔ wulu ki sunjorama ki ra, waarinŋ jii bili ǹʼjɛ sun. Kalinŋ ki wɔri konaŋ kiri tɛ tɔnsunfili wu, ŋi i nʼbanba, kí i ji nʼwɔ kalinŋ ki tɛ, jɛbi kí gbɛ, ŋi i kí cunadi waarinŋ bataa ru.

Filimɔn 1:22

Ka bataa kɔɔtɛ, ŋi i fudaŋ ki bɛɛ ramɔni míŋ tɛ nmaŋ, sabu Kirinŋ fa ábɔɔ rafɛ kiri baraka ra, ǹʼtu-i pyaanniŋ, kí i míŋ wɔri ábɛɛ tɛ.