Kɔlɔsitɔnŋ kiri 3:3 - Jɔ Biibili ki

³ Sabu ábɛɛ beeni-i, ábɔɔ ɲaninkulutɔnbi ŋunaŋ ki radumaan yɛ Kirisa ru Kirinŋ gbɛ.

Kɔlɔsitɔnŋ kiri 3:3 ပူးပေါင်းရင်းမြစ်များ

Galasitɔnŋ kiri 2:20

Ábɛɛ i míŋ ja-a ɲaninkulutɔnbi wɔ̀ ru, á ǹʼtɔ tu mɔ́ɔ́n i kì, nka tu Kirisa wɔ ɲaninkulutɔnbi ki míŋ nu. Míŋ i niŋ ma-a Kirinŋ Danshuru ki ra bilinabi ki baraka ra. Mìntiŋ ki míŋ bidi-i a tɛ, ntiŋ i a yɛri wɔri beŋ ki tɛ míŋ bira.

Ɔrɔmutɔnŋ kiri 6:2

Aayi dɛ! Yibɛɛ wɔ̀ri beeni-i bijɛ ki kɛlintɛ, yibɛɛ ra so tu-i bijɛ ma-a dɔɔkunŋ sɛbɛ?

Kɔlɔsitɔnŋ kiri 2:20

A ábɛɛ ji beeni Kirisa fan, ábɔɔ lu ka juniɲa ka ru tanfinŋ gbansanŋ kiri ra kili kì. A niŋ ji sɛli i, nfɛnŋ na ábɛɛ i ncusun-ni kí i ladaŋ kwuru kari sɔɔ-ri ábɛɛ sun? Tu :

Yuhana 5:24

Yesu tu kí tɛ sɛbɛ tu : « Sɛli ki ra, míŋ a ǹʼbi ábɛɛ tɛ ńʼtu konwɔtiŋ i mɔ́ɔ́n wulu kari rama-a, ntiŋ i bili míŋ cintɔnŋ ki ra, ńʼtu nintiŋ ɲaninkulutɔnbi kɔbali ki kila kɔ, kiti ki a kwuru ntiŋ sun kili kì, ntiŋ po san-i beŋ ki ru, ntiŋ i de ɲaninkulutɔnbi ki ru.

Ɔrɔmutɔnŋ kiri 8:2

Sabu Ɲiniwɔlinŋ ki i ɲaninkulutɔnbi wɔ̀ wɔri-ra Yesu Kirisa wɔ tenbi ki baraka ra, ninki míŋ mwu san-i bijɛ ki fa beŋ ki wɔ faan ki wu.

Ɔrɔmutɔnŋ kiri 5:10

Yibɛɛ wuru Kirinŋ ɲa ni i sun, nka Kirinŋ yibɛɛ fa a faninmwuŋ ki ramɔni-i a Danshuru ki beŋ ki baraka ra. Yibɛɛ fa Kirinŋ faninmwuŋ ki ramɔnimaan ki kɔɔtɛ, sii ǹʼna ǹʼnu kì, yibɛɛ ra yi mwu ǹʼDanshuru ki wɔ ɲaninkulutɔnbi ki baraka ra.

Korɛntitɔnŋ kiri (2) 5:14

Sɛli ki ra, yibɛɛ i bi finŋ woo finŋ ma-a, yibɛɛ i ǹʼma-a, sabu yibɛɛ ǹʼtɔ-i tu yibɛɛ bidi Kirisa tɛ haali. Yibɛɛ bili-i ǹʼna tu ntiŋ tenŋ pe beeni konaŋ ki bataa ta ru. Niŋ kɔri ki i ji tu konaŋ bataa beeni ntiŋ fan.

Yuhana 5:21

Sabu Tiŋ ki i konkwuu kiri ŋmɛni-na, ŋì i ɲaninkulutɔnbi ki wɔri kí tɛ ɲaan wɔ̀ tɛ, a Danshuru ki ji ǹʼtɛ a i ɲaninkulutɔnbi ki wɔri konwɔtiŋ tɛ, ŋì i wɔri-ra nintiŋ tɛ.

Yuhana 3:16

Sɛli ki ra, Kirinŋ juniɲa nu konaŋ kiri bidi-i a tɛ haali, fɔ ŋì i a Danshuru tenŋ pe ki wɔri kí ŋununu saraka, nwɔma tu koŋ woo koŋ bili niŋ na, tu nintiŋ fa haliki kì, nka tu ntiŋ ɲaninkulutɔnbi kɔbali ki kila.

Yuhana 14:19

Pyaanniŋ, juniɲa nu konaŋ kiri ra míŋ ja kili kì, nka ábɛɛ ra míŋ ja-ri, sabu míŋ ɲaninkulutɔnŋ yɛ, ábɛɛ yɛrima kiri ɲaninkulutɔnŋ ni a na ji-i.

Pyɛɛri (1) 3:4

nka á á ciiru tɔnŋ kiri sunye sunyefinŋ nadumaan ni wu, ninwɔ̀ i tɔnsunfili i, niŋ fa ɲaanfɛfili bi i, nwɔ̀ri kɔ-a kì, tumaŋ sinaŋ i ji yìrì ra Kirinŋ ɲaanfɛ.

Matiyu 11:25

Niŋ waarinŋ ki ru, Yesu tu : « Míŋ Tiŋ, ábɛɛ wɔ̀ i kirinpɔli ki fa pwɔkulinŋ ki sun Ŋuntiŋ ki i, míŋ i baraka bi-a ábɛɛ tɛ, sabu ábɛɛ bi wɔ̀ri radu-i, ɲakilitiŋ kiri fa bitɔtɔnŋ kiri sun, ábɛɛ nini ji-i koŋ pyaanŋ kiri wu.

Kɔlɔsitɔnŋ kiri 3:4

Kirisa wɔ̀ i ábɔɔ ɲaninkulutɔnbi ki i, á niŋ na a yɛri ji jibi wɔ̀, ábɛɛ yɛrima kiri ra na ja ntiŋ fan niŋ waari ru a nɔɔri ki ru.

Iburu kiri 7:25

Niŋ ki ra, nwɔ̀ri i arì kpari-ra Kirinŋ tɛ Yesu gbɛ, ntiŋ a so nini mwu-i pewu pewu, sabu ntiŋ ɲaninkulutɔnŋ yɛ waarinŋ bataa ru, ntiŋ i Kirinŋ nafɛ-ri kí tɛ.

Kɔlɔsitɔnŋ kiri 2:3

Konanmini i Kirinŋ wɔ ɲakilitinbi ki fa ǹʼwɔ bitɔbi ki bataa kila-a Kirisa ra.

Yuhana 5:40

Niŋ fa a fɔn na, ábɛɛ i ǹʼtɛ á i na míŋ tɛ, nwɔma á i ɲaninkulutɔnbi ki kila kì.

Yuhana 4:14

Nka, míŋ i ju wɔ̀ wɔri-ra, a konwɔtiŋ niŋ mwunu, jumwunu na ntiŋ pa fɛsɛfɛsɛ kili kì. Niŋ bantenŋ i kì, míŋ ju wɔ̀ wɔri-ra, niŋ i ji-a jubyinta ntiŋ ciiru, nwɔ̀ yɛri-ra kì, nka ŋì i wulu-la fɔ ŋì i ɲaninkulutɔnbi kɔbali wɔri ntiŋ tɛ. »

Jafinŋ ki 2:17

Ɲiniwɔlinŋ ki i nwɔ̀ bi-a bilinatɔnŋ kwuru kiri tɛ, tɔɔn i konwɔtiŋ gbɛ, ntiŋ ncusun ntiŋ i ǹʼnama dɛ! Konwɔtiŋ so kila, míŋ a na maannɛ radumaan wɔri nintiŋ tɛ, ŋí i kwɔ fɔ pɛlipɛli wɔri ntiŋ tɛ, tɔ ŋunaŋ sɛbɛ-i ninwɔ̀ sun. Koŋ niŋ tɔ ki tɔ-a kì, duu kwɔ ki wɔri-i nwɔ̀tiŋ tɛ. › »

Yuhana (1) 3:2

Míŋ tindaŋ byii ri, dɔnsaŋ, yibɛɛ i Kirinŋ daŋ ni i, nka yibɛɛ ra na ji ɲaan wɔ̀ tɛ jibi naannama kiri ra, niŋ ji-i sun kì. Yibɛɛ ǹʼtɔ-i tu Kirisa a yɛri ji, tu yibɛɛ ra ji ntiŋ sali, sabu ntiŋ i ɲaan wɔ̀ tɛ cɔ, yibɛɛ ra na ntiŋ ja mìŋ ɲaan ki tɛ.

Filipitɔnŋ kiri 4:7

A niŋ ma, Kirinŋ wɔ ɲaanfɛfili wɔ gbɛ-i konanmini wɔ tɔbi sun, ninki a na ncusun ábɛɛ ciiru ki fa á ɲakili ki bataa i tu Yesu Kirisa wɔ tenbi ki ra.

Korɛntitɔnŋ kiri (1) 15:45

Niŋ ki ra, ǹʼsɛbɛ-i Kirinŋ wɔ wulu ki ru tu : « Konanmini jɔnɔ ki, nwɔ̀ i Adama, Kirinŋ ɲini de-i niŋ nu, niŋ i ji konaŋ ɲaninkulutɔnŋ i. » Nka Adama fuluntɔnŋ ki, ninwɔ̀ i Kirisa, niŋ i ɲini i, ɲini nwɔ̀ i ɲaninkulutɔnbi ki wɔri-ra.

Korɛntitɔnŋ kiri (1) 2:14

Ɲiniwɔlinŋ ki konwɔtiŋ gbɛ kì, nintiŋ a tu-a ǹʼwɔ bi kiri ra kì, sabu ntiŋ i yìrì ji-a maannikɔnɔbi i. Ntiŋ yɛri so-a yìrì ɲaantɔ-i kì, sabu koŋ so-a Kirinŋ wɔ bi kiri ɲaantɔ-i Ɲiniwɔlinŋ ki bantenŋ baraka ra.

Ɔrɔmutɔnŋ kiri 5:21

nwɔma bijɛ ki ŋununtinbi kila-i beŋ ki baraka ra ɲaan wɔ̀ tɛ, Kirinŋ wɔ shɔɔrinŋ ki i ŋununtinbi kila telibi ki baraka ra, ŋì i ɲaninkulutɔnbi kɔbali ki wɔri yi Ŋuntiŋ Yesu Kirisa baraka ra.

Kɔlɔsitɔnŋ kiri 1:5

Ábɛɛ i niŋ ma-a, sabu gbɛbilimaŋ i ábɛɛ gbɛ Kirinŋ wɔ ki ru. Ábɛɛ niŋ gbɛbilimaŋ ki tɔ-i sɛli ki sunjomaan ki baraka ra, ninwɔ̀ i Wulujii ki i.

Korɛntitɔnŋ kiri (2) 5:7

Yibɛɛ ɲaniŋ tu bi kari ra, yi i kila yi i yi tu yìrì ra kì, nka yibɛɛ yi tu-i yìrì ra bilinabi ki baraka ra.

Ɔrɔmutɔnŋ kiri 6:11

Mìŋ ɲaan tenŋ ki tɛ, ábɛɛ yɛrima kiri á yɛri shɛɛli miŋ tu ábɛɛ beeni bijɛ ki kɛlintɛ, á ɲaninkulutɔnŋ ni i ji-i Kirinŋ tɛ Yesu Kirisa baraka ra.

Efɛsitɔnŋ kiri 3:9

Ǹʼtu míŋ niŋ gonto ki po manisarinŋ tɛ, nwɔma konaŋ kiri i ǹʼtɔ. Kirinŋ wɔ̀ ki finŋ kiri bataa ramɔni-i, ka gonto ka radumaan wuru mìnki gbɛ nmaŋ kabi fɔlɔfɔlɔ.

Pyɛɛri (1) 4:2

Tu ntiŋ a awɔ ɲaninkulutɔnbi pyɛ ki ma-a, ntiŋ i ǹʼkɛɲɛ a yɛri firi ki dintɛ bi wu kili kì, nka tu ntiŋ ǹʼma kɛɲɛ-a Kirinŋ dintɛ bi ki wu.