Kɔlɔsitɔnŋ kiri 2:3 - Jɔ Biibili ki

³ Konanmini i Kirinŋ wɔ ɲakilitinbi ki fa ǹʼwɔ bitɔbi ki bataa kila-a Kirisa ra.

Kɔlɔsitɔnŋ kiri 2:3 ပူးပေါင်းရင်းမြစ်များ

Matiyu 10:26

Yesu tu : « Niŋ ki ra, á fa kɛni konaŋ kiri jɛŋ kì. Finŋ nadumaan ki tɔri ra na tu jibali kì, gonto tɔri tenŋ a tu tɔbali kì.

Luki 11:49

Niŋ ki ra, Kirinŋ wɔ ɲakilitinbi ki yɛrima ki ǹʼbi-i tu : ‹ Míŋ a na ńʼwɔ cintɔnŋ ni fa cindaŋ ni bo ta kí tɛ, kí a na ǹʼbɛɛ ri kilɛn, kí i ǹʼtɔri ri makwulujuu. ›

Ɔrɔmutɔnŋ kiri 11:33

Sɛli ki ra, Kirinŋ wɔ fintinbi ki fa ǹʼwɔ ɲakilitinbi ki fa ǹʼwɔ tɔbi kiri ciiru cuu-u. Koŋ so-a ǹʼwɔ bi gbɛbilimaan kiri tɔ kɔ-i kì. Koŋ so-a ǹʼwɔ saa kiri ɲaantɔ-i kì.

Korɛntitɔnŋ kiri (1) 1:24

Nka Kirinŋ nwɔ̀ri dɔri-i, Yawutu bili shiya tɔri sun, yibɛɛ i Kirisa wulu wɔ̀ sunjo-a, niŋ i Kirinŋ wɔ sotinbi ki fa ǹʼwɔ bitɔbi ki ji-a.

Korɛntitɔnŋ kiri (1) 1:30

Nka Kirinŋ baraka ra ábɛɛ fa Yesu Kirisa i tenŋ i. Kirinŋ Kirisa ji-i yibɛɛ fa ábɔɔ ɲakilitinbi ki fa yɔɔ telibi ki i. Kirinŋ i yibɛɛ ji-a koŋ fɔɔmaan ni i a ɲaanfɛ, ŋì i yi ji awɔ konanbi i, ŋì i yi mwu san-ni bijɛ ki wu Kirisa bira,

Efɛsitɔnŋ kiri 1:8

Niŋ shɔɔrinŋ ki wɔ̀ ma-i yibɛɛ tɛ ǹʼmwɔɔnna, niŋ i kaa : Kirinŋ bitɔbi fa ɲakilitinbi sinaŋ wɔri-i yi fɔn tenŋ tenŋ tɛ.

Kɔlɔsitɔnŋ kiri 1:19

Sabu, ǹʼji-i Kirinŋ dintɛ bi, ŋì i a ɲaan ki bataa rafaa mìntiŋ nu.

Kɔlɔsitɔnŋ kiri 1:28

Yibɛɛ i niŋ Kirisa ki bi ki sunjo-a, yi i konaŋ kiri bataa racin-ni, yi i kí kali-li ɲakilitinbi ki bataa wu, nwɔma konaŋ ki bataa tenŋ tenŋ i so ji-i koŋ nafaamaan ni i, Kirinŋ ɲaanfɛ Kirisa sababu ra.

Kɔlɔsitɔnŋ kiri 1:9

Niŋ ki ra, kabi yibɛɛ ábɛɛ mabi kiri wulu ki rama-i, yibɛɛ i Kirinŋ nafɛ-a ábɛɛ tɛ waarinŋ bataa ru, nwɔma ábɛɛ i so ǹʼdintɛ bi ki bataa tɔ-i, ŋì i ɲakilitinbi fa bitɔbi sɔbɛ wɔri á tɛ, ŋì i po Ɲiniwɔlinŋ ki gbɛ.

Kɔlɔsitɔnŋ kiri 3:16

Á ncusun Kirisa wɔ wulu ki i sɔɔmaŋ kila á ciiru, ŋì i ǹʼfaa. Á i ámaŋ kali, á i ámaŋ nacin-ni ɲakilitinbi wulu kiri bataa wu. Á i Kirinŋ gbɛ, á i baraka bi-ri ǹʼtɛ. Á ǹʼwɔ shɔɔrinŋ ki pɔri shu ri ru, nini wɔ̀ri i kila-a Kirinŋ sundɔri shu kiri fa Kirinŋ gbɛ shu kiri ru, niŋ fa shu tɔri ri, Ɲiniwɔlinŋ ki i nini wɔ̀ri wɔri-ra.

Kɔlɔsitɔnŋ kiri 3:3

Sabu ábɛɛ beeni-i, ábɔɔ ɲaninkulutɔnbi ŋunaŋ ki radumaan yɛ Kirisa ru Kirinŋ gbɛ.

Pyɛɛri (2) 1:5

Niŋ ki ra, á á banba, á i bi shɔɔrinŋ mamaanna ki bo awɔ bilinabi ki sun. Bi shɔɔrinŋ mamaanna ki sun, á i Kirinŋ tɔbi sɛlɛsɛli ki bo niŋ sun.

Jafinŋ ki 2:17

Ɲiniwɔlinŋ ki i nwɔ̀ bi-a bilinatɔnŋ kwuru kiri tɛ, tɔɔn i konwɔtiŋ gbɛ, ntiŋ ncusun ntiŋ i ǹʼnama dɛ! Konwɔtiŋ so kila, míŋ a na maannɛ radumaan wɔri nintiŋ tɛ, ŋí i kwɔ fɔ pɛlipɛli wɔri ntiŋ tɛ, tɔ ŋunaŋ sɛbɛ-i ninwɔ̀ sun. Koŋ niŋ tɔ ki tɔ-a kì, duu kwɔ ki wɔri-i nwɔ̀tiŋ tɛ. › »