Tesalonikitɔnŋ kiri (2) 3:7 - Jɔ Biibili ki

⁷ Ábɛɛ kakan-i á i yibɛɛ raki ɲaan wɔ̀ tɛ, ábɛɛ yɛrima kiri niŋ tɔ-i, sabu yibɛɛ wuru ábɛɛ kanfɛ waarinŋ wɔ̀ ru, yibɛɛ wuru jurubitiŋ ni i kì.

Tesalonikitɔnŋ kiri (2) 3:7 ပူးပေါင်းရင်းမြစ်များ

Korɛntitɔnŋ kiri (1) 11:1

Á ji míŋ nakitɔnŋ ni i, miŋ tu míŋ yɛrima ki i Kirisa rakitɔnŋ i ɲaan wɔ̀ tɛ.

Korɛntitɔnŋ kiri (1) 4:16

Niŋ ki ra, míŋ i ábɛɛ rafɛ-a, ńʼtu á tiri kɛɲɛ míŋ tirika ɲaan ki wu.

Filipitɔnŋ kiri 3:17

Míŋ tindaŋ ni, á bataa ji míŋ nakitiiri i. Ábɛɛ tirikanŋ wɔ̀ ja-i yibɛɛ gbɛ, koŋ wɔ̀ri i tiri kɛɲɛ-a niŋ wu, á nini shɛɛli, á i kí raki.

Filipitɔnŋ kiri 4:9

Míŋ ábɛɛ kini-i bi wɔ̀ri ra, niŋ fa ábɛɛ mabi wɔ̀ri kila-i míŋ gbɛ, niŋ fa ábɛɛ bi wɔ̀ri rama-i míŋ tɔnŋ na, á i ńʼja nwɔ̀ri ma-a, á nini ma-ni. A ábɛɛ niŋ ma, Ɲaanfɛfilitiŋ Kirinŋ ki a ji ábɛɛ fan.

Tesalonikitɔnŋ kiri (1) 2:10

Ábɛɛ i yibɛɛ shɛɛri kiri i, Kirinŋ yɛrima ki i ji yi shɛɛri i, tu ŋì i yibɛɛ tu ábɛɛ bilinatɔnŋ kiri kanfɛ, tu yibɛɛ tiri fɔɔbi wu. Yibɛɛ telimaan wuru-i, pɔlimaŋ wuru yi ra kì.

Tesalonikitɔnŋ kiri (1) 5:14

Yi tindaŋ ni, yibɛɛ i ǹʼceeli-la ábɛɛ gbɛ, tu koŋ wɔ̀ri tirika shɔ-a ŋì i kɛɲɛ Kirinŋ wɔ saa ki wu kì, tu á nini nacin, á i kí bo saa shɔɔrinŋ sun. Daŋ kɔ-i nwɔ̀ri sun, á i nini siratu, á i ye baraka bali kiri tɛ, á i á tɔnsunfili koŋ bataa tɛ.

Tesalonikitɔnŋ kiri (2) 3:6

Míŋ tindaŋ ni, yibɛɛ ra nwɔ̀ bi furu ábɛɛ tɛ, yi Ŋuntiŋ Yesu Kirisa tɔ ki bira, niŋ i tu : bilinatɔnŋ wɔ̀ri i arì yɛri ji-a jurubitiŋ ni i, kí i arì maanni de-ri, kí jɛɛn-na kí i yibɔɔ kalinŋ kiri pa-ri kì, tu á á kila san niŋ koŋ kwuru kiri ra.

Tesalonikitɔnŋ kiri (2) 3:9

Ŋì i miŋ tu yibɛɛ nuŋ nu-ni ábɛɛ gbɛ, tu niŋ wuru-ra ji bijɛ ɛ kì dɛ! Nka yibɛɛ baara ma-i, yi i ǹʼji ábɛɛ wu, á i ǹʼja, nwɔma ábɛɛ i ji yibɛɛ rakitiiri i, niŋ wu.

Timote (1) 4:12

Koŋ tɔri tenŋ fa miŋ nufyɛ tu ŋi tiraŋ i kì, nka ji ɲaanjitɔnŋ i bilinatɔnŋ kiri gbɛ, wulu ki, fa mabi ki fa bidintɛbi ki fa bilinabi ki fa fɔɔbi ki wu.

Tite 2:7

Miŋ yɛrima ki ji ɲaanjitɔnŋ sɔbɛ ɛ, bi shɔɔrinŋ ma ki ra bi bataa ru. A miŋ ji kí kali-la, nʼciiru fɔɔ kí tɛ, niŋ fa ŋi i ǹʼji kí wu, tu miŋ sɔbɛ ra bi i.

Pyɛɛri (1) 5:3

Kirinŋ koŋ wɔ̀ri biye-i ábɛɛ gbɛsun, á fa áwɔ faan bo nini sun kì, nka á ji ɲaanjitiiri i nini wu.