Tesalonikitɔnŋ kiri (2) 3:6 - Jɔ Biibili ki

⁶ Míŋ tindaŋ ni, yibɛɛ ra nwɔ̀ bi furu ábɛɛ tɛ, yi Ŋuntiŋ Yesu Kirisa tɔ ki bira, niŋ i tu : bilinatɔnŋ wɔ̀ri i arì yɛri ji-a jurubitiŋ ni i, kí i arì maanni de-ri, kí jɛɛn-na kí i yibɔɔ kalinŋ kiri pa-ri kì, tu á á kila san niŋ koŋ kwuru kiri ra.

Tesalonikitɔnŋ kiri (2) 3:6 ပူးပေါင်းရင်းမြစ်များ

Matiyu 18:17

A ntiŋ a kaan nini wɔ wulu lama, ta ǹʼbi bilinatɔnŋ kwuru ki tɛ. A ntiŋ a kaan bilinatɔnŋ kwuru ki wɔ wulu lama, ntiŋ bo bilinabali li walima ɲinisarakɔlɔtɔnŋ kiri fan.

Ɔrɔmutɔnŋ kiri 16:17

Nwɔ̀ri i bilinatɔnŋ kiri kɔɔye-a arìmaŋ na, kí i kí fɔni-ni, á á yɛri cɔye niŋ koŋ bishi kiri ra, ábɛɛ kalinŋ wɔ̀ kila-i, niŋ fa niŋ fu-a kì. Á ámaŋ nanari kí ra.

Korɛntitɔnŋ kiri (1) 11:2

Míŋ i ábɛɛ co-a, sabu ábɛɛ ɲakili i míŋ na á mabi kiri bataa ru, niŋ fa á i ji tagbɛ kiri pa miŋ tu míŋ yìrì kila wɔri-i ábɛɛ tɛ ɲaan wɔ̀ tɛ.

Korɛntitɔnŋ kiri (1) 5:4

A manja tan Yesu tɔ ki bira, míŋ ɲini ki a ji ábɛɛ fan. Ŋuntiŋ Yesu wɔ sotinbi ki a tu yibɛɛ fan.

Korɛntitɔnŋ kiri (1) 5:9

Míŋ ǹʼbi-i ábɛɛ tɛ ńʼwɔ sɛbɛ tɔri ru, ńʼtu á fa nankulinŋ kiri fa dɛbɛ bi tɔri tenŋ sun kì.

Korɛntitɔnŋ kiri (2) 2:10

Ábɛɛ koŋ woo koŋ wɔ pɔli tu ntiŋ tɛ, míŋ yɛri ki nintiŋ wɔ pɔli ki tu-i ntiŋ tɛ. A míŋ konwɔtiŋ wɔ pɔli tu ntiŋ tɛ, míŋ niŋ tu-i ntiŋ tɛ ábɛɛ bira, ŋí i Kirisa ji yi shɛɛri ki i.

Efɛsitɔnŋ kiri 4:17

Ńʼtindaŋ ni, míŋ a nwɔ̀ bi furu ábɛɛ tɛ dɔɔ Ŋuntiŋ ki bira, niŋ i kaa : á fa tiri miŋ tu Kirinŋ tɔbali kiri tiri-ra ɲaan wɔ̀ tɛ kì, nini i tiri-ra, kí i ǹʼkɛɲɛ arɔɔ ɲakilila kwuu kiri wu.

Kɔlɔsitɔnŋ kiri 3:17

Ábɛɛ ji bi finŋ woo finŋ ma-a, walima wulu finŋ woo finŋ bi-a, á niŋ bataa ma Yesu Kirisa tɔ ki bira, á i baraka bi Tiŋ Kirinŋ tɛ ntiŋ tɔ ra.

Tesalonikitɔnŋ kiri (1) 4:1

Ńʼtindaŋ ni, ábɛɛ kakan-i á i tirika shɔ Kirinŋ ɲaanfɛ ɲaan wɔ̀ tɛ, yibɛɛ niŋ ɲaanji-i ábɛɛ wu kɔ, ábɛɛ yɛrima kiri i ji juu tiri-ra niŋ ɲaan ki tɛ kɔ. Yibɛɛ i nwɔ̀ ceeli-la ábɛɛ gbɛ dɔnsaŋ, niŋ i tu á ǹʼbɛɛ bo niŋ sun sɛbɛ.

Tesalonikitɔnŋ kiri (1) 4:11

Á ncusun ɲaanfɛfili i ji á faninmwuŋ. Á i á yɛri ŋununubi kiri ramɔni-ni. Á i baara ma á gbɛ kiri wu, miŋ tu yibɛɛ ǹʼbi wuru ábɛɛ tɛ ɲaan wɔ̀ tɛ.

Tesalonikitɔnŋ kiri (1) 5:14

Yi tindaŋ ni, yibɛɛ i ǹʼceeli-la ábɛɛ gbɛ, tu koŋ wɔ̀ri tirika shɔ-a ŋì i kɛɲɛ Kirinŋ wɔ saa ki wu kì, tu á nini nacin, á i kí bo saa shɔɔrinŋ sun. Daŋ kɔ-i nwɔ̀ri sun, á i nini siratu, á i ye baraka bali kiri tɛ, á i á tɔnsunfili koŋ bataa tɛ.

Tesalonikitɔnŋ kiri (2) 2:15

Niŋ ki ra, ńʼtindaŋ ni, á á banba tu bilinabi ki ru, yibɛɛ kalinŋ wɔ̀ wɔri-i ábɛɛ tɛ, yi tɔnŋ na walima sɛbɛ ru, á i á da tu nini na.

Tesalonikitɔnŋ kiri (2) 3:7

Ábɛɛ kakan-i á i yibɛɛ raki ɲaan wɔ̀ tɛ, ábɛɛ yɛrima kiri niŋ tɔ-i, sabu yibɛɛ wuru ábɛɛ kanfɛ waarinŋ wɔ̀ ru, yibɛɛ wuru jurubitiŋ ni i kì.

Timote (1) 5:21

Míŋ i ǹʼceeli-la miŋ gbɛ, ŋí i ǹʼfuru, Kirinŋ fa Yesu Kirisa fa Mɛlɛkɛn wɔlinŋ kiri ɲaniŋ i yibɛɛ ra, ńʼtu a cinŋ bimaan kari bataa po arì saa tɛ telibi wu, fa koŋ san koŋ nu kì.

Timote (1) 6:5

niŋ fa sɔsɔɔlinŋ kɔbali kiri wu ɲakili bali kiri faninmwuŋ. Niŋ koŋ kiri sɛli ki tɔ-a kili kì. Kí i Kirinŋ saa tirimaanna ki ji-a jalinŋ ceeli saa a.

Timote (2) 3:5

Kí a na arì yɛri ji miŋ tu Kirinŋ jɛŋ kɛnitiiri i, konaŋ kiri ɲaanna, niŋ i faa Kirinŋ jɛŋ kɛni ki baraka ki i nwɔ̀, kí i arì kaan niŋ tɛ. Nʼyɛri paka tɔ niŋ koŋ kwuru kiri kɛlina dɛ!

Timote (2) 4:1

Míŋ a ǹʼbi furu miŋ tɛ Kirinŋ fa Yesu Kirisa ɲaanfɛ, ninwɔ̀ a kiti ki kwuru ɲaninkulutɔnŋ kiri fa konkwuu kiri sun, ńʼtu a ǹʼma Kirisa na ki fa ǹʼwɔ masabi ki bira,

Yuhana (2) 1:10

A konwɔtiŋ na ábɛɛ tɛ kalinŋ wu, nwɔ̀ fa Kirisa wɔ ki po kì, á fa ncusun ntiŋ i jɛri á gbɛ kì, á fa ntiŋ co kì.