Tesalonikitɔnŋ kiri (2) 3:4 - Jɔ Biibili ki

⁴ Ŋuntiŋ ki ncin-i yibɛɛ i bili ǹʼna, tu yibɛɛ finŋ woo finŋ bi ábɛɛ tɛ, tu ábɛɛ bi kiri ma-a, ŋì i kɛɲɛ nini wu, tu á i ji-a tu yìrì ma-a mìŋ ɲaan ki tɛ.

Tesalonikitɔnŋ kiri (2) 3:4 ပူးပေါင်းရင်းမြစ်များ

Matiyu 28:20

Míŋ finŋ woo finŋ ji-i ábɛɛ wu, á i kí kali nini bataa ra, tu kí tiri kɛɲɛ nini wu. Míŋ kɔniŋ a tu ábɛɛ fan jibi woo jibi, fɔ ka juniɲa ka i ta kɔ. »

Ɔrɔmutɔnŋ kiri 15:14

Ńʼtindaŋ ni, míŋ kɔniŋ bili-i ǹʼna, ńʼtu ábɛɛ faa-a shɔɔrinŋ fa tɔbi ra, ńʼtu ábɛɛ ra so ámaŋ nacin-i.

Ɔrɔmutɔnŋ kiri 15:18

Yesu Kirisa nwɔ̀ ki ma-i míŋ gbɛfɛ, nwɔma shiya kiri i Kirinŋ gbɛ, a míŋ ji-a wulubi, míŋ a wulubi nini bantenŋ bi sun. Ŋì nini ma-i míŋ wulu fa ńʼmabi ri wu,

Ɔrɔmutɔnŋ kiri 2:7

Koŋ wɔ̀ri cɛrukɔli-i shɔɔrinŋ ma ki ra, kí i gbɛbi ki fa ŋununfɛshi ki fa ɲaninkulutɔnbi kɔbali ki ceeli-li, Kirinŋ a na ɲaninkulutɔnbi kɔbali ki wɔri nini tɛ.

Korɛntitɔnŋ kiri (1) 14:37

A konwɔtiŋ ǹʼbi tu afinŋ cintɔnŋ i walima tu Kirinŋ wɔ kafinŋ ki bɛɛ afinŋ gbɛ, ntiŋ kakan-i ntiŋ i ǹʼtɔ tu míŋ sɛbɛ wɔ̀ wɔri ta-a ábɛɛ tɛ kaa, tu niŋ Ŋuntiŋ ki wɔ cinŋ bimaan a.

Korɛntitɔnŋ kiri (1) 7:19

Ŋi i sɔɔpeefɛ walima nʼsɔɔpeefɛ kì, niŋ finŋ tɔri kì, bi ŋuŋ ki i nwɔ̀, niŋ i Kirinŋ wɔ cinŋ bimaan ki mabi ki i.

Korɛntitɔnŋ kiri (2) 2:3

Niŋ ki ra, míŋ i sɛbɛ wɔri ta ábɛɛ tɛ, nwɔma míŋ fa ta ábɛɛ tɔnfɔɔmaan ni kila kì, sabu ábɛɛ kiri kakan-i á i míŋ ciirudi. Míŋ bili-i ǹʼna, tu míŋ ciirudimaan ki ábɛɛ bataa ciirudibi i.

Korɛntitɔnŋ kiri (2) 2:9

Sabu mɔ́ɔ́n sɛbɛ ki wɔri ŋuŋ ki bɛɛ wuru ábɛɛ tɛ sɛbɛ, tu ŋí i ábɛɛ sunsunu, a ábɛɛ ji faa míŋ wulu pa-a bi bataa ra, ŋí i niŋ tɔ.

Korɛntitɔnŋ kiri (2) 8:22

Yibɛɛ i yi tindaŋ tɔri bo ta-a koŋ fuuli kari fan ábɛɛ tɛ sɛbɛ. Yibɛɛ ntiŋ sunsunu-i ɲaan mwɔɔnna, yi i ǹʼja tu ntiŋ cɛrukɔlimaan i waaci fɔn bataa ru, nka ntiŋ cɛrukɔlimaan yɛ dɔnsaŋ, ŋì i fwuu a jɔnɔ ki sun, sabu ntiŋ gbɛ faa-a ábɛɛ ru kusɛbɛ.

Galasitɔnŋ kiri 5:10

Nka niŋ fa a fɔn na míŋ ɲakili sɔɔmaan yɛ ábɛɛ bira Ŋuntiŋ ki baraka ra, ńʼtu ábɛɛ ra saa tɔri shi kì. Nka koŋ woo koŋ i ábɛɛ fɔni-na, Kirinŋ a kiti ki fɛɛn nintiŋ sun.

Filipitɔnŋ kiri 1:6

Míŋ bili-i ǹʼna tu Kirinŋ wɔ̀ ki baara shɔɔrinŋ ka tɔnpa-i ábɛɛ ciiru, ńʼtu mìnki a tu ábɛɛ fan, fɔ á i ǹʼnafaa, fɔ ŋì i ta so Yesu Kirisa na jibi ki sun.

Filipitɔnŋ kiri 2:12

Niŋ ki ra, míŋ tindaŋ byii ri, á Kirinŋ wɔ wulu ki pa tu, miŋ tu ábɛɛ ǹʼma-i waarinŋ bataa ru ɲaan wɔ̀ tɛ. Ŋì i míŋ tu ábɛɛ kanfɛ, ábɛɛ ǹʼwulu pa-i ɲaan wɔ̀ tɛ, dɔnsaŋ míŋ maŋ narimaan ki i tu ábɛɛ ra, á ji ǹʼwulupatiiri i, ŋì i fwuu niŋ sun. Á á mwu bi ki baara ki ma Kirinŋ jɛŋ kɛmi fa sɛrɛsɛri wu.

Tesalonikitɔnŋ kiri (1) 4:10

Ábɛɛ i juu ninki ma-a á tindaŋ kiri tɛ kɔ, nini wɔ̀ri i Maseduwanɛ sɔɔta kiri bataa ru. Ǹʼfa a fɔn na, ńʼtindaŋ ni, yibɛɛ i ǹʼbi-a ábɛɛ tɛ, tu á ǹʼbɛɛ bo niŋ sun ǹʼmwɔɔnna ǹʼmwɔɔnna.

Tesalonikitɔnŋ kiri (2) 3:12

Yibɛɛ ra nwɔ̀ bi furu nini tɛ, niŋ i kaa : « á ǹʼma Ŋuntiŋ Yesu Kirisa tɔ ki bira, á yɛri kiri i baara ma ɲaanfɛfili lu, á i á nu ku ki kila-ri. »

Tesalonikitɔnŋ kiri (2) 3:6

Míŋ tindaŋ ni, yibɛɛ ra nwɔ̀ bi furu ábɛɛ tɛ, yi Ŋuntiŋ Yesu Kirisa tɔ ki bira, niŋ i tu : bilinatɔnŋ wɔ̀ri i arì yɛri ji-a jurubitiŋ ni i, kí i arì maanni de-ri, kí jɛɛn-na kí i yibɔɔ kalinŋ kiri pa-ri kì, tu á á kila san niŋ koŋ kwuru kiri ra.

Filimɔn 1:21

Míŋ gbɛ faa-a miŋ nu, tu miŋ koŋ sɔbɛ ɛ, niŋ ki ra míŋ bi ka sɛbɛ wɔri ta-ri miŋ tɛ. Míŋ bili-i ǹʼna, ńʼtu miŋ a ǹʼma ŋi i fwuu mɔ́ɔ́n bimaan ki sun.