Tesalonikitɔnŋ kiri (2) 3:1 - Jɔ Biibili ki

¹ Niŋ bataa kɔɔtɛ, ńʼtindaŋ ni, á Kirinŋ nafɛ-ri yibɛɛ yɛrima kiri tɛ, nwɔma Ŋuntiŋ ki wɔ wulu ki i so jeɲe ta-i jɛŋ, niŋ fa konaŋ kiri i ǹʼpa baraka ra, miŋ tu ǹʼma-i ábɛɛ kanfɛ ɲaan wɔ̀ tɛ.

Tesalonikitɔnŋ kiri (2) 3:1 ပူးပေါင်းရင်းမြစ်များ

Matiyu 9:38

niŋ ki ra, á jitiŋ ki rafɛ tu ntiŋ cinŋ matiiri cin, kí i ta awɔ bilaŋ ki tɛri. »

Luki 10:2

Ntiŋ tu kí tɛ : « Bilaŋ tɛri wɔ ki mwɔ-i, nka cinŋ matɔnŋ kiri rakuru-i. Á jitiŋ ki rafɛ, tu ntiŋ cinŋ matiiri cin ta awɔ bilaŋ ki tɛri.

Mabikiri 12:24

Niŋ fa a fɔn na, Kirinŋ wɔ wulu ki kɔniŋ wuru jeɲe tiri-ra jɛŋ.

Mabikiri 19:20

Niŋ ɲaan ki tɛ, Ŋuntiŋ ki wɔ sotinbi ki baraka ra, Kirinŋ wɔ wulu ki wuru baraka kila-a, mwɔɔnna i bo-ri bilinatɔnŋ kiri sun.

Mabikiri 6:7

Kirinŋ wɔ wulu ki wuru jeɲe ta-a mani ki bataa fan. Bilinatɔnŋ kiri i mwɔ na-ni Yerusalɛmu. Kirinŋ tɛ sarakawɔrɔtɔnŋ kiri mwɔɔnna fani i arì tu, kí i bilinabi ma Yesu ra.

Ɔrɔmutɔnŋ kiri 15:30

Ńʼtindaŋ ni, míŋ i ábɛɛ rafɛ-a, ńʼtu á ǹʼma Ŋuntiŋ Yesu Kirisa bira, niŋ fa Ɲiniwɔlinŋ ki wɔ bidintɛbi ki bira, á i ye míŋ tɛ ka kari ka ra, áwɔ Kirinŋ nafɛ kiri wu míŋ tɛ.

Korɛntitɔnŋ kiri (1) 16:9

Sabu Kirinŋ saa shɔɔrinŋ san-i míŋ tɛ, ŋí i so baara mwɔɔnna ma-i, ɲa kiri dumiŋ i ji mwɔ.

Korɛntitɔnŋ kiri (2) 1:11

ábɛɛ yɛrima kiri tumaŋ shi-i niŋ nu áwɔ Kirinŋ nafɛ ki baraka ra. Niŋ ɲaan ki tɛ, Kirinŋ a shɔɔrinŋ wɔ̀ ma yibɛɛ tɛ koŋ mwɔɔnna wɔ Kirinŋ nafɛ kiri baraka ra, niŋ a ji sababu koŋ mwɔɔnna i baraka bi Kirinŋ tɛ yibɛɛ bira.

Korɛntitɔnŋ kiri (2) 13:11

Ayiwa ńʼtindaŋ ni, Kirinŋ tu á fan, ŋì i ɲaanfɛfili wɔri á tɛ! Á á cunadi, á i ji koŋ nafaamaan ni i. Á i ámaŋ cunadi-ri. Á á ɲakilila kiri ji tenŋ i, á i fu, a niŋ ma, bidintɛbitiŋ Kirinŋ ki, ninwɔ̀ i ɲaanfɛfilitiŋ Kirinŋ ki i, niŋ a tu ábɛɛ fan.

Kɔlɔsitɔnŋ kiri 4:3

Á Kirinŋ nafɛ-ri yibɛɛ yɛrima kiri tɛ sɛbɛ, nwɔma ǹʼyɛri ki i ye yibɛɛ tɛ, ŋì i ɲaan shɔɔrinŋ wɔri yi tɛ, yi i so wulubi-i, yi i Kirisa gonto ki sunjoka shɔ konaŋ kiri tɛ, ninwɔ̀ bira, míŋ i nkasu ru kwumaŋ.

Tesalonikitɔnŋ kiri (1) 1:5

Yibɛɛ Kirinŋ wɔ Wulujii wɔ̀ bi-i ábɛɛ tɛ, niŋ ji tɔnŋ na wulu bantenŋ i kì, Ɲiniwɔlinŋ ki wɔ sotinbi ki wuru ǹʼnu, ninwɔ̀ wuru ǹʼji-a tu sii ǹʼna ǹʼnu kì. Yibɛɛ tiri-i ábɛɛ kanfɛ ɲaan wɔ̀ tɛ, nwɔma ábɔɔ i shɔ, ábɛɛ yɛrima kiri niŋ ja-i.

Tesalonikitɔnŋ kiri (1) 1:8

Ŋuntiŋ ki wɔ wulu ki tumaŋ wɔ̀ shi-i ábɛɛ kanfɛ, niŋ nakali wulu ki so-i fɔ Maseduwanɛ niŋ fa Akayi sɔɔta kiri ru, niŋ bantenŋ i kì, ábɛɛ yɛrima kiri bili-i Kirinŋ na ɲaan wɔ̀ tɛ, niŋ bi ki so-i mani ki bataa ru. Niŋ ki ra, wulu yibɛɛ gbɛ yi i ǹʼbi koŋ tɛ ábɛɛ bi sun kili kì.

Tesalonikitɔnŋ kiri (1) 2:1

Ńʼtindaŋ ni, ábɛɛ yɛrima kiri ǹʼtɔ-i tu yibɛɛ tamaan ki ji ǹʼgbansanŋ i ábɛɛ tɛ kì.

Tesalonikitɔnŋ kiri (1) 2:13

Yibɛɛ i baraka bi-a Kirinŋ tɛ waarinŋ bataa ru ábɛɛ bira, sabu yibɛɛ Kirinŋ wɔ wulu wɔ̀ bi-i ábɛɛ tɛ, ábɛɛ niŋ ji konanmini tɔnŋ na wulu gbansanŋ i kì. Ábɛɛ ǹʼji-i Kirinŋ dariwulu ki yɛrima ki i. Mìnki dumiŋ i ji-i sɛli ki ra. Ábɛɛ wɔ̀ri bili-i niŋ wulu ki ra, ŋì i baara ki ma-a ábɛɛ ciiru.

Tesalonikitɔnŋ kiri (1) 4:1

Ńʼtindaŋ ni, ábɛɛ kakan-i á i tirika shɔ Kirinŋ ɲaanfɛ ɲaan wɔ̀ tɛ, yibɛɛ niŋ ɲaanji-i ábɛɛ wu kɔ, ábɛɛ yɛrima kiri i ji juu tiri-ra niŋ ɲaan ki tɛ kɔ. Yibɛɛ i nwɔ̀ ceeli-la ábɛɛ gbɛ dɔnsaŋ, niŋ i tu á ǹʼbɛɛ bo niŋ sun sɛbɛ.

Tesalonikitɔnŋ kiri (1) 5:17

Á fa Kirinŋ nafɛ ki tɔnbo kì.

Tesalonikitɔnŋ kiri (1) 5:25

Ńʼtindaŋ ni, á Kirinŋ nafɛ-ri yibɛɛ yɛrima kiri tɛ.

Timote (2) 2:9

Niŋ Wulujii ki bira, míŋ i cɔɔri-ra, niŋ fa jɔlɔkɔ i ji ye míŋ na, miŋ tu bi kulinŋ matɔnŋ. Nka, Kirinŋ wɔ wulu ki kɔlimaan i kì.