Tesalonikitɔnŋ kiri (2) 2:9 - Jɔ Biibili ki

⁹ Niŋ koŋ jɛ ki a na a yɛri ji shitaanni wɔ sotinbi ki baraka ra. Ŋì i kabakobi kwuru ki bataa fa botɔnsunbi ri fa taanmashɛ ri ma, nwɔ̀ri i koŋ fɔni-na.

Tesalonikitɔnŋ kiri (2) 2:9 ပူးပေါင်းရင်းမြစ်များ

Matiyu 12:22

Niŋ kɔɔtɛ, kí i na ɲinijɛtiŋ bɛɛ wu Yesu tɛ, niŋ ɲaanfwuu wuru-i, niŋ fa ntiŋ i ji bubu. Yesu i niŋ koŋ ki kene, ntiŋ i so wulubi-i, ntiŋ i maannaja-ri.

Matiyu 24:24

Sabu purubitɔnŋ ni a na jɔrɔkɔ, kí i ǹʼbi-ri tu arìbɛɛ Kirinŋ Ɲaannakonshimaan ki i, cintɔnŋ purubitiiri i na jɔrɔkɔ sɛbɛ, nini i taanmashɛ ri fa kabakobi ri ma-ni, nwɔma arì i konaŋ ki bataa fɔni, fɔ ŋì i ta bo Kirinŋ wɔ konanbi ki sun, a kí ji wuru-ra so niŋ na kɔniŋ.

Matiyu 4:10

Yesu i ǹʼnupwulu tu : « Nʼsan míŋ jɛŋ, shitaanni, sabu ǹʼsɛbɛ-i Kirinŋ wɔ wulu ki ru tu : ‹ Miŋ kakan-i ŋi i Ŋuntiŋ Kirinŋ gbɛ, ŋi i baara ki ma ǹʼtenŋ pe tɛ. ›  »

Maraka 13:22

Sabu purubitɔnŋ ni a na jɔrɔkɔ, kí i ǹʼbi-ri tu arìbɛɛ Kirinŋ Ɲaannakonshimaan ki i, cintɔnŋ purubitiiri i na jɔrɔkɔ sɛbɛ, nini i taanmashɛ ri fa kabakobi ri ma-ni, nwɔma a ǹʼji-a so ma-i, arì i Kirinŋ ɲaannatɔnŋ kiri sunnɛɛn.

Luki 11:25

A ǹʼna so niŋ mani nu, ŋì i na-a fa niŋ koŋ ki wu, miŋ tu fu shɔɔrinŋ nuwɔ ciiru sumaan.

Yuhana 4:48

Yesu tu ntiŋ tɛ tu : « A ábɛɛ taanmashɛ ri fa botɔnsunbi ri ja kì, ábɛɛ so-a bilinabi ma-i kì wa? »

Yuhana 8:41

Ábɛɛ i á tiŋ ki mabi kiri ma-a. » Kí tu Yesu tɛ : « Yibɛɛ kaninfandaŋ kilamaan ni kì dɛ! Tiŋ tenŋ i yibɛɛ ra, niŋ i Kirinŋ i. »

Yuhana 8:44

Ábɛɛ tiŋ ki i shitaanni i, ábɛɛ i ǹʼtɛ á i ǹʼnaki a dintɛ bi ki ru. Kabi juniɲa tɔnpa waari ki ru, koŋ kilɛntɔnŋ yɛ, ŋì a tu ja-i sɛli ki ra sun kì, sabu sɛlitiŋ i kì. A ǹʼji puru ki bi-a waarinŋ wɔ̀ ru, ŋì i a yɛri ki ɲaan ki ji-a, sabu purubitɔnŋ yɛ, puru ki tiŋ ki i ji-i.

Mabikiri 13:10

« Miŋ koŋ juumaan daalintiŋ jɛ sarasari shitaannitiŋ kaa, telibi di nwɔ̀ tɛ kì, miŋ a Ŋuntiŋ ki wɔ saa telimaan ki kɛrimaanna ki tɔnbo kì wa?

Korɛntitɔnŋ kiri (2) 11:14

Nka niŋ bali-la yibɛɛ ra kì, sabu shitaanni a yɛri rapwulu ji-i miŋ tu Kirinŋ wɔ mɛlɛkɛn nɔɔritiŋ ki bɛɛ ɛ.

Korɛntitɔnŋ kiri (2) 11:3

Nka miŋ tu Awa ncusun-i myɛɛn ki i a fɔni awɔ daalinŋ ki wu ɲaan wɔ̀ tɛ, míŋ i kɛni-na, ńʼtu ábɛɛ fa na ncusun mìŋ ɲaan ki tɛ, ábɛɛ ɲakili kiri i rapwulu san áwɔ tirika shɔɔrinŋ ka fa áwɔ fɔɔbi ka sun Yesu Kirisa wɔ saa ki fan kì.

Korɛntitɔnŋ kiri (2) 4:4

Niŋ koŋ kiri bili-la Kirinŋ na kì, sabu ka juniɲa ka ŋununtiŋ ki, ninwɔ̀ i shitaanni ki i, ninki kí ciiru ɲakili kiri rala-i, nwɔma kí fa Kirinŋ wɔ Wulujii ki sarinŋ ki ja kì, niŋ Wulujii ki wɔ̀ i Kirisa nɔɔri ki ji-a, ninwɔ̀ i Kirinŋ ɲaan ki ji-a.

Efɛsitɔnŋ kiri 2:2

Ábɛɛ wuru niŋ bi kiri ma-a miŋ tu ka juniɲa nu tɔnŋ kiri i ǹʼma-a ɲaan wɔ̀ tɛ, ŋì i kɛɲɛ ɲinijɛ kiri ŋununtiŋ sinaŋ ki dintɛ bi ki wu, ninwɔ̀ i baara ki ma-a kpeeri ciiru, nwɔ̀ri arì kaan-a Kirinŋ tɛ.

Timote (2) 3:8

Miŋ tu Janɛsi fa Janbɛrɛsi cintɔnŋ Musa sɔsɔ-i ɲaan wɔ̀ tɛ, niŋ koŋ kiri i sɛli ki sɔsɔ-a mìŋ ɲaan tenŋ ki tɛ. Koŋ ciiru juumaan ni yɛ, kí ciiru kiri shɔ kì. Kɔ́ɔ́ bilinabi ki ra bi tɔri shɔ kí sun kì.

Yakuba 3:15

Niŋ ɲakilitinbi ki bishi ki po Kirinŋ gbɛ kì. Niŋ i ka juniɲa ka ru tɔnŋ kiri wɔ ɲakilitinbi ki i, niŋ i po-a shitaanni gbɛ.

Jafinŋ ki 12:17

Niŋ ma-i, myɛɛn sinaŋ ki tɔnŋ i kwulu mari ki cɛfan. Ŋì i kari ki rapwulu mari ki nupo kiri tɛ, nini wɔ̀ri i Kirinŋ wɔ cinŋ bimaan kiri ma-a, niŋ fa kí i ji ǹʼpa Yesu wɔ sɛli ki cɛfan.

Jafinŋ ki 12:9

Daragɔnŋ ki i kwɔ po taanna. Mìnki wuru myɛɛn ki i fɔlɔfɔlɔ, ŋì i dɔri-ri sɛbɛ tu ɲinijɛ walima shitaanni. Mìnki i pwɔkulinŋ sun konaŋ kiri fɔni-na. Niŋ fa awɔ mɛlɛkɛn kiri i kee bo pwɔkulinŋ ki sun.

Jafinŋ ki 18:23

Lanpaŋ sarinŋ a na na ja ǹʼnu kì, mari fa a shinŋ wulu a rama ǹʼciiru kili kì, sabu ǹʼwɔ jɔɔ tantɔnŋ kiri wuru pwɔkulinŋ sun faantiŋ kiri i, ǹʼwɔ baabi ki i shiya kiri bataa fɔni.

Jafinŋ ki 19:20

Kpalinŋ ki i pa, niŋ fa cintɔnŋ purubitɔnŋ ki i pa, ninwɔ̀ wuru kabakobi kiri ma-a kpalinŋ ki ɲaanfɛ, ŋì i konaŋ kiri fɔni-ni, nwɔma kí i arì tu, kpalinŋ ki wɔ taanshɛ ki i bo arì ra, niŋ fa kí i ǹʼminiŋ ki gbɛ-ri. Kpalinŋ ki fa cintɔnŋ purubitɔnŋ ki ɲaninkulutɔnŋ ni i pa kee kukuta cuumaan tuutiŋ ki fa kiribitiŋ ki ru.

Jafinŋ ki 20:10

Shitaanni wɔ̀ wuru konaŋ kiri fɔni-na, kí i niŋ pa kee bo kukuta sinaŋ ki ru, tuu cumaan ki fa kiribi ki faninmwuŋ, kpalinŋ ki fa cintɔnŋ purubitɔnŋ ki i juu niŋ mani wɔ̀ ru kɔ. Kí a na cɔɔri niŋ mani ki ru, cii fa sunŋ, waaci bataa ru.

Jafinŋ ki 9:11

Masa wuru yìrì gbɛ, ninwɔ̀ wuru kukuta sinaŋ ki wɔ mɛlɛkɛn ki i. Iburuwulu ki ru, ǹʼtɔ ki i tu Abandɔn, Girɛkiwulu ki ru, ǹʼtɔ ki i tu Apoliyɔn. Niŋ kɔri ki i tu halikitantɔnŋ.