Tesalonikitɔnŋ kiri (2) 2:8 - Jɔ Biibili ki

⁸ A niŋ a san nmaŋ, Koŋ jɛ ki ra a yɛri ji. Nka yibɛɛ Ŋuntiŋ Yesu a na ǹʼhaliki a tɔnŋ na faa wu, ntiŋ i ǹʼbi ki bataa kɔ a na ki sarinŋ ki wu.

Tesalonikitɔnŋ kiri (2) 2:8 ပူးပေါင်းရင်းမြစ်များ

Matiyu 13:19

Konwɔtiŋ i kirinpɔlila Masabi ki wulu ki rama-a, nka ntiŋ ǹʼdaŋ tɔ-a kì, shitaanni ki i na-a wulu lamamaan ki bataa kini san ntiŋ ciiru. Nintiŋ wɔ bi ki i miŋ tu bilanaŋ wɔ̀ri fɛɛn-ɛ saa tɔnŋ na.

Matiyu 13:38

Ji ki, niŋ i juniɲa ki i. Bilantu sɔbɛ ki i kirinpɔlila Masabi ki daŋ kiri. Ɲiŋ jɛ ki i shitaanni daŋ kiri.

Matiyu 16:27

A Koŋ Danshuru ki na na Tiŋ ki nɔɔri ki ru, niŋ fa awɔ mɛlɛkɛn kiri wu, ntiŋ a na koŋ fɔn tenŋ tenŋ sali, ŋì i kɛɲɛ a mabi wu.

Matiyu 16:28

Sɛli ki ra, míŋ a ǹʼbi ábɛɛ tɛ, ńʼtu nwɔ̀ri fɔn i kwumaŋ, ńʼtu nini bɛɛ ri ra beeni Koŋ Danshuru ki naanna ki jabali awɔ Masabi ki ru kì. »

Korɛntitɔnŋ kiri (1) 1:28

Konaŋ kiri ɲaanna, koŋ wɔ̀ri finŋ tɔri kì, koŋ wɔ̀ri bi tɔ-a kì, kí i kí bikwɔ-ri arì sun, Kirinŋ niŋ koŋ gbansanŋ kiri ɲaannashi-i, nwɔma a i konaŋ kiri ɲaanna koŋ sinaŋ kiri ji koŋ gbansanŋ ni i.

Tesalonikitɔnŋ kiri (2) 2:3

Á fa ncusun koŋ i á sunnɛɛn ɲaan tɔri tenŋ tɛ kì. Sabu Ŋuntiŋ ki a so na sun, konaŋ kiri ra arì kaan Kirinŋ tɛ sun, niŋ kɔɔtɛ, nwɔ̀ i dɔri-ra tu « Koŋ jɛ ki », ninwɔ̀ bo-i halikirama ki tɛ, niŋ i a yɛri ji.

Timote (1) 6:14

ǹʼma nini bira, ŋi i Kirinŋ wɔ cinŋ bimaan kiri paka shɔ fɔɔbi wu niŋ fa telibi wu, fɔ ŋì i ta so yi Ŋuntiŋ Yesu Kirisa na shikaŋ ki sun.

Timote (2) 1:10

Ŋì niŋ shɔɔrinŋ ki ji-i yibɛɛ wu dɔnsaŋ, yibɛɛ Mwutɔnŋ Yesu Kirisa na ki wu. Mìntiŋ ki beŋ ki faan ki li-i, ntiŋ i ɲaninkulutɔnbi gbɛbali ki ji manisarinŋ nu, Kirinŋ wɔ Wulujii ki baraka ra.

Timote (2) 4:1

Míŋ a ǹʼbi furu miŋ tɛ Kirinŋ fa Yesu Kirisa ɲaanfɛ, ninwɔ̀ a kiti ki kwuru ɲaninkulutɔnŋ kiri fa konkwuu kiri sun, ńʼtu a ǹʼma Kirisa na ki fa ǹʼwɔ masabi ki bira,

Timote (2) 4:8

Kabi dɔnsaŋ, telibi jali ki bo-i míŋ jɛŋ juniɲa nakɔɔra shikaŋ ki ru. Ŋuntiŋ ki, ninwɔ̀ i kitikwurutɔnŋ telimaan ki i, niŋ a na niŋ wɔri míŋ tɛ. Ŋì a wɔri míŋ tenŋ tɛ kì, nka finŋ woo finŋ ǹʼna shikaŋ ki sunsuu-ra bidintɛbi wu, ŋì a na niŋ jali ki wɔri míŋ fa nini bataa tɛ.

Tite 2:13

ŋì i yi tu niŋ ŋununadibi jibi ki sunsuu-ra, ninwɔ̀ i Sotiŋ Kirinŋ, yibɛɛ Mwutɔnŋ Yesu Kirisa wɔ nɔɔri ki i.

Iburu kiri 10:27

A niŋ ma, finŋ tɔri nmaŋ kili kì, duu yi sɔɔ, yi Kirinŋ wɔ kiti ki fa ǹʼwɔ tuu juumaan ki sunsuu-ri kɛmi ki ciiru, niŋ tuu ki wɔ̀ a na Kirinŋ ɲa kiri pa.

Yuhana (1) 2:13

Tiŋ ni, míŋ i ka sɛbɛ wɔri tiri-ra ábɛɛ tɛ, sabu nwɔ̀tiŋ wuru nmaŋ ka juniɲa ka tɔnpa waari ki jɛŋ, ábɛɛ niŋ tɔ-i. Ɲɔrɔkɔ ri, míŋ i ka sɛbɛ wɔri tiri-ra ábɛɛ tɛ, sabu ábɛɛ so kila-i shitaanni ki sun. Tiraŋ ni, míŋ i ka sɛbɛ wɔri tiri-ra ábɛɛ tɛ, sabu ábɛɛ Tiŋ Kirinŋ tɔ-i.

Yuhana (1) 3:12

Yi fa ji Kayɛn bishi ri i kì, niŋ ji-i shitaanni wɔ koŋ i, niŋ ki ra, niŋ i a pwaŋ ki kilɛn. Wú a pwaŋ ki kilɛn nfɛnŋ na? Wúfinŋ mabi kiri juu wuru-i, wú pwaŋ ki wɔ kiri i teli.

Yuhana (1) 5:18

Yibɛɛ i ǹʼtɔ-a tu koŋ finŋ woo finŋ Kirinŋ daŋ i, tu nintiŋ tu-a bijɛ ma-a kì, sabu Kirinŋ Danshuru ki i ntiŋ ɲaannasuu-ra, shitaanni wɔ faan ki so-a ntiŋ sun kì.

Jafinŋ ki 1:16

Sɔriniŋ jɔnpɔni i ji ntiŋ panŋ gbɛ ki ru. Baamwuru tɔnŋ fuuli tɔnŋ jii i po-ri ntiŋ tɔnŋ na. Ntiŋ ɲaanfɛ ki i cucu-ri miŋ tu sunŋ sarinŋ, sunŋ kwulu papa waaci ru.

Jafinŋ ki 13:5

Niŋ waari ru, kpalinŋ ki i so wulubi-i, ŋì i yɛriragbɛ wulu li fa Kirinŋ tɔ li wulu li bi-ri. Saa i wɔri ǹʼtɛ, ŋì i awɔ sotinbi ki ji ɲɛ yaafuuli fa fuuli (42) ciiru.

Jafinŋ ki 19:15

Baamwuru tɔnŋ jii wuru ntiŋ tɔnŋ ki ra, ntiŋ a na shiya kiri kilɛn ninwɔ̀ wu. Ntiŋ a na shiya kiri mari peebali la, ntiŋ i kí rushɛ Sobataatiŋ Kirinŋ ki wɔ tɔnkwulu sinaŋ ki ɛrɛnsɛnŋ ju sanmaŋ ki ru.

Jafinŋ ki 2:16

Niŋ ki ra, á ntɔri bi áwɔ bijɛ kiri ra, a niŋ ma kì, míŋ a ńʼkanŋ nukwulu ta ábɛɛ tɛ nmaŋ, ŋí i ta niŋ koŋ kiri kari ńʼtɔnŋ na baamwuru ki wu.

Jafinŋ ki 20:10

Shitaanni wɔ̀ wuru konaŋ kiri fɔni-na, kí i niŋ pa kee bo kukuta sinaŋ ki ru, tuu cumaan ki fa kiribi ki faninmwuŋ, kpalinŋ ki fa cintɔnŋ purubitɔnŋ ki i juu niŋ mani wɔ̀ ru kɔ. Kí a na cɔɔri niŋ mani ki ru, cii fa sunŋ, waaci bataa ru.