Tesalonikitɔnŋ kiri (2) 2:5 - Jɔ Biibili ki

⁵ Waarinŋ wɔ̀ ru míŋ wuru ábɛɛ fan, míŋ wuru mìŋ ka wulu bi-a ábɛɛ tɛ kì wa? Ábɛɛ ɲakililafɔni-i ǹʼtɛ wa?

Tesalonikitɔnŋ kiri (2) 2:5 ပူးပေါင်းရင်းမြစ်များ

Matiyu 16:9

Ka bataa ciiru, ábɛɛ bi kiri ɲaantɔ-i sun kì wa? Míŋ bwuru ŋuŋ taanŋ ki wɔri-i shuru waa taanŋ (5.000) ki tɛ mani wɔ̀ ru, niŋ fa ábɛɛ shɛɛrinŋ kpaa wɔ̀ faa ǹʼpyɛ ki ra, ábɛɛ ɲakililafɔni-i niŋ tɛ wa?

Maraka 8:18

Ɲaninaŋ ni i ábɛɛ ra, yìrì maannaja-a kì wa? Tɔɔn ni i ábɛɛ ra, yìrì wulu lama-a kì wa? Ábɛɛ ɲakili tu-a bi tɛ kì wa?

Yuhana 16:4

Míŋ i niŋ bi kiri bi-a ábɛɛ tɛ dɔnsaŋ, nwɔma a yìrì na ma waarinŋ wɔ̀ ru, ábɛɛ ɲakili i na bo tu, míŋ yìrì jɛnbi-ri ábɛɛ tɛ. » Yesu tu awɔ kalindaŋ kiri tɛ : « Míŋ wɛri ŋí i niŋ bi kiri bi ábɛɛ tɛ kì, sabu míŋ wuru faa-a ábɛɛ fan.

Mabikiri 20:31

Niŋ ki ra, á á ɲakili tu á yɛri ra, á i ǹʼtu á ciiru tu jiri byaŋ ciiru, tu míŋ ábɛɛ bataa tenŋ tenŋ nacin cii fa sunŋ, fɔ ŋí i ɲaannaju po á bira.

Galasitɔnŋ kiri 5:21

ɲaannajuubi bi kiri, lɔrutɛfɛ bi kiri, wulatinbi bi kiri fa niŋ bishi bi kiri. Míŋ i ábɛɛ racin-a miŋ tu míŋ dali wuru ŋí i ǹʼbi ja ábɛɛ tɛ ɲaan wɔ̀ tɛ, ńʼtu konwɔtiŋ ni niŋ bishi bi kiri ma-a, ńʼtu nini tɔri dantenŋ a Kirinŋ wɔ Masabi ki kila kì.

Tesalonikitɔnŋ kiri (1) 2:11

Yibɛɛ ábɛɛ bataa tenŋ tenŋ pa-i, miŋ tu tiŋ i a daŋ pa-a ɲaan wɔ̀ tɛ.

Tesalonikitɔnŋ kiri (1) 3:4

Ŋì i yibɛɛ tu ábɛɛ fan, yibɛɛ ǹʼjɛnbi wuru ábɛɛ tɛ, tu cɔɔri a yibɛɛ kila, ninki ma-i kaa.

Tesalonikitɔnŋ kiri (2) 2:6

Nwɔ̀ i ǹʼsuu-ra a yɛri ji ki sun dɔnsaŋ, ŋì i awɔ waaci ki sunsuu-ri, ábɛɛ niŋ tɔ-i.

Tesalonikitɔnŋ kiri (2) 3:10

Ŋì i yibɛɛ tu ábɛɛ kanfɛ, yibɛɛ ǹʼbi furu wuru ábɛɛ tɛ tu : « konwɔtiŋ i ǹʼtɛ a i baara ma kì, nintiŋ a tɛɛpo san nuŋ nu ki ru sɛbɛ. »

Pyɛɛri (2) 1:15

Niŋ ki ra, míŋ a ńʼcɛrukɔli, nwɔma míŋ tirimaan ki ciniŋ, ábɛɛ i so á ɲakili tu-i niŋ wulu kiri ra waarinŋ bataa ru.