Tesalonikitɔnŋ kiri (2) 2:3 - Jɔ Biibili ki

³ Á fa ncusun koŋ i á sunnɛɛn ɲaan tɔri tenŋ tɛ kì. Sabu Ŋuntiŋ ki a so na sun, konaŋ kiri ra arì kaan Kirinŋ tɛ sun, niŋ kɔɔtɛ, nwɔ̀ i dɔri-ra tu « Koŋ jɛ ki », ninwɔ̀ bo-i halikirama ki tɛ, niŋ i a yɛri ji.

Tesalonikitɔnŋ kiri (2) 2:3 ပူးပေါင်းရင်းမြစ်များ

Yuhana 17:12

Míŋ wuru kí fan waarinŋ wɔ̀ ru, ábɛɛ nwɔ̀ri wɔri-i míŋ tɛ, míŋ nini gbɛrinpa-i ábɛɛ tɔ ki bira, ábɛɛ ninwɔ̀ wɔri-i míŋ tɛ. Míŋ kí ɲaannasuu-u, ǹʼtɔri dantenŋ fɔni san kí ra kì, duu nwɔ̀ kakan wuru-i niŋ i fɔni, nwɔma Kirinŋ wɔ wulu ki i nafaa.

Korɛntitɔnŋ kiri (1) 6:9

Á ǹʼtɔ tu koŋ telibali kiri wɔ lu Kirinŋ wɔ masabi ki ru kì. Á fa á yɛri sunnɛɛn kì : kakaali kiri, nankulinŋ kiri, pɛli tantɔnŋ kiri, shuru maŋ bilitɔnŋ kiri,

Efɛsitɔnŋ kiri 5:6

Á fa ncusun koŋ i á sunnɛɛn wulu tawɔ ri wu kì, sabu niŋ wulu bishi kiri i ncin-a Kirinŋ wɔ tɔnkwulu ki i so-ri awɔ wulu pabali kiri sun.

Yuhana (1) 2:18

Ńʼdaŋ ni, waaci rakɔɔra ki tɔnpa-i. Ábɛɛ ǹʼnama wuru tu Kirisa ɲa ki ra na, nka Kirisa ɲa mwɔɔnna na-i dɔɔ, yibɛɛ i ǹʼtɔ-a niŋ na tu waaci rakɔɔra ki so.

Yuhana (1) 4:3

Nka ɲini woo ɲini a tu niŋ na kì, niŋ po Kirinŋ nu kì, niŋ i Kirisa ɲa ki ɲini i. Ábɛɛ ǹʼnama wuru-i tu niŋ ɲini ki a na, ninki i juu juniɲa ki ru kɔ.

Jafinŋ ki 17:11

Kpalinŋ wɔ̀ wuru nmaŋ fɔlɔ, ǹʼdumiŋ nmaŋ kili kì, niŋ yɛrima ki i masa fulupɔnɔtɔnŋ i, ninwɔ̀ i masa jɔnpɔni ki bɛɛ tenŋ i, ŋì i tiri-ri halikimaŋ ki ru.

Jafinŋ ki 17:8

Miŋ kpalinŋ wɔ̀ ja-i, ǹʼwuru nmaŋ fɔlɔfɔlɔ, nka dɔnsaŋ, ŋì nmaŋ kili kì. Ŋì a na tunpa po yiri kukuta sinaŋ ki ru, ŋì i tiri a halikimaŋ ki ru. Kabi juniɲa po waaci ki ru, koŋ wɔ̀ri tɔ ki sɛbɛ-ri ɲaninkulutɔnbi sɛbɛ ki ru kì, a nini na kpalinŋ ka ja, ŋì a bo kí tɔnŋ sun, sabu ǹʼwuru nmaŋ fɔlɔ, nka dɔnsaŋ ŋì nmaŋ kili kì. Nka ŋì i faa-ra a pwulu na sɛbɛ.