Tesalonikitɔnŋ kiri (2) 2:16 - Jɔ Biibili ki

¹⁶ Yibɛɛ Ŋuntiŋ Yesu Kirisa, fa yi Tiŋ Kirinŋ wɔ̀ ki yibɛɛ bidi-i a tɛ, ŋì i siratubi fa gbɛbilimaŋ kɔbali wɔri yibɛɛ tɛ awɔ shɔɔrinŋ ki baraka ra,

Tesalonikitɔnŋ kiri (2) 2:16 ပူးပေါင်းရင်းမြစ်များ

Luki 16:25

Aburahamu tu nafulutiŋ ki tɛ : ‹ Ńʼdaŋ, nʼɲakili bo ǹʼtɛ tu waarinŋ wɔ̀ ru miŋ wuru juniɲa ciiru, tu miŋ nʼwɔ ɲaanfɛfili ki kila niŋ waari ki ru, ŋi i Lansaari tu awɔ ɲaanfɛkwulu ki ru. Dɔnsaŋ, Lansaari i awɔ ɲaanfɛfili ki ru, miŋ i ji nʼwɔ ɲaanfɛkwulu ki ru.

Yuhana 13:1

Jonbikɔ ɲaannabyɛ ki myɛmaan ki, Yesu ǹʼtɔ wuru tu afinŋ po san waaci ki so-ri juniɲa ka ru kɔ, a i tiri a Tiŋ Kirinŋ tɛ. Ntiŋ wɔ koŋ wɔ̀ri i juniɲa ka ru, ntiŋ i nini bidi wuru a tɛ, daŋ nwɔ̀ ra kì.

Yuhana 15:13

Ŋi i nʼyɛri ki ɲini ki wɔri nʼwɔ wɔshuru kiri bira, bidintɛbi tɔri fwuu niŋ sun kì.

Yuhana 15:9

Míŋ Tiŋ ki míŋ bidi-i a tɛ ɲaan wɔ̀ tɛ, míŋ yɛrima ki i ábɛɛ bidi-a ńʼtɛ mìŋ ɲaan tenŋ ki tɛ. Á tu ńʼwɔ bidintɛbi ki ru.

Yuhana 16:22

Mìŋ ɲaan tenŋ ki tɛ, ábɛɛ yɛrima kiri gbɛɛratɛɛmaan yɛ dɔnsaŋ, nka míŋ a na ábɛɛ ja sɛbɛ, ábɛɛ ciiru ki a na di, koŋ a na so niŋ ciirudibi ki mwu-i ábɛɛ wu kì.

Yuhana 3:16

Sɛli ki ra, Kirinŋ juniɲa nu konaŋ kiri bidi-i a tɛ haali, fɔ ŋì i a Danshuru tenŋ pe ki wɔri kí ŋununu saraka, nwɔma tu koŋ woo koŋ bili niŋ na, tu nintiŋ fa haliki kì, nka tu ntiŋ ɲaninkulutɔnbi kɔbali ki kila.

Yuhana 4:14

Nka, míŋ i ju wɔ̀ wɔri-ra, a konwɔtiŋ niŋ mwunu, jumwunu na ntiŋ pa fɛsɛfɛsɛ kili kì. Niŋ bantenŋ i kì, míŋ ju wɔ̀ wɔri-ra, niŋ i ji-a jubyinta ntiŋ ciiru, nwɔ̀ yɛri-ra kì, nka ŋì i wulu-la fɔ ŋì i ɲaninkulutɔnbi kɔbali wɔri ntiŋ tɛ. »

Mabikiri 15:11

Á ǹʼtɔ tu, yibɛɛ bili-i ǹʼna tu Ŋuntiŋ Yesu yibɛɛ mwu ǹʼgbansanŋ i ɲaan wɔ̀ tɛ, tu ŋì kí gbɛ mìŋ ɲaan tenŋ ki tɛ. »

Mabikiri 18:27

Niŋ kɔɔtɛ, ntiŋ na-i ǹʼbi tu a ra ta Akayi kɛniŋ ki ru, bilinatɔnŋ kiri i ntiŋ tɔnnafuru niŋ na, kí i sɛbɛ wɔri ta niŋ mani nu arì kaashi kiri tɛ, nwɔma nini i ntiŋ ŋununafuka shɔ. Ntiŋ so-i kí tɛ waarinŋ wɔ̀ ru, nwɔ̀ri bilinabi ki ma wuru Kirinŋ baraka ki ru, ntiŋ i ye nini tɛ kusɛbɛ.

Ɔrɔmutɔnŋ kiri 1:7

Ńʼtindaŋ byii ri, Kirinŋ ábɛɛ wɔ̀ri dɔri-i, á i ji ǹʼwɔ konanbi Ɔrɔmu kili ki ru, míŋ i ka sɛbɛ ka wɔri ta-a ábɛɛ bataa tɛ. Yi Tiŋ Kirinŋ fa yi Ŋuntiŋ Yesu Kirisa shɔɔrinŋ fa ɲaanfɛfili wɔri á tɛ.

Ɔrɔmutɔnŋ kiri 4:16

Niŋ ki ra, kani wɔ̀ tɔnŋ wɔri-i Aburahamu fa a nupo kiri tɛ, niŋ i kila-a bilinabi ki baraka ra, nwɔma ŋì i ji Kirinŋ wɔ shɔɔrinŋ i, nwɔ̀ i Aburahamu fa a nupo kiri bataa wɔ. Ŋì fa ji sariya ki saa tiritɔnŋ kiri bantenŋ wɔ kì, nka finŋ woo finŋ bilinabi ki ma-i miŋ tu Aburahamu, ŋì i ji nini bataa wɔ sɛbɛ. Aburahamu i yibɛɛ bataa tiŋ cɛɛnni ki i,

Ɔrɔmutɔnŋ kiri 4:4

Konwɔtiŋ cinŋ ma-i, nintiŋ i finŋ wɔ̀ kila-a, ŋì bi-a niŋ tɛ tu shɔɔrinŋ i kì, nka tu ntiŋ wɔ sali.

Ɔrɔmutɔnŋ kiri 5:8

Nka, yibɛɛ bidi-i Kirinŋ tɛ ɲaan wɔ̀ tɛ, ŋì ninki ji-i yibɛɛ wu ka ɲaan ka tɛ : yibɛɛ wuru faa bijɛmatiiri i, Kirisa beeni-i yibɛɛ bira.

Efɛsitɔnŋ kiri 5:2

Ábɛɛ mabi kiri bataa ru, á á kaashi ki bidi á tɛ ǹʼbataa ru, miŋ tu Kirisa i ábɛɛ bidi-a a tɛ ɲaan wɔ̀ tɛ, ŋì a yɛri ki wɔri-i saraka Kirinŋ tɛ yibɛɛ ŋunfɛ, niŋ fani i di Kirinŋ tɛ.

Efɛsitɔnŋ kiri 5:25

Nwɔ̀ i ábɛɛ shuru kiri i, koŋ fɔn awɔ mari bidi a tɛ, miŋ tu Kirisa bilinatɔnŋ kwuru ki bidi-i a tɛ ɲaan wɔ̀ tɛ, fɔ ntiŋ a yɛri wɔri, ntiŋ i beeni ǹʼbira,

Kɔlɔsitɔnŋ kiri 1:23

Nka niŋ fa a fɔn na, á á cɛrukɔli tu bilinabi ki ru. Ábɛɛ gbɛbilimaŋ wɔ̀ kila-i Wulujii ramamaan ki bira, á fa ncusun finŋ dantenŋ i á ɲakili ki ɲaanmi san niŋ sun kì. Ábɛɛ niŋ Wulujii ki rama-i, ŋì i ji sunjo juniɲa nu konaŋ bataa tɛ, míŋ Pooli i ji ǹʼnu baara matɔnŋ i.

Kɔlɔsitɔnŋ kiri 1:5

Ábɛɛ i niŋ ma-a, sabu gbɛbilimaŋ i ábɛɛ gbɛ Kirinŋ wɔ ki ru. Ábɛɛ niŋ gbɛbilimaŋ ki tɔ-i sɛli ki sunjomaan ki baraka ra, ninwɔ̀ i Wulujii ki i.

Tesalonikitɔnŋ kiri (1) 1:3

Ábɛɛ bi wɔ̀ri ma-i, ŋì i kɛɲɛ áwɔ bilinabi ki wu, niŋ fa ábɔɔ bidintɛbi ki ncin-i ábɛɛ baara wɔ̀ ma, niŋ fa ábɛɛ á gbɛ bili-i yibɛɛ Ŋuntiŋ Yesu Kirisa sun ɲaan wɔ̀ tɛ, á faan ki bataa wu, niŋ i yibɛɛ ɲakilila waarinŋ bataa ru yi Tiŋ Kirinŋ ɲaanfɛ.

Tesalonikitɔnŋ kiri (1) 3:11

Yibɛɛ Tiŋ ki, ninwɔ̀ i Kirinŋ yɛrima ki i, niŋ fa yi Ŋuntiŋ Yesu saa ki rawwulu, nwɔma yibɛɛ i so ta-i po ábɛɛ tɛ.

Tesalonikitɔnŋ kiri (2) 2:13

Míŋ tindaŋ ni, yibɛɛ kɔniŋ kakan-i yi i coolinŋ wɔri-ri Kirinŋ tɛ waarinŋ bataa ru ábɛɛ bira, Ŋuntiŋ ki ábɛɛ wɔ̀ri bidi-i a tɛ, sabu Kirinŋ ábɛɛ ɲaannashi-i kabi fɔlɔfɔlɔ, nwɔma a i á mwu Ɲiniwɔlinŋ ki wɔ sotinbi ki baraka ra, ninwɔ̀ ábɛɛ wu fɔɔ-ɔ áwɔ bilinabi ki bira sɛli ki ra.

Tite 1:2

Nwɔma kí i arì gbɛbilimaŋ ki ji ɲaninkulutɔnbi kɔbali ki i. Kirinŋ wɔ̀ puru bi-a kì, niŋ a tɔnŋ wɔri-i yibɛɛ tɛ niŋ ɲaninkulutɔnbi kɔbali ki bi sun, niŋ i faa juniɲa namɔni-ni sun kì.

Tite 2:13

ŋì i yi tu niŋ ŋununadibi jibi ki sunsuu-ra, ninwɔ̀ i Sotiŋ Kirinŋ, yibɛɛ Mwutɔnŋ Yesu Kirisa wɔ nɔɔri ki i.

Iburu kiri 7:19

Sɛli ki ra, sariya ki so finŋ tɔri dantenŋ ma-i, ŋì i ǹʼnafaa kì. Dɔnsaŋ yibɛɛ gbɛbilimaŋ tɔri kila-i, nwɔ̀ shɔ-i ǹʼjɔnɔ ki wu, ninki baraka ra yibɛɛ i so-a yi kpari-i Kirinŋ tɛ.

Yuhana (1) 3:16

Yibɛɛ i bidintɛbi ki tɔ-a nwɔ̀ ra, niŋ i kaa tu : Kirisa a ɲini ki wɔri-i yibɛɛ bira, mìŋ ɲaan tenŋ ki tɛ, yibɛɛ yɛrima kiri kakan-i yi i yi ɲini kiri wɔri yi tindaŋ kiri bira.

Jafinŋ ki 1:5

Yesu yɛrima ki shɔɔrinŋ fa ɲaanfɛfili wɔri á tɛ. Ninwɔ̀ i shɛɛri telimaan a, nwɔ̀ jɔnɔ ŋmɛni po-i konkwuu kiri kanfɛ, ŋì i ji juniɲa ka ru masa kiri wɔ masa a. Mìntiŋ ki yibɛɛ bidi-i a tɛ, ŋì i yi mwu yi wɔ bijɛ kiri wu a yɛrima ki cunŋ ki baraka ra.

Jafinŋ ki 22:5

Cii ra na so niŋ mani nu kili kì. Kí maku a na ji lanpaŋ walima sunŋ sarinŋ na kili kì, sabu Ŋuntiŋ Kirinŋ yɛrima ki a na a sarinŋ ki po kí tɛ, kí i ji masa ri i waarinŋ bataa ru.

Jafinŋ ki 3:9

Ǹʼshɛɛli, shitaanni wɔ konanbi wɔ̀ i puru ki bi-a tu arìbɛɛ Yawutu ri i, niŋ i faa kí Yawutu ri i kì, míŋ a bi wɔ̀ ma nini wu, niŋ i kaa : míŋ a kí karaba, kí i arì kwushiri miŋ fɛ, a niŋ ma, kí a ǹʼtɔ tu miŋ bidi míŋ tɛ.