Tesalonikitɔnŋ kiri (2) 2:12 - Jɔ Biibili ki

¹² Ǹʼma-i ninkunŋ, nwɔma koŋ wɔ̀ri bili sɛli ki ra kì, telibalibi ki i di kí tɛ, Kirinŋ wɔ kiti ki i fɛɛn nini bataa sun.

Tesalonikitɔnŋ kiri (2) 2:12 ပူးပေါင်းရင်းမြစ်များ

Maraka 14:11

Ntiŋ wɔ wulu ki i di kí tɛ kusɛbɛ, kí i arì tɔnŋ wɔri, tu arì ra wari wɔri wú tɛ. Niŋ na, Yudasi i tu ɲaan shɔɔrinŋ ceeli-la, wú a so Yesu de-i kí gbɛfɛ ɲaan wɔ̀ tɛ.

Maraka 16:16

A konwɔtiŋ bili ǹʼna, ntiŋ i wu, nintiŋ a a mwu, nka koŋ woo koŋ bili ǹʼna kì, nintiŋ a a mwu kì.

Yuhana 3:36

A konwɔtiŋ a gbɛbilimaŋ ki ji Danshuru ki i, nintiŋ a ɲaninkulutɔnbi kɔbali ki kila. Nka, a konwɔtiŋ a gbɛbilimaŋ ki ji Danshuru ki i kì, nintiŋ a ɲaninkulutɔnbi ki kila kì, nka ntiŋ i Kirinŋ wɔ tɔnkwulu ki fɛ. »

Ɔrɔmutɔnŋ kiri 1:32

Ka bataa ciiru, kí i ǹʼtɔ-ri nmaŋ cɛcɛ tu Kirinŋ wɔ kiti ki fɛɛn-na ka koŋ kwuru kari sun, tu kí fa beŋ ki kakan. Niŋ fa a fɔn na, kí tu-a niŋ bi kulinŋ kiri bishi ki ma ki sun kì, fɔ kí i tu-ri ǹʼmatɔnŋ kiri cɛru.

Ɔrɔmutɔnŋ kiri 12:9

Áwɔ bidintɛbi ki ji ǹʼsɛlɛsɛli i. Á bi kulinŋ ki bikwɔ á sun, á i á da bi shɔɔrinŋ ki ra.

Ɔrɔmutɔnŋ kiri 2:8

Nka, koŋ wɔ̀ri i arì kaan-na Kirinŋ tɛ, kí i arì kaan-ni sɛli ki tɛ, kí i arì tu-ri telibalibi kiri ra, Kirinŋ wɔ tɔnkwulu ki fa ǹʼwɔ kiti ki a fɛɛn nini sun.

Korɛntitɔnŋ kiri (1) 13:6

Ntiŋ a ciirudi-a bi kɛrimaan na kì, sɛli ki i ntiŋ ciirudi-a.

Tesalonikitɔnŋ kiri (1) 5:9

Kirinŋ dintɛ bi i tu awɔ tɔnkwulu ki so yibɛɛ sun kì, duu awɔ mwubi ki yibɛɛ Ŋuntiŋ Yesu Kirisa bira.

Tesalonikitɔnŋ kiri (2) 2:10

Ŋì i a na bi kulinŋ kwuru ki bataa ma, nwɔma nwɔ̀ri wuru fɔni saa ki sun, a i nini fɔni. Niŋ konaŋ kiri ra na haliki, sabu sɛli wɔ̀ wuru-ra kí mwu, kí ji niŋ tɛ kì, kí ǹʼbidi arì tɛ kì.

Pyɛɛri (2) 2:3

Niŋ kalimɔɔ purubitɔnŋ kiri wɔ wari bi juuka jɛ ki a na ncusun kí i ábɛɛ ji jɔɔfinŋ ni i, arɔɔ koŋ sunnɛɛn wulu kiri wu. Kiti ki fɛɛn-ɛ kí sun fɔ waaci ŋmani nu kɔ, kí haliki bi ki i kí kpɛli-la.

Yuhana (3) 1:11

Ńʼtindaŋ byii Gayusi, fa ǹʼpa bi kulinŋ matɔnŋ kiri cɛfan kì, nka nʼyɛri kini bi shɔɔrinŋ ma na. Konwɔtiŋ i shɔɔrinŋ ma-a, nintiŋ i Kirinŋ wɔ koŋ i, nka konwɔtiŋ i bijɛ ma-a nintiŋ Kirinŋ tɔ-a kì.