Tesalonikitɔnŋ kiri (2) 1:8 - Jɔ Biibili ki

⁸ Ntiŋ a na tuucu faninmwuŋ, nwɔ̀ri Kirinŋ tɔ-a kì, niŋ fa kí i ji arì kaan yibɛɛ Ŋuntiŋ Yesu Kirisa Wulujii ki tɛ, ntiŋ i na kiti ki kwuru nini sun.

Tesalonikitɔnŋ kiri (2) 1:8 ပူးပေါင်းရင်းမြစ်များ

Matiyu 25:41

Niŋ kɔɔtɛ, nwɔ̀ri i ntiŋ nɔrintɛ, masa ki a na ǹʼbi nini tɛ tu : ‹ Á á san míŋ ɲaanfɛ, ábɛɛ koŋ dankamaan kari! Á tiri tuu byibali ki ru, ninwɔ̀ ramɔni-i shitaanni fa awɔ mɛlɛkɛn kiri tɛ!

Matiyu 25:46

Niŋ konaŋ kiri ra tiri ɲaanfɛkwulu kɔbali ki ru, nka koŋ telimaan kiri i tiri ɲaninkulutɔnbi kɔbali ki ru. »

Yuhana 3:19

Niŋ kiti ki fɛɛn ŋuŋ ki i ntiŋ sun kaa : Manisarinŋ ki na-i juniɲa ciiru, juniɲa nu konaŋ kiri i mancinŋ ki bidi arì tɛ, ŋì i fwuu manisarinŋ ki sun, sabu kí mabi kiri juu-u.

Yuhana 8:19

Kí i ntiŋ nanɔri : « Miŋ Tiŋ ki da? » Yesu i kí rupwulu tu : « Ábɛɛ míŋ tɔ-a kì, á dumiŋ míŋ Tiŋ ki tɔ-a kì. A ábɛɛ ji wuru míŋ tɔ-ri, ábɛɛ wuru-ra míŋ Tiŋ ki tɔ. »

Mabikiri 6:7

Kirinŋ wɔ wulu ki wuru jeɲe ta-a mani ki bataa fan. Bilinatɔnŋ kiri i mwɔ na-ni Yerusalɛmu. Kirinŋ tɛ sarakawɔrɔtɔnŋ kiri mwɔɔnna fani i arì tu, kí i bilinabi ma Yesu ra.

Ɔrɔmutɔnŋ kiri 1:28

Kí ǹʼceeli arì i Kirinŋ tɔ kì, niŋ ki ra, Kirinŋ i kí tu arɔɔ ɲakilila jɛ kiri wu, fɔ kí i mabali bi kiri ma-ni.

Ɔrɔmutɔnŋ kiri 1:5

Mìntiŋ ki bira, Kirinŋ shɔɔrinŋ ma-i yibɛɛ tɛ, ŋì i yi ji cindaŋ ni i, nwɔma yi i ye shiya kiri bataa tɛ, kí i a gbɛ, kí i bili a ra.

Ɔrɔmutɔnŋ kiri 10:16

Niŋ fa a fɔn na, koŋ bataa a ji Kirinŋ wɔ Wulujii ki tɛ kì. Niŋ ki ra, cintɔnŋ Esayi i ǹʼbi tu : « Ŋuntiŋ ki, nkɛnŋ bili yibɔɔ wulu bimaan kiri ra a tɛ? »

Ɔrɔmutɔnŋ kiri 15:18

Yesu Kirisa nwɔ̀ ki ma-i míŋ gbɛfɛ, nwɔma shiya kiri i Kirinŋ gbɛ, a míŋ ji-a wulubi, míŋ a wulubi nini bantenŋ bi sun. Ŋì nini ma-i míŋ wulu fa ńʼmabi ri wu,

Ɔrɔmutɔnŋ kiri 16:26

Nka, dɔnsaŋ cintɔnŋ kiri wɔ sɛbɛ kiri ǹʼpo-i taanna, ŋì i kɛɲɛ waarinŋ bataa ru Kirinŋ wɔ cinŋ bimaan ki wu, wulu i bi shiya kiri bataa tɛ niŋ gonto ki bi sun, nwɔma kí bataa i bili ǹʼna, kí i ǹʼwulu pa.

Ɔrɔmutɔnŋ kiri 6:16

Ábɛɛ ǹʼtɔ tu a ábɛɛ á yɛri wɔri koŋ tɛ, á i á kulu ntiŋ tɛ, tu ábɛɛ ji-a nintiŋ wɔ joŋ i kì wa? A miŋ ji bijɛ ki wɔ joŋ i, niŋ nakɔɔra ki i beŋ i, nka a miŋ ji Kirinŋ wɔ joŋ i, ŋi i nʼkulu ǹʼtɛ, niŋ nakɔɔra ki i telibi i.

Korɛntitɔnŋ kiri (1) 15:34

Á ɲakili kila, á i bijɛ ki tɔnbo. Sabu ábɛɛ ru, ǹʼbɛɛ ri Kirinŋ tɔ-a kì. Míŋ i niŋ bi-a, nwɔma ábɛɛ i ɲaankwun.

Korɛntitɔnŋ kiri (2) 10:5

Mìŋ ɲaan tenŋ ki tɛ, ɲakilila jɛ kiri, niŋ fa finŋ woo finŋ i konaŋ kiri suu-ra Kirinŋ tɔ ki sun, yibɛɛ i nini bataa kari-ra, yi i konaŋ kiri bataa ɲakilila ki rapwulu, nwɔma kí i Kirisa wulu pa.

Galasitɔnŋ kiri 3:1

Ábɛɛ Galasitɔnŋ kɛrɛbibali kari, nkɛnŋ ábɛɛ jɛnceeli sa? Yesu kpinkpi-i suu ki sun ŋuŋ wɔ̀ ra, míŋ niŋ fɔɔ ji-i ábɛɛ wu dɛ!

Galasitɔnŋ kiri 4:8

Waaci wɔ̀ ru ábɛɛ wuru Kirinŋ tɔ-a kì, ninki ncin wuru-i ábɛɛ i finŋ ni gbɛ-ri, nwɔ̀ri Kirinŋ i kì.

Tesalonikitɔnŋ kiri (1) 4:5

Á fa kakaalibi ki bidi á tɛ, miŋ tu Kirinŋ tɔbali kiri ǹʼji-a ɲaan wɔ̀ tɛ kì.

Iburu kiri 10:27

A niŋ ma, finŋ tɔri nmaŋ kili kì, duu yi sɔɔ, yi Kirinŋ wɔ kiti ki fa ǹʼwɔ tuu juumaan ki sunsuu-ri kɛmi ki ciiru, niŋ tuu ki wɔ̀ a na Kirinŋ ɲa kiri pa.

Iburu kiri 10:30

Sabu, nwɔ̀ ki ǹʼbi-i tu : « Mínki i shɛ ki san-a, mínki a koŋ bataa sali, ŋì i kɛɲɛ kí mabi kiri wu. » Ntiŋ i ji ǹʼbi sɛbɛ tu : « Ŋuntiŋ ki a kiti ki kwuru awɔ konanbi ki sun. » Yibɛɛ nintiŋ tɔ-i.

Iburu kiri 11:8

Bilinabi ki ncin-i, Aburahamu i Kirinŋ wulu pa a dɔri waari ki ru. Kirinŋ wuru-ra na kɛniŋ wɔ̀ wɔri ntiŋ tɛ kani, ntiŋ i niŋ na saa ki pa, niŋ i faa ntiŋ yɛri a tamaŋ tɔ-ri kì.

Iburu kiri 12:29

sabu yibɔɔ Kirinŋ ki i tuu u, nwɔ̀ i finŋ ŋɔni-na.

Iburu kiri 2:3

Niŋ ki ra, a yibɛɛ niŋ mwubi sinaŋ ki bi ki po yi gbɛ kɔɔsun, yibɛɛ yɛrima kiri ra yi mwu dɔɔkunŋ? Ŋuntiŋ ki yɛrima ki ǹʼsunjo-i, niŋ kɔɔtɛ, nwɔ̀ri niŋ wulu ki rama-i, nini i ǹʼbi yibɛɛ tɛ, kí i ǹʼji yi wu tu sɛli i.

Iburu kiri 5:9

Ntiŋ wɔ bi kiri bataa rafaa waarinŋ wɔ̀ ru, nwɔ̀ri ntiŋ wulu pa-i, ntiŋ ji-i nini bataa gbɛ mwubi kɔbali wɔrɔtɔnŋ i.

Pyɛɛri (1) 1:2

Tiŋ Kirinŋ ábɛɛ ɲaannashi-i kabi fɔlɔfɔlɔ, ŋì i kɛɲɛ awɔ bi gbɛbilika ɲaan ki wu, ŋì i á ji koŋ wu fɔɔmaan ni i Ɲiniwɔlinŋ ki baraka ra, nwɔma ábɛɛ i Yesu Kirisa wulu pa, ǹʼcunŋ kɔnkɔlimaan ki i á wu. Kirinŋ shɔɔrinŋ ma á tɛ, ŋì i ɲaanfɛfili wɔri á tɛ ǹʼmwɔɔnna!

Pyɛɛri (1) 3:6

Sara wuru niŋ ɲaan ki tɛ. Nmari wuru a shinŋ Aburahamu gbɛ-a, fɔ nmari i ntiŋ dɔri-ri tu, a « ŋuntiŋ. » A ábɛɛ mari kiri á yɛri bo bi shɔɔrinŋ ma saa fan, á ncusun finŋ tɔri tenŋ i á ru kɛni po san niŋ saa ki fan kì, ábɛɛ ra ji Sara danmari kiri i.

Pyɛɛri (1) 4:17

Kiti ki kwuru waaci ki so-i kɔ, ǹʼdumiŋ ji-a tɔnpa Kirinŋ wɔ konanbi ki sun. Á kiti ki ji-a tɔnpa yibɛɛ sun, nwɔ̀ri arì kaan-a Kirinŋ wɔ Wulujii ki tɛ, nini nakɔka ki a ji dɔɔkunŋ sa?

Pyɛɛri (2) 3:7

Nwɔ̀ i ka pwɔkulinŋ fa ka kirinpɔli ka bi ki i, mìŋ Kirinŋ wɔ wulu tenŋ ki sababu ra, yìrì pa tu-i tuu ki jɛŋ, yìrì i kiti kwuru shikaŋ ki fa koŋ juumaan kiri haliki shikaŋ ki sunsuu-ri.

Yodasi 1:7

Mìŋ ɲaan tenŋ ki tɛ, Sodɔmu fa Gomɔri niŋ fa arì tonfan kili kiri ra tɔnŋ kiri i arì yɛri bo wuru nankulunbi kwuru ki bataa ra, fɔ kí i ǹʼmabali ma-ni. Niŋ ki ra, Kirinŋ i kí bo tuu byibali lu, niŋ i konaŋ bataa racin.

Jafinŋ ki 20:10

Shitaanni wɔ̀ wuru konaŋ kiri fɔni-na, kí i niŋ pa kee bo kukuta sinaŋ ki ru, tuu cumaan ki fa kiribi ki faninmwuŋ, kpalinŋ ki fa cintɔnŋ purubitɔnŋ ki i juu niŋ mani wɔ̀ ru kɔ. Kí a na cɔɔri niŋ mani ki ru, cii fa sunŋ, waaci bataa ru.

Jafinŋ ki 21:8

Nka kɛnintɔnŋ kiri fa bilinabali kiri fa bijɛmatɔnŋ kiri fa koŋ kilɛntɔnŋ kiri fa nankulinŋ kiri fa baatɔnŋ kiri fa pɛli tantɔnŋ kiri fa purubitɔnŋ kiri bataa, nini wɔ lu ki a ji kukuta sinaŋ tuutiŋ ki fa kiribitiŋ ki i, ninwɔ̀ i beŋ fuluntɔnŋ ki i. »

Jafinŋ ki 6:10

Nini i fali-li tu : « Yibɛɛ Ŋuntiŋ wɔlinŋ ki, niŋ fa yi Ŋuntiŋ sɛlɛsɛli ki, ábɛɛ faa waaci danwɔ sunsuu-ra, á i kiti ki kwuru pwɔkulinŋ suntɔnŋ kiri sun, yibɛɛ cunŋ kɔnkɔlimaan ki bira? »