Tesalonikitɔnŋ kiri (2) 1:7 - Jɔ Biibili ki

⁷ Niŋ ɲaan ki tɛ, ábɛɛ wɔ̀ri i cɔɔri ki ru, ŋì a na nufaan wɔri yibɛɛ fa ábɛɛ tɛ. Niŋ a na ma, yibɛɛ Ŋuntiŋ Yesu Kirisa pwulu na shikaŋ ki ru, waarinŋ wɔ̀ ru ntiŋ a na, ntiŋ i po kirinpɔli ki ra, ntiŋ fa awɔ mɛlɛkɛn sotiŋ kiri.

Tesalonikitɔnŋ kiri (2) 1:7 ပူးပေါင်းရင်းမြစ်များ

Matiyu 16:27

A Koŋ Danshuru ki na na Tiŋ ki nɔɔri ki ru, niŋ fa awɔ mɛlɛkɛn kiri wu, ntiŋ a na koŋ fɔn tenŋ tenŋ sali, ŋì i kɛɲɛ a mabi wu.

Matiyu 16:28

Sɛli ki ra, míŋ a ǹʼbi ábɛɛ tɛ, ńʼtu nwɔ̀ri fɔn i kwumaŋ, ńʼtu nini bɛɛ ri ra beeni Koŋ Danshuru ki naanna ki jabali awɔ Masabi ki ru kì. »

Matiyu 25:31

Yesu tu : « Waarinŋ wɔ̀ ru, a Koŋ Danshuru ki na na awɔ nɔɔri ki ru, ntiŋ fa awɔ mɛlɛkɛn kiri bataa, ntiŋ a na sɔɔ awɔ masawaalinŋ nɔɔritiŋ ki sun.

Matiyu 25:41

Niŋ kɔɔtɛ, nwɔ̀ri i ntiŋ nɔrintɛ, masa ki a na ǹʼbi nini tɛ tu : ‹ Á á san míŋ ɲaanfɛ, ábɛɛ koŋ dankamaan kari! Á tiri tuu byibali ki ru, ninwɔ̀ ramɔni-i shitaanni fa awɔ mɛlɛkɛn kiri tɛ!

Matiyu 26:64

Yesu i ntiŋ nupwulu tu : « Miŋ yɛrima ki i ǹʼbi-a kaa dɛ! Ŋì i bo niŋ bataa sun, ŋì i shi dɔnsaŋ, ábɛɛ ra na Koŋ Danshuru ki sɔɔmaan ki ja Sobataatiŋ ki pantɛ. Niŋ kɔɔtɛ, á i ǹʼyirira ja kirinpɔli la loŋ kiri faninmwuŋ. »

Maraka 14:62

Yesu i ntiŋ nupwulu tu : « Aawe, MÍŊ YƐ. Ábɛɛ ra na Koŋ Danshuru ki sɔɔmaan ki ja Sobataatiŋ ki pantɛ. Niŋ kɔɔtɛ, á i ǹʼyirira ja kirinpɔli ki ra loŋ kiri faninmwuŋ.  »

Maraka 8:38

A nwɔ̀tiŋ ɲaankwun míŋ fa ńʼwɔ wulu ki wu, nankulinŋ kiri fa bijɛmatɔnŋ kiri kanfɛ, Koŋ Danshuru ki na na waarinŋ wɔ̀ ru, a tiŋ ki nɔɔri ki fa mɛlɛkɛn wɔlinŋ kiri wu, ntiŋ a na ɲaankwun nintiŋ wu. »

Luki 16:25

Aburahamu tu nafulutiŋ ki tɛ : ‹ Ńʼdaŋ, nʼɲakili bo ǹʼtɛ tu waarinŋ wɔ̀ ru miŋ wuru juniɲa ciiru, tu miŋ nʼwɔ ɲaanfɛfili ki kila niŋ waari ki ru, ŋi i Lansaari tu awɔ ɲaanfɛkwulu ki ru. Dɔnsaŋ, Lansaari i awɔ ɲaanfɛfili ki ru, miŋ i ji nʼwɔ ɲaanfɛkwulu ki ru.

Luki 17:30

Koŋ Danshuru ki a na a yɛri ji jibi wɔ̀, niŋ shikaŋ, ŋì a na ji ninkunŋ.

Yuhana 1:3

Mìnki finŋ kiri bataa ramɔni-i. Finŋ woo finŋ namɔni-i, ǹʼtɔri tenŋ namɔni wulu ka kɔɔtɛ kì.

Yuhana 1:51

Ntiŋ tu sɛbɛ : « Sɛli ki ra, míŋ a ǹʼbi ábɛɛ tɛ ńʼtu, ábɛɛ ra na kirinpɔli ki rawwulumaan ki ja, á i Kirinŋ wɔ mɛlɛkɛn kiri jɛrira ki ja pwɔkulinŋ sun, á i yìrì tunpaara ki ja kirinpɔli ki ru Koŋ Danshuru ki bira. »

Mabikiri 1:11

Niŋ shuru kiri tu : « Galiletiiri, nfɛnŋ na ábɛɛ tu-i ji faa kwumaŋ, á i kirinpɔlila shɛɛli-li? Yesu wɔ̀ fɛshi san-i ábɛɛ ra kaa, ntiŋ a a pwulu na jibi bɛɛ mìŋ ɲaan tenŋ ki tɛ, miŋ tu ábɛɛ ntiŋ tirira ki ja-i kirinpɔli ki ra ɲaan wɔ̀ tɛ. »

Mabikiri 3:19

Niŋ ki ra, á ntɔri bi áwɔ bijɛ kiri ra, á i na Kirinŋ tɛ, nwɔma ŋì i áwɔ bijɛ kiri tu á tɛ.

Ɔrɔmutɔnŋ kiri 8:17

A yibɛɛ ji ǹʼdaŋ ni i, yibɛɛ i ǹʼkanishitɔnŋ ni i sɛbɛ. Yibɛɛ i Kirinŋ kanishitiiri i, yi fa Kirisa i ji kanishishi ri i, sabu a yibɛɛ ji cɔɔri Kirisa fan, yibɛɛ fa ntiŋ a nɔɔri ki kila yimaŋ fan sɛbɛ.

Korɛntitɔnŋ kiri (1) 3:13

kiti ki shikaŋ ki ru, koŋ fɔn bataa wɔ baara a na ja, ŋì i sunsunu tuu wu, nwɔma ǹʼkwuru i tɔ.

Korɛntitɔnŋ kiri (2) 4:17

Sɛli ki ra, yibɛɛ i cɔɔri wɔ̀ kila-a dɔɔ, niŋ gbɛ-i, nka niŋ finŋ tɔri kì, sabu yibɛɛ ra ta gbɛbi wɔ̀ kila niŋ cɔɔri ki bira niŋ gbɛ-i kusɛbɛ, ǹʼfani dumiŋ kɔ-a kì.

Efɛsitɔnŋ kiri 1:2

Yibɛɛ tiŋ Kirinŋ fa yi Ŋuntiŋ Yesu Kirisa shɔɔrinŋ fa ɲaanfɛfili wɔri á tɛ.

Kɔlɔsitɔnŋ kiri 1:16

sabu, kirinpɔli la finŋ kiri fa pwɔkulinŋ sun finŋ kiri bataa po-i mìntiŋ ki sababu ra. Finŋ wɔ̀ri i ja-a niŋ fa finŋ wɔ̀ri ja-a kì, masabi kiri fa ŋununtinbi kiri, ŋì i ta bo faantiŋ kiri fa sotiŋ kiri sun, mìntiŋ sɔɔ-ɔ, yìrì bataa i ramɔni, niŋ fa yìrì i ji ramɔni mìntiŋ ki tɛ.

Tesalonikitɔnŋ kiri (1) 3:13

Ŋì baraka de á ru, á i ji koŋ shɔɔrinŋ pɔlibali li i, yibɛɛ Tiŋ Kirinŋ ɲaanfɛ, yi Ŋuntiŋ Yesu Kirisa pwulu na waaci ki ru, awɔ konanbi wɔlinŋ ki bataa wu. Amiina!

Timote (2) 2:12

A yibɛɛ yi banba tu bilinabi ki ru, yibɛɛ fa ntiŋ a ta awɔ masabi ki ma. A yibɛɛ yi kaan ntiŋ tɛ, ntiŋ yɛrima ki ra a kaan yibɛɛ tɛ.

Tite 2:13

ŋì i yi tu niŋ ŋununadibi jibi ki sunsuu-ra, ninwɔ̀ i Sotiŋ Kirinŋ, yibɛɛ Mwutɔnŋ Yesu Kirisa wɔ nɔɔri ki i.

Iburu kiri 10:27

A niŋ ma, finŋ tɔri nmaŋ kili kì, duu yi sɔɔ, yi Kirinŋ wɔ kiti ki fa ǹʼwɔ tuu juumaan ki sunsuu-ri kɛmi ki ciiru, niŋ tuu ki wɔ̀ a na Kirinŋ ɲa kiri pa.

Iburu kiri 12:29

sabu yibɔɔ Kirinŋ ki i tuu u, nwɔ̀ i finŋ ŋɔni-na.

Iburu kiri 4:1

Kirinŋ wɔ tɔnwɔri ki i a ta ru yibɛɛ tɛ, tu a ra yi de awɔ nufaanmaŋ ki ru, niŋ ki ra, á bataa kɛni, nwɔma koŋ tɔri tenŋ fa na tu kɔɔtɛ kì.

Iburu kiri 4:11

Niŋ ki ra, yi bataa yi banba, yi i de niŋ nufaanmaŋ ki ru, nwɔma koŋ tɔri tenŋ fa na ji Kirinŋ wulu pabali, ntiŋ i fɛɛn miŋ tu yibɛɛ tiŋ cɛɛnni kiri kì.

Iburu kiri 4:9

Niŋ i ǹʼbi-a tu Kirinŋ wɔ sunŋ jɔnpɔnɔtɔnŋ sun nufaan ki bishi bo ǹʼwɔ konanbi ki jɛŋ.

Iburu kiri 9:28

Mìŋ ɲaan tenŋ ki tɛ, Kirisa a yɛri ki ji-i saraka kaan tenŋ pe, nwɔma ntiŋ i koŋ mwɔɔnna wɔ bijɛ ri shii shi. Ntiŋ na kaan fuluntɔnŋ ki a na ji bijɛ bi i kili kì, nka nwɔ̀ri i ntiŋ sunsuu-ra, nwɔma ntiŋ i na arì mwu, ntiŋ a na nini bira.

Pyɛɛri (1) 3:22

Ntiŋ tunpa-i kirinpɔli ki ra, ntiŋ i ta sɔɔ Kirinŋ pantɛ. Mɛlɛkɛn kiri fa masabi kiri fa sotinbi kiri bataa kulu-i ntiŋ tɛ.

Pyɛɛri (2) 3:7

Nwɔ̀ i ka pwɔkulinŋ fa ka kirinpɔli ka bi ki i, mìŋ Kirinŋ wɔ wulu tenŋ ki sababu ra, yìrì pa tu-i tuu ki jɛŋ, yìrì i kiti kwuru shikaŋ ki fa koŋ juumaan kiri haliki shikaŋ ki sunsuu-ri.

Yodasi 1:7

Mìŋ ɲaan tenŋ ki tɛ, Sodɔmu fa Gomɔri niŋ fa arì tonfan kili kiri ra tɔnŋ kiri i arì yɛri bo wuru nankulunbi kwuru ki bataa ra, fɔ kí i ǹʼmabali ma-ni. Niŋ ki ra, Kirinŋ i kí bo tuu byibali lu, niŋ i konaŋ bataa racin.

Jafinŋ ki 1:7

Á ǹʼshɛɛli! Ntiŋ a yiri loŋ kiri kanfɛ, konaŋ kiri bataa ra na ntiŋ ja, haali nwɔ̀ri ntiŋ bu-i tama ki ra, pwɔkulinŋ sun konaŋ ki bataa ra na ŋuntan ntiŋ bira. Aawe, ŋì i ji ninkunŋ! Amiina!

Jafinŋ ki 14:10

nintiŋ a Kirinŋ wɔ tɔnkwulu dunfɛnŋ ki mwunu sɛbɛ, ŋì ninwɔ̀ yɛrisun ki pwulu bo-i awɔ tɔnkwulu jaakilaŋ ki ru. Ntiŋ a na cɔɔri kusɛbɛ, tuu ki fa kiribi ki faninmwuŋ, mɛlɛkɛn wɔlinŋ kiri fa Saanaŋ ki ɲaanfɛ.

Jafinŋ ki 14:13

Niŋ kɔɔtɛ, míŋ i wulu tɔri rama, ŋì i po kirinpɔli ki ra, tu : « Ǹʼsɛbɛ tu : ‹ Koŋ wɔ̀ri i beeni-a, ŋì i kí tu Ŋuntiŋ ki wɔ bilinabi ki ru, ŋì i shi dɔɔ, nini wɔ shɔ-i. › » Ɲiniwɔlinŋ ki tu : « Aawe, niŋ i sɛli i, kí a arì rufaan arɔɔ baara ki ra, sabu kí mabi shɔɔrinŋ kiri i kí cɛfan. »

Jafinŋ ki 20:11

Niŋ kɔɔtɛ, míŋ i masawaalinŋ sinaŋ fɔ bɛɛ ja, ŋí i ǹʼsunsɔɔtɔnŋ ki ja sɛbɛ. Pwɔkulinŋ ki fa kirinpɔli ki i bili san ntiŋ jɛŋ, yìrì ja kili kì.

Jafinŋ ki 21:4

Ŋì a na kí ɲaannaju ki bataa kini. Beŋ a na ji nmaŋ kì, cɔɔri dumiŋ a na ji nmaŋ kì, yaalinŋ fa makwuluye wulu a rama nmaŋ kili kì, sabu niŋ finŋ jɔnɔ kiri bataa fɔni-i pewu pewu. »

Jafinŋ ki 22:16

Míŋ Yesu, mínki ńʼwɔ mɛlɛkɛn ki cin-i, ńʼtu ŋì na niŋ bi kiri bi ábɛɛ bilinatɔnŋ kwuru kiri tɛ. Mínki i Dawuda kaninu ki, fa ntiŋ nupo ki i, ŋí i ji sisarimantɔnŋ sun sɔriniŋ i, nwɔ̀ i cucu-a. »

Jafinŋ ki 22:6

Niŋ bataa kɔɔtɛ, mɛlɛkɛn ki i ǹʼbi míŋ tɛ tu : « Ka wulu kari fɔɔ-ɔ, koŋ kakan-i ŋi i nʼgɛbili nwɔ̀ri sun. Ŋuntiŋ Kirinŋ yɛrima ki, ninwɔ̀ i cintɔnbi wulu kiri de-a cintɔnŋ kiri daru a ɲini ki baraka ra, ninki awɔ mɛlɛkɛn ki cin na-i, ŋì i na bi kiri ji a tɛ baara matɔnŋ kiri wu, niŋ bi kiri wɔ̀ri a cin nabali kì. »

Jafinŋ ki 22:9

Nka ǹʼtu míŋ tɛ : « Fa niŋ ma kì dɛ! Míŋ yɛrima ki i Kirinŋ tɛ baara matɔnŋ i miŋ fa nʼtindaŋ cintɔnŋ kiri sali, niŋ fa koŋ finŋ woo finŋ i ka sɛbɛ ka ru wulu kiri pa-a a sɔbɛ ra. Miŋ kakan-i ŋi i Kirinŋ bantenŋ gbɛ! »

Jafinŋ ki 6:11

Niŋ na, pipa fɔ i wɔri niŋ ɲini kiri fɔn tenŋ tenŋ tɛ, ŋì i bi kí tɛ, tu kí arì rufaan pyaanniŋ sun, fɔ kí baara mashi wɔ̀ri fa kí tindaŋ kpaa wɔ̀ri kakan-i kí i kilɛn kíbɛɛ sali, nini kpaa kiri i nafaa.