Tesalonikitɔnŋ kiri (2) 1:5 - Jɔ Biibili ki

⁵ Niŋ bataa i ǹʼji-a tu Kirinŋ wɔ kiti ki telimaan a. Ábɛɛ i bi wɔ̀ri pa-a á ra, niŋ kiri i ǹʼji-a tu ábɛɛ ɲaanfɛkwulu ki kila-a Kirinŋ wɔ Masabi wɔ̀ bira, tu ábɛɛ ra niŋ kila.

Tesalonikitɔnŋ kiri (2) 1:5 ပူးပေါင်းရင်းမြစ်များ

Luki 20:35

Nka Kirinŋ koŋ wɔ̀ri ji-i koŋ telimaan-ni i, ŋì i ji-a na niŋ kiri ŋmɛni, ŋì i ɲaanfɛfili ki wɔri nini tɛ arì beenimaan ki kɔɔtɛ juniɲa na wɔ ki ru, nini arìmaŋ cɛn-a kì.

Luki 21:36

Niŋ ki ra, á tu á ɲaanna, á i Kirinŋ nafɛ-ri waarinŋ bataa ru, nwɔma á i cunadibi kila. A niŋ ma, bi wɔ̀ri yirira i nmaŋ, ábɛɛ ra á mwu nini wu, niŋ fa ábɛɛ ra na so tu-i Koŋ Danshuru ki ɲaanfɛ. »

Mabikiri 13:46

Pooli fa Barinabasi i ǹʼfɔɔ bi kí tɛ tɔnnafurubi wu tu : « Kirinŋ wɔ wulu ki kakan wuru-i, ŋì i sunjo ábɛɛ Yawutu kiri tɛ sun. Nka, miŋ tu ábɛɛ á kaan-a ǹʼtɛ, á i á yɛri ji miŋ tu ɲaninkulutɔnbi kɔbali ki bi ábɛɛ ra kì, dɔnsaŋ, yibɛɛ ra yi ɲaannupwulu ta shiya tɔri kiri tɛ.

Mabikiri 14:22

Niŋ kili kiri ra, kí wuru bilinatɔnŋ kiri siratu-a bilinabi ki ru, kí i kí racin-ni tu : « Waajibi yɛ tu cɔɔri mwɔɔnna yibɛɛ kila, yi i kila yi i de Kirinŋ wɔ Masabi ki ru. »

Ɔrɔmutɔnŋ kiri 2:5

Nka, miŋ tɔɔnnufuru-i, miŋ i nʼtu-a ŋi i ntɔri bi nʼwɔ bijɛ kiri ra kì. Niŋ ɲaan ki tɛ, miŋ i cɔɔri sinaŋ ceeli bo-a nʼyɛri jɛŋ, Kirinŋ wɔ tɔnkwulu jibi ki sun, niŋ jibi wɔ̀, Kirinŋ a na awɔ tɔnkwulu ki fa awɔ kiti telimaan ki ji.

Ɔrɔmutɔnŋ kiri 8:17

A yibɛɛ ji ǹʼdaŋ ni i, yibɛɛ i ǹʼkanishitɔnŋ ni i sɛbɛ. Yibɛɛ i Kirinŋ kanishitiiri i, yi fa Kirisa i ji kanishishi ri i, sabu a yibɛɛ ji cɔɔri Kirisa fan, yibɛɛ fa ntiŋ a nɔɔri ki kila yimaŋ fan sɛbɛ.

Efɛsitɔnŋ kiri 4:1

Mínwɔ̀ i nkasu ru Ŋuntiŋ Yesu tɔ ki bira, míŋ i ábɛɛ rafɛ-a, á tiri á i kɛɲɛ á dɔri ŋuŋ ki wu,

Filipitɔnŋ kiri 1:28

Á fa ncusun ábɛɛ ɲa kiri i kɛmi de á ru ɲaan dantenŋ tɛ kì. Kíbɛɛ tirika ɲaan ki i ǹʼji-a, tu kí a haliki, nka ábɛɛ tirika ɲaan ki i ǹʼbi-ri, tu ábɛɛ mwu saa ki sun, tu niŋ i ji po-a Kirinŋ nu.

Kɔlɔsitɔnŋ kiri 1:12

Á baraka bi Tiŋ Kirinŋ tɛ, á i á yoori, sabu ŋì finŋ wɔ̀ri ramɔni bo-i awɔ wɔlinŋ kiri jɛŋ awɔ masabi sarintiŋ ki ru, ŋì ncusun-i ábɛɛ i lu kila niŋ nu.

Tesalonikitɔnŋ kiri (1) 2:14

Yibɛɛ tindaŋ ni, Kirinŋ wɔ konanbi kwuru wɔ̀ri i Yude sɔɔta ki ru, kí i ji bilinabi ki ma Yesu Kirisa ra, ábɛɛ nini naki-i, sabu ábɔɔ konanbi ki á cɔɔri-i ɲaan wɔ̀ tɛ, Yawutu kiri kíbɛɛ cɔɔri-i mìŋ ɲaan tenŋ ki tɛ.

Tesalonikitɔnŋ kiri (2) 1:11

Niŋ ki ra, yibɛɛ i Kirinŋ nafɛ-a ábɛɛ tɛ waarinŋ bataa ru, nwɔma ŋì ábɛɛ dɔri-i ŋuŋ wɔ̀ ra, ábɛɛ i niŋ nafaa. Yi i ǹʼnafɛ-ri tu ŋì i awɔ sotinbi ki wɔri á tɛ, ábɛɛ ǹʼtɛ á i ǹʼdintɛ bi finŋ woo finŋ fa bilinabi ki ru bi shɔɔrinŋ finŋ woo finŋ ma, á i so niŋ ma-i, á i ǹʼnafaa.

Timote (2) 2:12

A yibɛɛ yi banba tu bilinabi ki ru, yibɛɛ fa ntiŋ a ta awɔ masabi ki ma. A yibɛɛ yi kaan ntiŋ tɛ, ntiŋ yɛrima ki ra a kaan yibɛɛ tɛ.

Jafinŋ ki 15:4

Ŋuntiŋ ki, nkɛnŋ a so tu-i ábɛɛ jɛŋ, ntiŋ i ǹʼbi tu a ra ábɛɛ tɔ ki gbɛ kì? Ábɛɛ bantenŋ i wɔlinŋ i. Shiya kiri bataa ra na arì kwushiri ábɛɛ fɛ, sabu koŋ bataa ǹʼja-i tu ábɛɛ mabi kiri teli. »

Jafinŋ ki 16:7

Míŋ i sarakaŋɔnɔmaŋ ki wulu lama tu : « Aawe, Ŋuntiŋ Kirinŋ, Sobataatiŋ, mɔɔn kiti kiri i sɛli i, yìrì i ji teli! »

Jafinŋ ki 19:2

sabu ǹʼwɔ kiti kiri i sɛli i, yìrì i ji teli. Nankulunmari sinaŋ wɔ̀ wuru juniɲa ki nɔɔ-ra awɔ nankulunbi bi kiri wu, ŋì kiti ki fɛɛn-ɛ niŋ sun, ŋì i a tɛ baara matɔnŋ kiri beŋ ki shɛsan ǹʼwu. »

Jafinŋ ki 3:4

Nka niŋ fa a fɔn na, kpeeri i miŋ nu Saridisi nmaŋ, nwɔ̀ri arɔɔ juulinŋ kiri nɔɔ kì. Nini a na tiri ta-ri míŋ fan, juulinŋ fɔ ri wu arì sun, sabu kí fa niŋ kakan-i.