Tesalonikitɔnŋ kiri (2) 1:4 - Jɔ Biibili ki

⁴ Ninki ncin-i, yibɛɛ i ábɛɛ wulu bi-ri Kirinŋ wɔ konanbi kwuru ki tɛ, fɔ yi i yɛri ragbɛ-ri ábɛɛ wu áwɔ bilinabi ki fa áwɔ cɛrukɔli ki bira. Sabu hali ábɛɛ ji ɲaanfɛkwulu fa tɔnfɔɔ kwuru ki bataa ru, ábɛɛ niŋ bataa pa-i á ra.

Tesalonikitɔnŋ kiri (2) 1:4 ပူးပေါင်းရင်းမြစ်များ

Ɔrɔmutɔnŋ kiri 12:12

Gbɛbilimaŋ wɔ̀ i yibɛɛ gbɛ, yi ciirudimaan i tu niŋ nu, yi i ɲaanfɛkwulu ki kwun yi ru, yi i yi cɛrukɔli Kirinŋ nafɛ ki ra.

Ɔrɔmutɔnŋ kiri 2:7

Koŋ wɔ̀ri cɛrukɔli-i shɔɔrinŋ ma ki ra, kí i gbɛbi ki fa ŋununfɛshi ki fa ɲaninkulutɔnbi kɔbali ki ceeli-li, Kirinŋ a na ɲaninkulutɔnbi kɔbali ki wɔri nini tɛ.

Ɔrɔmutɔnŋ kiri 8:25

Nka, a yibɛɛ yi gbɛ bili finŋ sun, yi ɲaniŋ nwɔ̀ sun kì, yibɛɛ i yi tɔnsunfili-la, yi i niŋ sunsuu-ri.

Korɛntitɔnŋ kiri (1) 7:17

Ŋì i san niŋ na, Ŋuntiŋ ki kafinŋ wɔ̀ wɔri-i koŋ fɔn tenŋ tenŋ tɛ, niŋ fa ŋì kí dɔri-i ŋì i kí tu ɲaan wɔ̀ tɛ, tu kí tiri kɛɲɛ niŋ wu. Míŋ i niŋ kalinŋ ki wɔri-ra bilinatɔnŋ kwuru kiri bataa tɛ mani bataa ru.

Korɛntitɔnŋ kiri (2) 12:10

Niŋ ki ra, míŋ ciirudimaan yɛ ńʼwɔ baraka kurubi ki ra. A kí ji míŋ ki-a, walima míŋ fɔɔnmaan i ji-i, hali kí ji míŋ cɔɔri-ra woo, walima yɛlinŋ ki ji so míŋ sun Kirisa bi ki ra woo, niŋ fɔn di-i míŋ tɛ, sabu a waaci wɔ̀ ru míŋ baraka ki kuru, míŋ i baraka kila-a niŋ waaci ki ru Kirisa gbɛ.

Korɛntitɔnŋ kiri (2) 7:14

Míŋ ábɛɛ tɔ shɔɔrinŋ bi wuru ntiŋ tɛ kɔ, míŋ ŋununfɛshi kila-i niŋ nu. Yibɛɛ finŋ woo finŋ bi-i ábɛɛ tɛ, niŋ bataa i sɛli i. Mìŋ ɲaan tenŋ ki tɛ, yibɛɛ wulu finŋ woo finŋ bi-i Tite tɛ ábɛɛ bi sun, nini bataa ji-i sɛli i.

Korɛntitɔnŋ kiri (2) 7:4

Míŋ gbɛ faa-a ábɛɛ ru kusɛbɛ, ŋí i ńʼyɛri ragbɛ-ri ábɛɛ wu. Sɛli ki ra, míŋ i ɲaanfɛkwulu mwɔɔnna nu, nka míŋ ciirudi-i ábɛɛ bira.

Korɛntitɔnŋ kiri (2) 9:2

Sabu míŋ ǹʼtɔ-i, ńʼtu yentɛmaanna ki wuru ábɛɛ tɔnɲaarabi sun, ninki i ncin míŋ i ńʼyɛri ragbɛ ábɛɛ bi ki wu Maseduwanɛ bilinatɔnŋ kiri ɲaanna. Ńʼtu ábɛɛ Akayi bilinatɔnŋ kwuru kiri ramɔnimaan wuru-i kabi ɲankaŋ, á i áwɔ yentɛfinŋ ki wɔri. Niŋ cɛrukɔli ki wɔ̀ kila-i ábɛɛ gbɛ, mwɔɔnna i ǹʼtɛ arì i ǹʼma ábɔɔ ki sali.

Korɛntitɔnŋ kiri (2) 9:4

A niŋ ji-i kì, a Maseduwanitɔnŋ kiri bɛɛ ri na ta míŋ fan ábɛɛ tɛ, a kí ta fa ábɛɛ ramɔnimaan wu kì, niŋ a ji ɲaankwunŋ yibɛɛ gbɛ, koŋ ábɔɔ ki bi-a kili kì.

Tesalonikitɔnŋ kiri (1) 1:3

Ábɛɛ bi wɔ̀ri ma-i, ŋì i kɛɲɛ áwɔ bilinabi ki wu, niŋ fa ábɔɔ bidintɛbi ki ncin-i ábɛɛ baara wɔ̀ ma, niŋ fa ábɛɛ á gbɛ bili-i yibɛɛ Ŋuntiŋ Yesu Kirisa sun ɲaan wɔ̀ tɛ, á faan ki bataa wu, niŋ i yibɛɛ ɲakilila waarinŋ bataa ru yi Tiŋ Kirinŋ ɲaanfɛ.

Tesalonikitɔnŋ kiri (1) 2:14

Yibɛɛ tindaŋ ni, Kirinŋ wɔ konanbi kwuru wɔ̀ri i Yude sɔɔta ki ru, kí i ji bilinabi ki ma Yesu Kirisa ra, ábɛɛ nini naki-i, sabu ábɔɔ konanbi ki á cɔɔri-i ɲaan wɔ̀ tɛ, Yawutu kiri kíbɛɛ cɔɔri-i mìŋ ɲaan tenŋ ki tɛ.

Tesalonikitɔnŋ kiri (1) 2:19

Nkɛnŋ ni yibɛɛ gbɛbilimaŋ ki fa yi ciirudi ŋuŋ ki fa yɔɔ ŋununfɛshi ŋuŋ ki i Yesu Kirisa ɲaanfɛ? Ábɛɛ kiri niŋ i, Ŋuntiŋ Yesu ɲaanfɛ, a na shikaŋ ki ru kì wa?

Tesalonikitɔnŋ kiri (2) 3:5

Ŋuntiŋ ki yɛrima ki ncusun á i Kirinŋ wɔ bidintɛbi ki kila, Kirisa i awɔ cunadibi ki wɔri á tɛ.

Iburu kiri 10:36

Hali jiŋ, ábɛɛ kakan-i á i cɔɔri ki pa á ra, nwɔma ábɛɛ na Kirinŋ dintɛ bi ki ma kɔ waarinŋ wɔ̀ ru, ŋì a tɔnŋ wɔri-i nwɔ̀ ra, á i niŋ kila.

Iburu kiri 6:12

Yibɛɛ ǹʼtɛ ábɛɛ fa á firi kilɛn kì, nka á ji kpeeri rakitiiri i, nwɔ̀ri wɔ bilinabi ki fa kɔ́ɔ́ tɔnsunfili ki kí ji-i Kirinŋ wɔ tɔnwɔri kiri ru finŋ kiri kanishitiiri i.

Iburu kiri 6:15

Niŋ ɲaan ki tɛ, Aburahamu i a tɔnsunfili, ntiŋ i Kirinŋ sunsuu, fɔ Kirinŋ a tɔnŋ wɔri wuru bi wɔ̀ ra, ntiŋ i na niŋ kila.

Yakuba 5:11

Á ǹʼshɛɛli, koŋ wɔ̀ri i ɲaanfɛkwulu ki pa-a arì ra, yibɛɛ i ǹʼbi-a tu nini koŋ fɛrɛmaan ni i. Ábɛɛ Yuba wulu ki rama-i, koŋ tɔnsunfilimaan ki. Ŋuntiŋ ki na-i bi wɔ̀ ma Yuba tɛ ǹʼnakɔɔra ki ru, á i niŋ tɔ-ri sɛbɛ. Sɛli ki ra, Ŋuntiŋ ki i sunmakwulupatɔnŋ fa shɔɔrinŋ sinaŋ tiŋ i.

Pyɛɛri (2) 1:6

Á i yɛri rasɔɔbi ki bo Kirinŋ tɔbi ki sun, á i tɔnsunfili ki bo yɛri rasɔɔbi ki sun, á i Kirinŋ jɛŋ kɛmi ki bo tɔnsunfili ki sun.

Jafinŋ ki 14:12

Ka mani ka i ǹʼbi-a tu Kirinŋ wɔ wɔlinŋ kiri kakan, kí i cɔɔri ki pa arì ra, kí i tu bilinabi ki ru, kíbɛɛ wɔ̀ri i ǹʼwɔ cinŋ bimaan kiri ma-a, kí i arɔɔ ɲaninkulutɔnbi ki ma-ni Yesu Kirisa baraka ra.