Korɛntitɔnŋ kiri (2) 8:9 - Jɔ Biibili ki

⁹ Sabu, ábɛɛ Ŋuntiŋ Yesu Kirisa wɔ shɔɔrinŋ ki tɔ-i, ninwɔ̀ wuru fintiŋ i, nka ntiŋ ji-i gbɛwɔ ɔ ábɛɛ bira, nwɔma ntiŋ wɔ gbɛwɔbi ki bira ábɛɛ ji finŋ tiŋ ni i.

Korɛntitɔnŋ kiri (2) 8:9 ပူးပေါင်းရင်းမြစ်များ

Matiyu 17:27

Yesu tu sɛbɛ tu : « Nka, niŋ fa a fɔn na, nwɔma yi fa koŋ kari tɔnfɔɔ kì, tiri baa ki ru, ŋi i ta myɛɛnni ki bo, a miŋ ta yɛrinŋ jɔnɔ wɔ̀ pa, ŋi i niŋ daru ki ruwaa, miŋ a jalinŋ kila ǹʼdaru, nwɔ̀ a koŋ fuuli wɔ po, ŋi i ta niŋ wɔri jalinŋ nakɔlɔtɔnŋ kiri tɛ, míŋ fa mɔɔn. »

Matiyu 20:28

Mìŋ ɲaan tenŋ ki tɛ, Koŋ Danshuru ki na ŋuŋ ki tu konaŋ kiri baara ma a tɛ kì, nka ntiŋ na-i baara ma konaŋ kiri tɛ, niŋ fa ntiŋ a yɛri ki ɲini ki wɔri koŋ mwɔɔnna ŋunsan a. »

Matiyu 8:20

Yesu i ntiŋ nupwulu tu : « Ǹʼtɔ tu, ta juunkwuu ri gbɛ, foo i ji kirina ɲaannaanŋ ni gbɛ, nka mani Koŋ Danshuru ki gbɛ awɔ kì. »

Maraka 6:3

Taa Mariyamu danshuru jirinŋ sɛritɔnŋ ki i ji-i kili wa? Wú tindaŋ kiri, Yakuba fa Yose fa Yude niŋ fa Simɔŋ i kì wa? Wú narinmari kiri yibɛɛ fan kwumaŋ kì wa? » Ninki ɲakilila ki ncusun kí i so bili-i ntiŋ na kì.

Luki 16:11

Ka juniɲa ka ru nafulu wɔ̀ i koŋ fɔni-na, a koŋ bili ábɛɛ ra niŋ bi ru kì, nkɛnŋ a jɛɛn ntiŋ i bili ábɛɛ ra, ntiŋ i nafulu sɔbɛ bi ye ábɛɛ gbɛsun?

Luki 2:7

nmari i a daŋ jɔnɔ ki ji danshuru. Nmari i juulinŋ bo daŋ ki sun, nmari i ǹʼbili nafulufinŋ ni wɔ nuŋ nu buŋ nu, sabu kí bilimaŋ kila-ri jɛ ri sanfu ki ru kì.

Luki 8:3

Mari tɔri wuru nmaŋ, tu Yahanɛ, ninwɔ̀ wuru Ɛrɔdi wɔ nafulu lakparitɔnŋ Kunsa wɔ mari i. Mari tɔri wuru nmaŋ sɛbɛ, nwɔ̀ tɔ wuru tu Sunsani, ŋì i bo mari mwɔɔnna tɔri ri sun. Nini bataa wuru ye-a Yesu fa awɔ kalindaŋ kiri tɛ arì gbɛfɛfinŋ ni wu.

Luki 9:58

Yesu tu ntiŋ tɛ : « Ǹʼtɔ tu, ta juunkwuu ri gbɛ, foo i ji ɲaannaanŋ ni gbɛ, nka mani Koŋ Danshuru ki gbɛ awɔ kì. »

Yuhana 1:10

Nwɔ̀ i dɔri-ra tu Wulu, niŋ wuru juu juniɲa ki ru nmaŋ kɔ, sabu mìnki juniɲa namɔni-i. Niŋ fa a fɔn na, ǹʼnamaan ki juniɲa nu, konaŋ kiri ǹʼtɔ kì.

Yuhana 1:14

Nwɔ̀ i Wulu u, niŋ ji-i konanmini i, ŋì i na sɔɔ yibɛɛ fan. Yibɛɛ ǹʼnɔɔri ki ja-i, Danshuru tenŋ pe wɔ̀ po-i Tiŋ Kirinŋ nu, niŋ nɔɔri ki yɛ. Ǹʼfaa-a shɔɔrinŋ ki fa Kirinŋ wɔ sɛli ki ra.

Yuhana 1:17

Kirinŋ sariya ki wɔri-i yibɛɛ tɛ Musa gbɛ, nka ŋì shɔɔrinŋ ki fa sɛli ki wɔri-i yibɛɛ tɛ Yesu Kirisa gbɛ.

Yuhana 12:30

Nka Yesu tu kí tɛ : « Ábɛɛ wulu wɔ̀ rama-i, niŋ ma míŋ bira kì, nka ǹʼma-i ábɛɛ kiri bira.

Yuhana 16:15

Finŋ woo finŋ i Tiŋ Kirinŋ gbɛ, niŋ bataa i mɔ́ɔ́n, niŋ ki ra, míŋ i ǹʼbi ńʼtu, Yentɛtɔnŋ ki a na wulu wɔ̀ kila míŋ gbɛ, ńʼtu ŋì a na ninki bi ábɛɛ tɛ.

Yuhana 17:19

Míŋ i ńʼyɛri ki bataa wɔri-i ábɛɛ tɛ kí bira, nwɔma kí i arì yɛri bataa wɔri ábɛɛ tɛ sɛli ki baraka ra. »

Ɔrɔmutɔnŋ kiri 11:12

A Isirayɛlitɔnŋ kiri wɔ fɔni ki ji ncusun juniɲa nu konaŋ kiri i ŋununadibi sinaŋ kila, kí waamaan ki i ncusun shiya tɔri kiri i ŋununadibi kila, a kí bataa rafaamaan ki na arì pwulu na Kirinŋ tɛ waarinŋ wɔ̀ ru, niŋ a ji bi sinaŋ i, ŋì i fwuu ǹʼbataa sun kì wa?

Ɔrɔmutɔnŋ kiri 15:3

Kirisa a yɛri dintɛ bi ceeli kì, nka miŋ tu Kirinŋ wɔ wulu sɛbɛ kiri i ǹʼbi-a ɲaan wɔ̀ tɛ tu : « Miŋ kitɔnŋ kiri miŋ ki kì, nka kí mínki ki-i. »

Ɔrɔmutɔnŋ kiri 5:8

Nka, yibɛɛ bidi-i Kirinŋ tɛ ɲaan wɔ̀ tɛ, ŋì ninki ji-i yibɛɛ wu ka ɲaan ka tɛ : yibɛɛ wuru faa bijɛmatiiri i, Kirisa beeni-i yibɛɛ bira.

Ɔrɔmutɔnŋ kiri 8:32

Kirinŋ a kaan a yɛrima ki Danshuru ki wɔ cɔɔri ki sun kì, nka ŋì ǹʼwɔri-i beŋ ki tɛ yibɛɛ bataa bira, nfɛnŋ na, ŋì a finŋ bataa wɔri yibɛɛ tɛ ǹʼgbansanŋ i kì?

Korɛntitɔnŋ kiri (1) 1:4

Míŋ i coolinŋ wɔri-ra ńʼwɔ Kirinŋ ki tɛ waaci bataa ru, awɔ shɔɔrinŋ mamaan ki bira ábɛɛ tɛ Yesu Kirisa gbɛ.

Korɛntitɔnŋ kiri (1) 15:47

Adama jɔnɔ ki po-i pwɔkulinŋ nu, nka Adama fuluntɔnŋ ki po yiri-i kirinpɔli la.

Korɛntitɔnŋ kiri (2) 6:10

Kí ɲaanna, yibɛɛ i makwulukoŋ ni i, nka yibɛɛ ciirudimaan yɛ waarinŋ bataa ru. Kí tu yi yɛlinkɔni ni i, nka yibɛɛ i koŋ mwɔɔnna ji-a fintiŋ ni i, kí tu yi gbɛwɔ ri i, nka finŋ bataa i ji yibɔɔ.

Efɛsitɔnŋ kiri 2:7

Kirinŋ niŋ shɔɔrinŋ ki ma-i yibɛɛ tɛ Yesu Kirisa bira, nwɔma konaŋ kiri i awɔ shɔɔrinŋ ki tɔ waaci naanna kiri ru, niŋ shɔɔrinŋ ki wɔ̀ gbɛ-i, ŋì i mwɔ.

Efɛsitɔnŋ kiri 3:19

Daŋ Kirisa wɔ bidintɛbi wɔ̀ ra kì, ábɛɛ ra so niŋ tɔ-i, á i á ciiru ki bataa faa Kirinŋ wɔ bidintɛbi ki ra, fɔ á i pyii.

Efɛsitɔnŋ kiri 3:8

Mínwɔ̀ i Kirinŋ wɔ wɔlinŋ kiri bataa ru pyaanŋ ki i, Kirinŋ niŋ kafinŋ ki wɔri-i míŋ tɛ, tu míŋ Wulujii ki sunjo shiya tɔri ru konaŋ kiri tɛ, niŋ Wulujii ki i Yesu Kirisa wɔ shɔɔrinŋ kɔbali ki i.

Kɔlɔsitɔnŋ kiri 1:24

Dɔnsaŋ, míŋ i ńʼyoori-ra ńʼwɔ cɔɔri kilamaan ki ra ábɛɛ bira, sabu nwɔ̀ cin wuru Kirisa wɔ cɔɔri ki ra, míŋ i niŋ nafaa-ra ńʼfiri ki wu, Kirisa firi ki tɛ, ninwɔ̀ i bilinatɔnŋ kwuru kiri i.

Timote (1) 6:18

Ǹʼbi kí tɛ, tu kí shɔɔrinŋ ma, tu kí i ji fintiŋ ni i, mabi shɔɔrinŋ ki ra, kí i arì gbɛ rupili, kí i ji koŋ katiiri i.

Iburu kiri 1:2

Nka, ŋì i wulubi-a yibɛɛ tɛ ka waaci rakɔɔra kari ru, a Danshuru ki tɔnŋ na. Kirinŋ a Danshuru ki ji-i finŋ bataa kanishitɔnŋ i, ŋì i ji juniɲa po ntiŋ wu.

Yakuba 2:5

Míŋ tindaŋ byii ri, á á tɔɔnye míŋ tɛ : Kirinŋ ka juniɲa ka ru gbɛwɔ kiri ɲaannashi-i, nwɔma a i kí ji fintiŋ ni i, Kirinŋ wɔ Masabi ki ru, arɔɔ bilinabi ki baraka ra kì wa? Ŋì a tɔnŋ wɔri-i niŋ masabi ki bira kpeeri tɛ, nwɔ̀ri ǹʼbidi-i arì tɛ.

Jafinŋ ki 2:9

Míŋ mɔɔn cɔɔri ki fa nʼwɔ gbɛwɔbi ki tɔ-i, nka niŋ fa a fɔn na, miŋ i nafulutiŋ i. Nwɔ̀ri i ǹʼbi-a tu arìbɛɛ Yawutu ri i, niŋ i faa sɛli dumiŋ i kì, nini i shitaanni wɔ konanbi i, míŋ kɔ́ɔ́ Kirinŋ tɔ li bi ki tɔ-i.

Jafinŋ ki 21:7

So kilatɔnŋ ki bataa wɔ kani ki i kaa : míŋ a ji ntiŋ wɔ Kirinŋ ki i, ntiŋ i ji míŋ daŋ i.

Jafinŋ ki 3:18

Niŋ ki ra, míŋ i miŋ nacin-a, tu a sɛniŋ sɛlɛsɛli ki sa ńʼgbɛ, nwɔma ŋi i ji nafulutiŋ sɛlɛsɛli i. Ŋi i juulinŋ fɔ sa ńʼgbɛ, nwɔma juulinŋ i ji nʼsun, nʼfiri ki sunwɔ fa tu, ŋi i ɲaankwun kì. Ŋi i ɲaniŋ yaa jaŋ sa ńʼgbɛ, ŋi i ǹʼbo nʼɲaninaŋ kiri sun, nwɔma ŋi i maannaja.