Korɛntitɔnŋ kiri (2) 8:4 - Jɔ Biibili ki

⁴ Kí yibɛɛ rafɛ-i ɲaan ki fɔn tɛ, nwɔma arì i so arì gbɛfɛfinŋ ni wɔri ta-i Yerusalɛmu kili ki ru bilinatɔnŋ kiri tɛ.

Korɛntitɔnŋ kiri (2) 8:4 ပူးပေါင်းရင်းမြစ်များ

Matiyu 10:42

Sɛli ki ra, konwɔtiŋ i jaakilaŋ kaan tenŋ ju wɔri-ra mɔ́ɔ́n kalindaŋ pyaanŋ ka bɛɛ tɛ, ǹʼsababu ki i ji tu mɔ́ɔ́n kalindaŋ i, nintiŋ a tu niŋ sali ki kilabali kì. »

Matiyu 12:50

Míŋ Tiŋ wɔ̀ i kirinpɔli ki ra, koŋ finŋ woo finŋ i niŋ dintɛ bi ki ma-a, nintiŋ i míŋ ɲiŋ ki fa ńʼpwanmari ki fa ǹʼshuru ki i. »

Matiyu 25:40

Masa ki a na nini nupwulu tu : ‹ Sɛli ki ra, míŋ a ǹʼbi ábɛɛ tɛ, ńʼtu a ábɛɛ ji niŋ bi shɔɔrinŋ ki bishi ma, hali míŋ tindaŋ kiri bataa ru pyaanŋ ki tɛ, ábɛɛ ǹʼma-i míŋ yɛrima ki tɛ niŋ i. ›

Maraka 14:7

Gbɛwɔ kiri i ábɛɛ fan ǹʼkaŋ waarinŋ bataa ru. A waaci wɔ̀ di ábɛɛ tɛ, ábɛɛ ra so shɔɔrinŋ ma-i kí tɛ. Nka míŋ kɔniŋ a tu ábɛɛ fan waarinŋ bataa ru kì.

Mabikiri 11:29

Antiyɔsi bilinatɔnŋ kiri niŋ Kirinŋ wɔ cintɔnŋ ki wɔ wulu kiri rama-i waarinŋ wɔ̀ ru, kí tu arì arì gbɛ bo arìmaŋ sun, arì i ye Yude sɔɔta ki ru bilinatɔnŋ kiri tɛ.

Mabikiri 16:15

Nmari fa awɔ konanbi ki bataa i wu. Niŋ kɔɔtɛ, nmari i yibɛɛ rafɛ tu : « Ábɛɛ yɛrima kiri ǹʼja-i tu míŋ bili Ŋuntiŋ ki ra ábɛɛ sali, á ǹʼma niŋ bira, á i na jɛri mɔ́ɔ́n mani nu. » Nmari i a kɔli yibɛɛ ra, fɔ yibɛɛ i na yi tu.

Mabikiri 24:17

Míŋ jiri mwɔɔnna ma-i Yerusalɛmu kɔɔtɛ, niŋ kɔɔtɛ ŋí i ńʼpwulu na nmaŋ, ŋí i na jalinŋ mwɔɔnna saan wu yibɔɔ shiya ki tɛ niŋ fa ŋí i na saraka wɔri Kirinŋ tɛ.

Ɔrɔmutɔnŋ kiri 15:31

Á Kirinŋ nafɛ, nwɔma míŋ i ńʼmwu Yude kɛniŋ ki ru Kirinŋ wulu pabali kiri wu, niŋ fa míŋ i ta-a buɲafinŋ wɔ̀ri wu Yerusalɛmu, Kirinŋ wɔ konanbi ki i ta nini mwu ciirudibi wu.

Korɛntitɔnŋ kiri (1) 16:1

Yentɛfinŋ wɔ̀ri i rakɔli ta-a Yerusalɛmu bilinatɔnŋ kiri tɛ, míŋ nwɔ̀ bi-i Galasi kɛniŋ ki ru bilinatɔnŋ kwuru kiri tɛ, á nʼma, á i ǹʼkɛɲɛ niŋ wu.

Korɛntitɔnŋ kiri (1) 16:15

Ábɛɛ Sitefani fa awɔ kaniŋ ki bi tɔ-i, tu kí ji Akayi sɔɔta ki ru bilinatɔnŋ jɔnɔ kiri i, niŋ fa tu kí i ji arì yɛri wɔri kí i ye Kirinŋ wɔ konanbi ki tɛ. Niŋ ki ra,

Korɛntitɔnŋ kiri (2) 9:1

Ŋuŋ ǹʼna míŋ i wulu tɔri sɛbɛ wɔri ta ábɛɛ tɛ Kirinŋ wɔ wɔlinŋ kiri wɔ yentɛfinŋ kiri bi sun kili kì.

Galasitɔnŋ kiri 2:10

Kí tu yi yi ɲakili tu bantenŋ tan gbɛwɔ kiri ra, Kirisa wɔ konanbi ki kanfɛ, míŋ i ji ńʼcunadi-ri niŋ ki ra kusɛbɛ kɔ.

Galasitɔnŋ kiri 6:10

Niŋ ki ra, a shɔɔrinŋ ma ki so ki ji yi gbɛ waaci wɔ̀ ru, yi shɔɔrinŋ ki ma koŋ bataa tɛ, nka yi ǹʼtɔnpa yi tindaŋ bilinatɔnŋ kiri sun.

Timote (1) 5:10

Nmari kakan-i, nmari tɔ shɔɔrinŋ i ji a mabi kiri ru, nmari i a daŋ kiri rakilika shɔ-ri, nmari i ji jɛshimari shɔɔrinŋ i, nmari ji bilinatɔnŋ kiri kanŋ nawutɔnŋ i, nmari i yɛlinkɔni kiri sunmakwulupa-ri, nmari i bi shɔɔrinŋ kwuru ki bataa ma-ni.

Iburu kiri 6:10

Kirinŋ shɔɔrinŋ tɔbali, tu ŋì a na a ɲakililafɔni ábɛɛ mabi kiri tɛ kì. Ábɛɛ ǹʼbidi-i á tɛ ɲaan wɔ̀ tɛ, á i ye ǹʼwɔ wɔlinŋ kiri tɛ ɲaan wɔ̀ tɛ, niŋ fa á i ji faa ye-a kí tɛ hali jiŋ, ŋì a a ɲakililafɔni niŋ tɛ kì.