Korɛntitɔnŋ kiri (2) 8:3 - Jɔ Biibili ki

³ Míŋ i kí shɛɛri i, tu kí ka ki tan ŋì i kɛɲɛ arɔɔ so ki wu, hali ŋì i fwuu niŋ sun. Kí ka ki tan-i ciirudibi wu, koŋ kí karaba kì.

Korɛntitɔnŋ kiri (2) 8:3 ပူးပေါင်းရင်းမြစ်များ

Maraka 14:8

Nmari a so ǹʼna bi ki ma-i. Nmari míŋ firi ki kini ki di-i, ŋì i bo saali ki jɛŋ.

Mabikiri 11:29

Antiyɔsi bilinatɔnŋ kiri niŋ Kirinŋ wɔ cintɔnŋ ki wɔ wulu kiri rama-i waarinŋ wɔ̀ ru, kí tu arì arì gbɛ bo arìmaŋ sun, arì i ye Yude sɔɔta ki ru bilinatɔnŋ kiri tɛ.

Ɔrɔmutɔnŋ kiri 10:2

Sɛli ki ra, míŋ a so ǹʼbi-i ńʼtu kí cɛrukɔlimaan i Kirinŋ bi ki ra, nka Kirinŋ bi ki ɲaantɔka sɔbɛ kí gbɛ kì.

Korɛntitɔnŋ kiri (1) 16:2

Ku woo ku sunŋ jɔnɔ ki, a ábɛɛ fɔn tenŋ tenŋ jalinŋ wɔ̀ kila, ŋì i kɛɲɛ áwɔ so ki wu, á niŋ bo á tɔntɛ á gbɛ nmaŋ, nwɔma koŋ tɔri fa na míŋ na kì sunsuu-ri, kí i kila, kí i jalinŋ nakɔli ki tɔnpa-ri kì.

Korɛntitɔnŋ kiri (1) 9:17

A ǹʼji wuru tu míŋ baara ka ɲaannashi-ri ńʼdintɛ bi ra, míŋ wuru-ra sali ceeli-li ǹʼnu. Nka baara ki biye-i míŋ gbɛsun, ǹʼma ki i faan a.

Galasitɔnŋ kiri 4:15

Ábɛɛ ciirudi wuru míŋ bira kusɛbɛ niŋ waari ru, niŋ ciirudi ki da dɔɔ? Míŋ a ǹʼbi ńʼtu, niŋ waaci ki ru, ńʼtu a ǹʼji wuru so-a ma-i, ńʼtu ábɛɛ wuru-ra á ɲaninaŋ kiri po wɔri míŋ tɛ.

Filipitɔnŋ kiri 2:13

Sabu Kirinŋ yɛrima ki i faan ki wɔri-ra ábɛɛ tɛ, á i so á tu-i, niŋ fa á i so kila, á i ǹʼdintɛ bi ki ma-ni.

Kɔlɔsitɔnŋ kiri 4:13

Míŋ a so nwɔ̀ bi-i ntiŋ bi sun ábɛɛ tɛ, niŋ i tu ábɛɛ fa Lawodisetɔnŋ kiri fa Irapolisitɔnŋ kiri bi ki i ntiŋ tɔnnabi i kusɛbɛ.

Tesalonikitɔnŋ kiri (1) 2:8

Ábɛɛ bidi wuru yibɛɛ tɛ kusɛbɛ, niŋ ki ra, yibɛɛ i yi tu yi i Kirinŋ wɔ Wulujii ki bi ábɛɛ tɛ, niŋ fa yi ji wuru-ra yi tu yi i yi ɲini ki wɔri ábɛɛ bira, sabu ábɛɛ bi ki gbɛ wuru yibɛɛ gbɛ kusɛbɛ.

Filimɔn 1:14

nka míŋ ǹʼtɛ ŋí i bi tɔri tenŋ ma ńʼŋununtɛ, míŋ fa miŋ fubali nwɔ̀ ra kì, nwɔma miŋ fa na shɔɔrinŋ ki ma nʼgbɛ kɔɔsun kì, nka ŋi i ǹʼma ciirudibi wu nʼyɛri tɛ.

Pyɛɛri (1) 4:11

A konwɔtiŋ ji wulubitɔnŋ i, niŋ wulu ki bi ŋì i kɛɲɛ Kirinŋ wɔ wulu ki wu. Nwɔ̀tiŋ ji baara ma-a koŋ tɔri tɛ, ntiŋ niŋ ma ŋì i kɛɲɛ Kirinŋ wɔ faan wɔrimaan ki wu a tɛ, nwɔma gbɛbi i bili Kirinŋ sun, Yesu Kirisa baraka ra bi bataa ra. Nɔɔri fa sotinbi i mìnki wɔ waaci bataa ru. Amiina!

Pyɛɛri (1) 5:2

Kirinŋ saa kwuru wɔ̀ri biye-i ábɛɛ gbɛsun, á yìrì neeka shɔ, á i á ɲakili tu yìrì ra. Á fa niŋ ji á yɛri sun faan i kì, nka á niŋ ma á yɛri dintɛ cɔ tɛ. Á fa niŋ ji jalinŋ ceeli saa i kì, nka á ǹʼji á yɛri ra cinŋ i.