Korɛntitɔnŋ kiri (2) 8:2 - Jɔ Biibili ki

² Kí ɲaanfɛkwulu bi sinaŋ mwɔɔnna ni kila-i, kí fa arɔɔ gbɛwɔbi ki sun, kí ciirudi wuru kusɛbɛ. Niŋ ciirudibi ki ncusun-i kí i arì gbɛrupili kusɛbɛ, kí i ye Yerusalɛmu kili ki ru bilinatɔnŋ kiri tɛ.

Korɛntitɔnŋ kiri (2) 8:2 ပူးပေါင်းရင်းမြစ်များ

Matiyu 20:15

Míŋ a so ńʼdintɛ bi ma-i ńʼwɔ nafulu ki wu kì wa? Miŋ i míŋ kari-ra ńʼwɔ shɔɔrinŋ mamaan ki bira wa? › »

Ɔrɔmutɔnŋ kiri 12:8

A minwɔ̀tiŋ wɔ kafinŋ ki ji tu ŋi konaŋ ni cunadi, niŋ ma. A minwɔ̀tiŋ wɔ ji koŋ kamaanna a, niŋ niŋ ma gbɛrupilibi wu. A minwɔ̀tiŋ ji jɛntɔnŋ i, niŋ maka shɔ. A minwɔ̀tiŋ ji koŋ sunmakwulupa-a, niŋ ma ciirudibi wu.

Ɔrɔmutɔnŋ kiri 2:4

Walima Kirinŋ wɔ shɔɔrinŋ mwɔɔnna ki fa ǹʼwɔ bikwunnubi bi ki fa ǹʼwɔ tɔnsunfili ki miŋ ɲaanna finŋ i kì wa? Miŋ ǹʼtɔ tu Kirinŋ niŋ shɔɔrinŋ ki ma-a, nwɔma miŋ i ntɔri bi, ŋi i nʼwɔ bijɛ kiri tɔnbo kì wa?

Korɛntitɔnŋ kiri (2) 1:12

Yibɛɛ ra so yi yɛri ragbɛ-i bi wɔ̀ wu, niŋ i kaa : yibɛɛ tirika ki ábɛɛ kanfɛ niŋ fa mani bataa ru, yibɛɛ cirasun tu yibɛɛ niŋ ma ciirufɔɔbi niŋ fa sɛli ki wu Kirinŋ ɲaanfɛ, ninwɔ̀ po konanmini wɔ ɲakilitinbi ru kì, fɔ Kirinŋ wɔ shɔɔrinŋ ki baraka ra.

Korɛntitɔnŋ kiri (2) 2:9

Sabu mɔ́ɔ́n sɛbɛ ki wɔri ŋuŋ ki bɛɛ wuru ábɛɛ tɛ sɛbɛ, tu ŋí i ábɛɛ sunsunu, a ábɛɛ ji faa míŋ wulu pa-a bi bataa ra, ŋí i niŋ tɔ.

Korɛntitɔnŋ kiri (2) 6:10

Kí ɲaanna, yibɛɛ i makwulukoŋ ni i, nka yibɛɛ ciirudimaan yɛ waarinŋ bataa ru. Kí tu yi yɛlinkɔni ni i, nka yibɛɛ i koŋ mwɔɔnna ji-a fintiŋ ni i, kí tu yi gbɛwɔ ri i, nka finŋ bataa i ji yibɔɔ.

Korɛntitɔnŋ kiri (2) 9:11

Niŋ ɲaan ki tɛ, ŋì a shɔɔrinŋ kwuru ki bataa ma ábɛɛ tɛ, nwɔma á i so koŋ tɔri kiri ka-i waarinŋ fɔn bataa ru. Niŋ na, koŋ mwɔɔnna a baraka bi Kirinŋ tɛ ábɔɔ yentɛfinŋ ki bira, yibɛɛ gbɛ kiri ra ta ninwɔ̀ wɔri kí tɛ.

Korɛntitɔnŋ kiri (2) 9:13

Kí ábɔɔ yentɛfinŋ kari ja waarinŋ wɔ̀ ru, kí a ǹʼtɔ tu ábɛɛ koŋ kwuru wɔ̀ri i. Niŋ na, kí a Kirinŋ gbɛ ábɛɛ bira. Sabu, kí a ǹʼja tu ábɛɛ á tu Yesu Kirisa Wulujii ki ra, á i tiri-ri ǹʼwɔ saa ki fan, niŋ fa tu áwɔ gbɛrupilibi ki baraka ra, tu ábɛɛ á tu á i ye arìbɛɛ fa bilinatɔnŋ pyɛ kiri bataa tɛ.

Tesalonikitɔnŋ kiri (1) 1:6

Ábɛɛ yɛrima kiri ji-i yibɛɛ rakitɔnŋ ni i, á i ji yibɛɛ Ŋuntiŋ ki rakitiiri i sɛbɛ, sabu ábɛɛ ji-i Kirinŋ wɔ Wulujii wɔ̀ tɛ, ábɛɛ cɔɔri mwɔɔnna kila-i niŋ bira, nka niŋ fa a fɔn na, ábɛɛ á ciirudi-i Ɲiniwɔlinŋ ki baraka ra.

Tesalonikitɔnŋ kiri (1) 2:14

Yibɛɛ tindaŋ ni, Kirinŋ wɔ konanbi kwuru wɔ̀ri i Yude sɔɔta ki ru, kí i ji bilinabi ki ma Yesu Kirisa ra, ábɛɛ nini naki-i, sabu ábɔɔ konanbi ki á cɔɔri-i ɲaan wɔ̀ tɛ, Yawutu kiri kíbɛɛ cɔɔri-i mìŋ ɲaan tenŋ ki tɛ.

Yakuba 2:5

Míŋ tindaŋ byii ri, á á tɔɔnye míŋ tɛ : Kirinŋ ka juniɲa ka ru gbɛwɔ kiri ɲaannashi-i, nwɔma a i kí ji fintiŋ ni i, Kirinŋ wɔ Masabi ki ru, arɔɔ bilinabi ki baraka ra kì wa? Ŋì a tɔnŋ wɔri-i niŋ masabi ki bira kpeeri tɛ, nwɔ̀ri ǹʼbidi-i arì tɛ.

Jafinŋ ki 2:9

Míŋ mɔɔn cɔɔri ki fa nʼwɔ gbɛwɔbi ki tɔ-i, nka niŋ fa a fɔn na, miŋ i nafulutiŋ i. Nwɔ̀ri i ǹʼbi-a tu arìbɛɛ Yawutu ri i, niŋ i faa sɛli dumiŋ i kì, nini i shitaanni wɔ konanbi i, míŋ kɔ́ɔ́ Kirinŋ tɔ li bi ki tɔ-i.