Korɛntitɔnŋ kiri (2) 7:9 - Jɔ Biibili ki

⁹ Nka dɔnsaŋ, míŋ ciirudi-i. Míŋ ciirudi ábɔɔ ɲaannuŋunu ki bira kì, nka ábɔɔ ɲaannuŋunu ki wɔ̀ so-i ncusun-i ábɛɛ áwɔ bijɛ kiri tɔnbo, ninki míŋ ciirudi-i. Ábɔɔ ɲaannuŋunu ki ji-i Kirinŋ dintɛ bi i, niŋ ɲaan ki tɛ, yibɛɛ bi wɔ̀ ma-i ábɛɛ wu, niŋ ji bijɛ ɛ kì.

Korɛntitɔnŋ kiri (2) 7:9 ပူးပေါင်းရင်းမြစ်များ

Matiyu 3:8

Á bi shɔɔrinŋ ni ma, nwɔ̀ri ra ǹʼji tu ábɛɛ ntɔri bi áwɔ bijɛ kiri ra. Á fa ǹʼsunu tu ábɛɛ Aburahamu daŋ ni i, tu niŋ a ábɛɛ mwu kì dɛ! Míŋ a ǹʼbi ábɛɛ tɛ, ńʼtu nupobi ki ji i, ńʼtu Kirinŋ a so kwɔ kari ji-i Aburahamu daŋ ni i.

Luki 15:10

Yesu tu : « Mìŋ ɲaan ki tɛ, míŋ i ǹʼbi-a ábɛɛ tɛ ńʼtu bijɛmatɔnŋ tenŋ ntɔri bi awɔ bijɛ kiri ra, ntiŋ i a pwulu Kirinŋ tɛ, ńʼtu niŋ ji-a ciirudibi Kirinŋ wɔ mɛlɛkɛn kiri gbɛ. »

Luki 15:32

Nka yi kakan-i yi i yi radi jiŋ, sabu miŋ pwaŋ wɔ̀ i kaa, wú i miŋ tu konwɔtiŋ beeni, ntiŋ i ŋmɛni. Wú fɔni wuru-i, nka dɔɔ, wú ja-i. › »

Luki 15:7

Yesu tu : « Mìŋ ɲaan tenŋ ki tɛ, míŋ i ǹʼbi-a ábɛɛ tɛ, ńʼtu bijɛmatɔnŋ tenŋ ja ji ntɔri bi awɔ bijɛ kiri ra, ntiŋ i a pwulu Kirinŋ tɛ, ciirudibi wɔ̀ i ji-a Kirinŋ wɔ ki ru niŋ bira, hali niŋ bishi ma-a koŋ telimaan yaapyiiraŋ fa bwununtenpɔni bira kì, nini wɔ̀ maku ntɔri bi bi ra kili kì. »

Mabikiri 20:21

Míŋ ǹʼbi-i Yawutu kiri fa shiya tɔri kiri tɛ tu kí ntɔri bi arɔɔ bijɛ kiri ra Kirinŋ ɲaanfɛ, ńʼtu kí i bili yibɛɛ Ŋuntiŋ Yesu ra.

Korɛntitɔnŋ kiri (2) 1:12

Yibɛɛ ra so yi yɛri ragbɛ-i bi wɔ̀ wu, niŋ i kaa : yibɛɛ tirika ki ábɛɛ kanfɛ niŋ fa mani bataa ru, yibɛɛ cirasun tu yibɛɛ niŋ ma ciirufɔɔbi niŋ fa sɛli ki wu Kirinŋ ɲaanfɛ, ninwɔ̀ po konanmini wɔ ɲakilitinbi ru kì, fɔ Kirinŋ wɔ shɔɔrinŋ ki baraka ra.

Korɛntitɔnŋ kiri (2) 2:16

Nwɔ̀ri i fɔni saa ki fan, niŋ kini ki i kini jɛ ɛ, ŋì i kí bo-ri beŋ nu. Nka nwɔ̀ri i mwu saa ki fan, kini jii yɛ, ŋì i ɲaninkulutɔnbi kɔbali ki wɔri-ri kí tɛ. Dɔɔ, nkɛnŋ a so niŋ cinŋ ki maka shɔ-i sa?

Korɛntitɔnŋ kiri (2) 7:8

Míŋ ǹʼtɔ-i tu mɔ́ɔ́n sɛbɛ ki ru wulu kiri ábɛɛ yaa, nka míŋ a ntɔri bi yìrì bira kì. Míŋ wuru-ra ntɔri bi, sabu míŋ ǹʼja wuru tu mɔ́ɔ́n sɛbɛ ki ábɛɛ ɲaannuŋunu waarinŋ bɛɛ ru.