Korɛntitɔnŋ kiri (2) 7:8 - Jɔ Biibili ki

⁸ Míŋ ǹʼtɔ-i tu mɔ́ɔ́n sɛbɛ ki ru wulu kiri ábɛɛ yaa, nka míŋ a ntɔri bi yìrì bira kì. Míŋ wuru-ra ntɔri bi, sabu míŋ ǹʼja wuru tu mɔ́ɔ́n sɛbɛ ki ábɛɛ ɲaannuŋunu waarinŋ bɛɛ ru.

Korɛntitɔnŋ kiri (2) 7:8 ပူးပေါင်းရင်းမြစ်များ

Yuhana 16:6

Míŋ ǹʼja-i ńʼtu, míŋ i wulu kiri bi-a ábɛɛ tɛ ka ɲaan ka tɛ, ńʼtu ninki ábɛɛ bataa gbɛɛratɛɛ-ɛ.

Yuhana 21:17

Yesu i ntiŋ nanɔri kaan byantɔnŋ tan tu : « Yuhana danshuru Simɔŋ, míŋ bidi-i miŋ tɛ wa? » Yesu Pyɛɛri ranɔri wɔ̀ tan wuru-i, fɔ ŋì i ta so kaan byaŋ sun, niŋ i Pyɛɛri yɛli a ciiru, niŋ tu : « Ŋuntiŋ ki, ábɛɛ i finŋ bataa tɔ-a, ábɛɛ i ǹʼtɔ-a tu ábɛɛ bidi míŋ tɛ. » Yesu tu ntiŋ tɛ : « Nufinŋ wɔri ńʼwɔ saa kiri tɛ. »

Korɛntitɔnŋ kiri (2) 7:11

Sɛli yɛ, ábɛɛ ɲaannuŋunubi kila-i. Niŋ ji-i Kirinŋ dintɛ bi i. Á ǹʼshɛɛli, niŋ ábɛɛ rapwulu-i ɲaan wɔ̀ tɛ! Bi wɔ̀ ma-i ábɛɛ kanfɛ, ábɛɛ ǹʼshi-i á gbɛ fuuli la, á i á yɛri rafɛ-ri. Ábɛɛ ǹʼji-i tu bijɛ mamaan ki fu ábɛɛ sun kì, tu ábɛɛ tɔnkwulu á yɛri cɛfan niŋ bi ki bira, kɛmi sinaŋ i de á ru míŋ jɛŋ. Dɔnsaŋ, míŋ fyii i ábɛɛ ru, á i ji ǹʼtɛ á i Kirinŋ dintɛ bi ki ma sɛbɛ, á i niŋ bijɛmatɔnŋ ki kulu. Niŋ na, ábɛɛ ǹʼji-i ɲaan bataa tɛ, tu ábɛɛ kanŋ wuru bi ka ru kì.

Korɛntitɔnŋ kiri (2) 7:12

A míŋ sɛbɛ wɔri ta ábɛɛ tɛ, nwɔ̀tiŋ bi kulinŋ ki ma-i, míŋ ǹʼwɔri ta niŋ bira kì, bi kulinŋ ki ma-i nwɔ̀tiŋ wu, ńʼdumiŋ ǹʼwɔri ta nintiŋ bira sɛbɛ kì. Míŋ ǹʼwɔri ta-i, nwɔma yibɛɛ bi ki gbɛ-i ábɛɛ gbɛ Kirinŋ ɲaanfɛ ɲaan wɔ̀ tɛ, á bataa i niŋ tɔ.

Korɛntitɔnŋ kiri (2) 7:6

Nka Kirinŋ wɔ̀ i konanmini siratu-a, niŋ yibɛɛ siratu-i Tite namaan ki wu.

Korɛntitɔnŋ kiri (2) 7:7

Tite namaan ki ciirudibi ki bantenŋ i kì, nka ábɔɔ bi kiri niŋ yɛrima ki siratu-i ɲaan wɔ̀ tɛ, niŋ yibɛɛ bataa ɲakili sɔɔ-ɔ. Ntiŋ tu yibɛɛ tɛ tu míŋ fyii ábɛɛ wu, tu ábɛɛ ntɔri bi áwɔ bi fwuudemaan ki bira, tu á i míŋ bi ki pa á gbɛ fuuli la dɔɔ, niŋ bataa namamaan ki ǹʼbɛɛ bo-i mɔ́ɔ́n ciirudibi ki sun.

Korɛntitɔnŋ kiri (2) 7:9

Nka dɔnsaŋ, míŋ ciirudi-i. Míŋ ciirudi ábɔɔ ɲaannuŋunu ki bira kì, nka ábɔɔ ɲaannuŋunu ki wɔ̀ so-i ncusun-i ábɛɛ áwɔ bijɛ kiri tɔnbo, ninki míŋ ciirudi-i. Ábɔɔ ɲaannuŋunu ki ji-i Kirinŋ dintɛ bi i, niŋ ɲaan ki tɛ, yibɛɛ bi wɔ̀ ma-i ábɛɛ wu, niŋ ji bijɛ ɛ kì.

Jafinŋ ki 3:19

Koŋ finŋ woo finŋ bidi-i míŋ tɛ, míŋ i jɛbi-a ntiŋ gbɛ, ŋí i ntiŋ bo saa shɔɔrinŋ sun. Niŋ ki ra, nʼcunadi, ŋi i ntɔri bi nʼwɔ bijɛ kiri ra.