Korɛntitɔnŋ kiri (2) 7:7 - Jɔ Biibili ki

⁷ Tite namaan ki ciirudibi ki bantenŋ i kì, nka ábɔɔ bi kiri niŋ yɛrima ki siratu-i ɲaan wɔ̀ tɛ, niŋ yibɛɛ bataa ɲakili sɔɔ-ɔ. Ntiŋ tu yibɛɛ tɛ tu míŋ fyii ábɛɛ wu, tu ábɛɛ ntɔri bi áwɔ bi fwuudemaan ki bira, tu á i míŋ bi ki pa á gbɛ fuuli la dɔɔ, niŋ bataa namamaan ki ǹʼbɛɛ bo-i mɔ́ɔ́n ciirudibi ki sun.

Korɛntitɔnŋ kiri (2) 7:7 ပူးပေါင်းရင်းမြစ်များ

Matiyu 26:75

Pyɛɛri ɲakili i bo Yesu wɔ wulu bimaan ki tɛ a tɛ tu : « Ɲandaŋ kiri ra so bulu sun jiŋ, miŋ a ǹʼbi kaan byaŋ, ńʼtu miŋ míŋ tɔ-a kì. » Pyɛɛri i po taanna, ntiŋ i ta ŋuntan kusɛbɛ.

Matiyu 5:4

Koŋ wɔ̀ri i ŋuntan-a, nini wɔ shɔ-i, sabu Kirinŋ a kí siratu.

Luki 22:44

Sabu, niŋ waaci ki furu wuru ntiŋ sun haali. Ntiŋ i ǹʼbɛɛ bo Kirinŋ nafɛ ki sun. Ntiŋ i mankwulucɔ. Ntiŋ mankwulucɔmaan ki ju ki wuru miŋ tu cunŋ, ŋì i tɔli-li fwuniŋ ki sun.]

Mabikiri 11:23

Barinabasi so-i nmaŋ waarinŋ wɔ̀ ru, ntiŋ i Kirinŋ wɔ baara mamaan ki ja bilinatɔnŋ kiri wu, niŋ i ntiŋ tɔnfili. Ntiŋ i bilinatɔnŋ kiri cunadi, tu kí ǹʼpa tu Ŋuntiŋ ki cɛfan tɔnnafurubi wu.

Ɔrɔmutɔnŋ kiri 1:12

Bika ɲaan tɔri tɛ, yi i so yimaŋ cunadi-i bilinabi ki ru, ábɛɛ fa míŋ, yibɛɛ dɛbɛ-i ninwɔ̀ sun.

Korɛntitɔnŋ kiri (1) 5:2

Niŋ fa a fɔn na, ábɛɛ i ji faa á yɛri rakali-la! Niŋ bi ki kakan wuru-i niŋ i ábɛɛ ŋununshuuli, nwɔma konwɔtiŋ niŋ bijɛ ki ma-i, niŋ i kwɔ po san ábɛɛ kanfɛ.

Korɛntitɔnŋ kiri (2) 1:4

Mìnki i yibɛɛ siratu-a yɔɔ cɔɔri kiri waaci kiri ru, nwɔma yibɛɛ niŋ siratubi wɔ̀ kila-i Kirinŋ gbɛ, yi i so niŋ sɔɔ yi i kpeeri siratu, nwɔ̀ri i cɔɔri kwuru ki fɔn ru.

Korɛntitɔnŋ kiri (2) 2:9

Sabu mɔ́ɔ́n sɛbɛ ki wɔri ŋuŋ ki bɛɛ wuru ábɛɛ tɛ sɛbɛ, tu ŋí i ábɛɛ sunsunu, a ábɛɛ ji faa míŋ wulu pa-a bi bataa ra, ŋí i niŋ tɔ.

Korɛntitɔnŋ kiri (2) 5:2

Ŋì i yibɛɛ tu ka pwɔkulinŋ sun firi ka ru, yibɛɛ i yaalinpo-a, yi i cɛɛn-ni yɔɔ kirinpɔlila firi ŋunaŋ ki bo ki cɛfan,

Korɛntitɔnŋ kiri (2) 7:6

Nka Kirinŋ wɔ̀ i konanmini siratu-a, niŋ yibɛɛ siratu-i Tite namaan ki wu.

Korɛntitɔnŋ kiri (2) 7:8

Míŋ ǹʼtɔ-i tu mɔ́ɔ́n sɛbɛ ki ru wulu kiri ábɛɛ yaa, nka míŋ a ntɔri bi yìrì bira kì. Míŋ wuru-ra ntɔri bi, sabu míŋ ǹʼja wuru tu mɔ́ɔ́n sɛbɛ ki ábɛɛ ɲaannuŋunu waarinŋ bɛɛ ru.

Korɛntitɔnŋ kiri (2) 8:16

Yibɛɛ baraka bi-a Kirinŋ tɛ, sabu Ŋì i ncin-i ábɛɛ bi i di Tite tɛ yibɛɛ sali.

Filipitɔnŋ kiri 1:20

Sɛli ki ra, míŋ i ninwɔ̀ saarashɛɛli-la, niŋ fa míŋ ńʼgbɛ bili-i ninwɔ̀ sun, míŋ a ɲaankwun fyewu kì, nka míŋ a tɔnnafurubi kila dɔɔ niŋ fa waarinŋ bataa ru, nwɔma míŋ ɲaninkulutɔnŋ i woo, míŋ beenimaan i woo, nɔɔri i bili Kirisa sun míŋ bira.

Kɔlɔsitɔnŋ kiri 2:5

Hali míŋ ji ábɛɛ fan firi ki ra kì, míŋ i ábɛɛ fan ɲini ki ra, niŋ fa míŋ ciirudimaan yɛ waarinŋ bataa ru, ŋí i ǹʼja tu ábɛɛ fumaan a kusɛbɛ, niŋ fa á cɛrukɔlimaan i ji-i bilinabi ki ru Kirisa ra.

Tesalonikitɔnŋ kiri (1) 3:6

Nka dɔnsaŋ, Timote yiri-i ábɛɛ tɛ, ntiŋ i so yibɛɛ tɛ kwumaŋ. Ntiŋ na-i ábɔɔ bilinabi ki niŋ fa áwɔ bidintɛbi ki ru wulu shɔɔrinŋ bi yibɛɛ tɛ. Ntiŋ tu ábɛɛ ɲakili yibɛɛ ra kusɛbɛ, niŋ fa tu yibɛɛ fyii ábɛɛ ru, miŋ tu ábɛɛ fyii ki i yibɛɛ ru ɲaan wɔ̀ tɛ.

Tesalonikitɔnŋ kiri (1) 3:8

Dɔnsaŋ, yibɛɛ ra so si-i, sabu yibɛɛ ǹʼtɔ-i tu ábɔɔ bilinabi ki a ɲaan ki tɛ Ŋuntiŋ ki ra.

Iburu kiri 2:1

Niŋ ki ra, yibɛɛ wulu wɔ̀ rama-i, yi yi ɲakili tu niŋ na kusɛbɛ, nwɔma yi fa na fɔni saa shi kì.

Yakuba 5:17

Eli wuru konanmini i yibɛɛ sali, ntiŋ Kirinŋ nafɛ-i cunadibi wu, tu kirinŋ fa na kì, kirinŋ ki fani i jiri byaŋ fa pyɛ ma, ǹʼfɛɛn pwɔkulinŋ ki sun kì.

Yuhana (2) 1:4

Míŋ ǹʼja-i tu, miŋ daŋ kiri bɛɛ ri tiri-ra sɛli sun, ŋì i kɛɲɛ Tiŋ Kirinŋ wɔ cinŋ bimaan ki wu, yibɛɛ ninwɔ̀ kila-i, niŋ míŋ ciirudi-i kusɛbɛ.

Yodasi 1:3

Ńʼwɔ wɔshuru byii ri, míŋ tɔnnabi wuru-i, ŋí i sɛbɛ wɔri ta ábɛɛ tɛ, míŋ fa ábɛɛ mwu bi ki bi sun. Míŋ ǹʼja-i tu míŋ kakan, ŋí i ǹʼsɛbɛ wɔri ta ábɛɛ tɛ dɔnsaŋ, ŋí i á racin, tu á á cɛrukɔli nwɔma á i bilinabi ki ŋununu kari tan. Kirinŋ ninwɔ̀ wɔri-i kaan tenŋ, awɔ konanbi wɔlinŋ ki tɛ, niŋ bishi tɔri ra ma kili kì.