Korɛntitɔnŋ kiri (2) 7:1 - Jɔ Biibili ki

¹ Míŋ tindaŋ byii ri, a Kirinŋ ji niŋ bi kiri tɔnŋ wɔri yibɛɛ tɛ, yi yi wu fɔɔ, yi i po san firi ki nɔɔbi kiri, fa ciiru tɔnŋ ki nɔɔbi kiri bataa ru, yi i yɔɔ fɔɔbi ki rafaa Kirinŋ jɛŋ kɛmi ki wu.

Korɛntitɔnŋ kiri (2) 7:1 ပူးပေါင်းရင်းမြစ်များ

Matiyu 12:33

Jirinŋ shɔɔrinŋ ki i daŋ shɔɔrinŋ ki pa-a, jirinŋ jɛ ki i daŋ jɛ ki pa-ri, sabu jirinŋ ki i tɔ-a a daŋ ki ra.

Matiyu 5:48

Á ji koŋ nafaamaan ni i, miŋ tu ábɛɛ Tiŋ Kirinŋ wɔ̀ i kirinpɔli ki ra niŋ nafaa ɲaan wɔ̀ tɛ. »

Matiyu 5:8

Nwɔ̀ri ciiru fɔɔ-ɔ, nini wɔ shɔ-i, sabu nini a Kirinŋ ja.

Mabikiri 9:31

Niŋ waaci ki ru, bilinatɔnŋ wɔ̀ri wuru Yude niŋ fa Galile fa Samari kɛniŋ kiri bataa ru, nini ɲaanfɛfilimaan wuru-i. Kí i arìmaŋ cunadi-ri, kí i tiri-ri kulubi wu Ŋuntiŋ ki wɔ saa ki fan, kí i bwuu-ri Ɲiniwɔlinŋ ki baraka ra.

Ɔrɔmutɔnŋ kiri 5:20

Sariya ki na-i, nwɔma konaŋ kiri i arɔɔ bijɛ ki mwɔka ki ja. Bijɛ ki mwɔ-i mani wɔ̀ ru, Kirinŋ wɔ shɔɔrinŋ ki ba bo-i mìŋ mani ki ru,

Korɛntitɔnŋ kiri (1) 6:20

Sabu Kirinŋ ábɛɛ ŋunsan-i kpaafuru ra, niŋ ki ra, á ǹʼgbɛ á firi kiri wu yɛri rasɔɔbi wu.

Korɛntitɔnŋ kiri (2) 1:20

Sɛli ki ra, Kirinŋ a tɔnŋ wɔri-i bi finŋ woo finŋ na, niŋ bataa i nafaa-ra Kirisa ra. Niŋ ki ra, yibɛɛ i ǹʼbi-a tu « aawe » Kirisa baraka ra, yi i Tiŋ Kirinŋ gbɛ-ri.

Efɛsitɔnŋ kiri 2:3

Yibɛɛ bataa wuru miŋ tu kíbɛɛ sun. Yibɛɛ wuru yi firi ki dintɛ bi jɛ kiri ma-a, yi i yi yɛri ciiru ɲakilila bi kiri ma-ni. Yibɛɛ ɲaan ki fa koŋ pyɛ kiri bataa wɔ wuru tenŋ i, niŋ ki ra, Kirinŋ wɔ tɔnkwulu ki kakan wuru-i ŋì i so yibɛɛ bataa sun sɛbɛ.

Tesalonikitɔnŋ kiri (1) 3:13

Ŋì baraka de á ru, á i ji koŋ shɔɔrinŋ pɔlibali li i, yibɛɛ Tiŋ Kirinŋ ɲaanfɛ, yi Ŋuntiŋ Yesu Kirisa pwulu na waaci ki ru, awɔ konanbi wɔlinŋ ki bataa wu. Amiina!

Tesalonikitɔnŋ kiri (1) 4:7

Sabu, Kirinŋ yibɛɛ dɔri tu yi ji koŋ nɔɔmaan ni i kì, nka ŋì yibɛɛ dɔri-i, tu yi ji wɔlinŋ ni i.

Tesalonikitɔnŋ kiri (1) 5:23

Dɔnsaŋ, ɲaanfɛfili ki i po-a Kirinŋ wɔ̀ gbɛ, tu niŋ yɛrima ki tu á fan áwɔ ɲaninkulutɔnbi ki bataa ru, ŋì i á mani ki bataa wu fɔɔ, á i ji ǹʼwɔ ri. Á ɲakili ki fa ɲini ki bataa fa á firi ki bataa pɔlibali i tu, fɔ ŋì i ta so yibɛɛ Ŋuntiŋ Yesu Kirisa pwulu na shikaŋ ki sun.

Iburu kiri 12:23

Ábɛɛ á kpari-i Kirinŋ wɔ konanbi jɔnɔ ɲaannashimaan ki kwuru ki tɛ, nwɔ̀ri tɔ ki sɛbɛ-i kirinpɔli ki ru. Ábɛɛ á kpari-i Kirinŋ tɛ, nwɔ̀ a na kiti ki kwuru konaŋ ki bataa sun, á i ji á kpari koŋ telimaan kiri ɲini kiri tɛ, nwɔ̀ri wɔ baara ki rafaa.

Iburu kiri 12:28

Yibɛɛ ra de masabi wɔ̀ ru, niŋ san-a a ta ru kì. Yi baraka bi Kirinŋ tɛ niŋ shɔɔrinŋ ki bira, yi baara ki ma ǹʼtɛ, yi i ǹʼdintɛ bi kiri ma, yi i ǹʼgbɛ niŋ fa yi i kɛni ǹʼjɛŋ,

Iburu kiri 4:1

Kirinŋ wɔ tɔnwɔri ki i a ta ru yibɛɛ tɛ, tu a ra yi de awɔ nufaanmaŋ ki ru, niŋ ki ra, á bataa kɛni, nwɔma koŋ tɔri tenŋ fa na tu kɔɔtɛ kì.

Iburu kiri 6:9

Ńʼtindaŋ byii ri, á ǹʼtɔ tu hali yibɛɛ ji wulu ki bi ka ɲaan ka tɛ, tu yibɛɛ bili ǹʼna tu ábɛɛ saa shɔɔrinŋ sun, ninwɔ̀ i mwu saa ki i.

Yakuba 4:8

Á á kpari Kirinŋ tɛ, ǹʼyɛrima ki ra a kpari ábɛɛ tɛ. Ábɛɛ bi kulinŋ matɔnŋ kiri, á á gbɛ kiri rawu, ábɛɛ wulufuulibitɔnŋ kiri, ábɛɛ i á ciiru kiri fɔɔ.

Pyɛɛri (1) 1:15

Nka, Kirinŋ wɔ̀ ki ábɛɛ dɔri-i, niŋ i wɔlinŋ i, niŋ ki ra, á ji wɔlinŋ ni i, á mabi kiri bataa ru.

Pyɛɛri (1) 1:17

Kirinŋ a na kiti ki kwuru konanmini kiri bataa tenŋ tenŋ sun, ŋì i kɛɲɛ koŋ fɔn tenŋ tenŋ mabi ki wu, ŋì koŋ san-a koŋ nu kì. A ábɛɛ ji ninki dɔri-ra áwɔ rafɛ kiri ru, tu á Tiŋ, niŋ na, á áwɔ juniɲa nu ɲaninkulutɔnbi ki ma Kirinŋ jɛŋ kɛmi wu.

Pyɛɛri (1) 1:22

Ábɛɛ ji-i sɛli ki tɛ, á i á ciiru kiri fɔɔ, nwɔma á i á tindaŋ kiri bidi á tɛ sɛlɛsɛli ki ra, niŋ ki ra, á ámaŋ bidi ámaŋ tɛ kusɛbɛ á ciiru kiri bataa wu.

Pyɛɛri (1) 2:11

Míŋ tindaŋ byii ri, ábɛɛ i juniɲa ka ru, miŋ tu jɛ saa fwuudetiiri. Niŋ ki ra, míŋ i ábɛɛ rafɛ-a, ńʼtu á firi ki dintɛ bi jɛ kiri tɔnbo. Niŋ firi dintɛ bi jɛ kiri i ɲini ki kari-ra.

Pyɛɛri (1) 5:10

Nka, a ábɛɛ ɲaanfɛkwulu bi kila waaci pyaanŋ nu, Kirinŋ wɔ̀ ki i shɔɔrinŋ ki bataa tiŋ ki i, ninki a na ábɛɛ mwu, ŋì i á kɔɔ, ŋì i á baraka ki gbɛ, á i tuka shɔ bilinabi ki ru. Mìŋ Kirinŋ ki ábɛɛ dɔri-i, nwɔma a i á de awɔ nɔɔri kɔbali ki ru Kirisa wɔ tenbi ki bira.

Yuhana (1) 1:7

Nka, a yibɛɛ ji tiri-ra manisarinŋ nu, miŋ tu Kirinŋ yɛrima ki i manisarinŋ nu ɲaan wɔ̀ tɛ, niŋ i ǹʼji-a tu yibɛɛ yimaŋ fan. A niŋ ma, Yesu, ninwɔ̀ i Kirinŋ Danshuru ki i, niŋ cunŋ ki a yibɔɔ bijɛ kiri bataa wu san yi ra.

Yuhana (1) 1:9

Nka, a yibɛɛ yi tu yɔɔ bijɛ kiri ra, Kirinŋ wɔ̀ i dariwulutiŋ i niŋ fa ǹʼtelimaan i ji-i, niŋ a yibɔɔ bijɛ kiri tu yi tɛ, ŋì i telibalibi kiri bataa san yi ra.

Yuhana (1) 3:3

Niŋ gbɛbilimaŋ ki i koŋ woo koŋ gbɛ, nintiŋ i a yɛri wu fɔɔ-ra, miŋ tu Kirisa fɔɔ ɲaan wɔ̀ tɛ.