Korɛntitɔnŋ kiri (2) 5:7 - Jɔ Biibili ki

⁷ Yibɛɛ ɲaniŋ tu bi kari ra, yi i kila yi i yi tu yìrì ra kì, nka yibɛɛ yi tu-i yìrì ra bilinabi ki baraka ra.

Korɛntitɔnŋ kiri (2) 5:7 ပူးပေါင်းရင်းမြစ်များ

Korɛntitɔnŋ kiri (1) 13:12

Dɔnsaŋ, yibɛɛ i finŋ wɔ̀ri ja-a, nini i miŋ tu koŋ finŋ miniŋ ja-a yɛrɛfɛri ru, nwɔ̀ jaka shɔ-a kì. Nka jibi bɛɛ, yi a na yìrì jaka shɔ fɛrifɛri. Dɔnsaŋ mɔ́ɔ́n bitɔbi ki rafaamaan i kì, nka jibi i jibi ru, míŋ a na finŋ bataa tɔka shɔ, miŋ tu Kirinŋ i míŋ tɔ-a ɲaan wɔ̀ tɛ.

Korɛntitɔnŋ kiri (2) 1:24

Yibɛɛ ǹʼtɛ yi i ji ábɛɛ ŋununtiŋ ni i áwɔ bilinabi ki ru kì, sabu ábɛɛ kɔɔ bilinabi ki ru kɔ, nka yibɛɛ i ǹʼtɛ yi i baara ma ábɛɛ fan yi á ciirudi.

Korɛntitɔnŋ kiri (2) 4:18

Niŋ ki ra, yibɛɛ ɲaniŋ finŋ ja wɔ kiri ra kì, nka yibɛɛ ɲaniŋ i finŋ jabali kiri ra. Finŋ wɔ̀ri i ja-a, nini bataa i kɔ-a, nka finŋ jabali kiri kɔ-a kì, nini i nmaŋ waarinŋ bataa ru.

Galasitɔnŋ kiri 2:20

Ábɛɛ i míŋ ja-a ɲaninkulutɔnbi wɔ̀ ru, á ǹʼtɔ tu mɔ́ɔ́n i kì, nka tu Kirisa wɔ ɲaninkulutɔnbi ki míŋ nu. Míŋ i niŋ ma-a Kirinŋ Danshuru ki ra bilinabi ki baraka ra. Mìntiŋ ki míŋ bidi-i a tɛ, ntiŋ i a yɛri wɔri beŋ ki tɛ míŋ bira.

Iburu kiri 10:38

Sɛbɛ ki tu sɛbɛ : « Nka mɔ́ɔ́n koŋ telimaan ki a na awɔ ɲaninkulutɔnbi ki ma bilinabi ki baraka ra. A ntiŋ bilinabi saa ki bo, míŋ a ńʼciirudi ntiŋ wu kì. »

Pyɛɛri (1) 1:8

Ábɛɛ ɲaniŋ tu Yesu ra kì, nka ntiŋ bidi-i ábɛɛ tɛ. Hali ábɛɛ ji ntiŋ ja-a kì, ábɛɛ bili-i ntiŋ na. Niŋ ki ra, ábɛɛ ciirudi-i, á i yoori-ri, daŋ i nwɔ̀ ra kì,

Pyɛɛri (1) 5:9

Á á banba tu bilinabi ki ru, á i shitaanni ki kari. Á ǹʼtɔ tu ɲaanfɛkwulu bi wɔ̀ri ábɛɛ kila-a, tu niŋ bishi ri so-a ábɛɛ tindaŋ kiri sun, nini wɔ̀ri jeɲe-i juniɲa ki mani tɔri kiri ru.