Korɛntitɔnŋ kiri (2) 4:7 - Jɔ Biibili ki

⁷ Nka niŋ nafulu sinaŋ ki i yibɛɛ gbɛ, yibɛɛ wɔ̀ri baraka rakuru-i miŋ tu jɔduŋ, nwɔma konaŋ kiri i ǹʼtɔ tu niŋ sotinbi sinaŋ ki po-a yibɛɛ ru kì, nka tu ŋì po-a Kirinŋ gbɛ.

Korɛntitɔnŋ kiri (2) 4:7 ပူးပေါင်းရင်းမြစ်များ

Matiyu 13:44

Yesu tu sɛbɛ : « Kirinpɔlila Masabi ki i miŋ tu nafulu ladumaan ji bɛɛ ru. Shuru bɛɛ i niŋ ja, ntiŋ i ǹʼnaduka shɔ sɛbɛ, ntiŋ ciirudimaan i ta a gbɛfɛfinŋ kiri bataa ju, ntiŋ i na niŋ ji ki sa. »

Matiyu 13:52

Ntiŋ tu kí tɛ : « Niŋ ɲaan ki tɛ, sariya kalimɔɔ finŋ woo finŋ kali-i kirinpɔlila Masabi ki bi sun, ntiŋ fa kanintiŋ po-i, nwɔ̀ i nafulu ŋunaŋ fa nafulu bwuumaan shi po-a awɔ nafulu bomaŋ ki ru. »

Yuhana 16:33

Míŋ niŋ bi-i ábɛɛ tɛ, nwɔma ábɛɛ i ɲaanfɛfili kila míŋ gbɛ. Ábɛɛ ɲaanfɛkwulu-i ka juniɲa ka ru, nka á á cunadi, sabu míŋ so kila-i juniɲa ki sun kɔ. »

Korɛntitɔnŋ kiri (1) 1:28

Konaŋ kiri ɲaanna, koŋ wɔ̀ri finŋ tɔri kì, koŋ wɔ̀ri bi tɔ-a kì, kí i kí bikwɔ-ri arì sun, Kirinŋ niŋ koŋ gbansanŋ kiri ɲaannashi-i, nwɔma a i konaŋ kiri ɲaanna koŋ sinaŋ kiri ji koŋ gbansanŋ ni i.

Korɛntitɔnŋ kiri (2) 10:10

Sabu kí i nwɔ̀ bi-a mɔ́ɔ́n sɛbɛ kiri sun, niŋ i kaa tu : « Faan fa baraka i Pooli wɔ sɛbɛ kiri ru wulu kiri ru, nka a ntiŋ ji yibɛɛ kanfɛ, ntiŋ so-a niŋ bishi wulu li bi-i kì, yìrì ji-a wulu ɲaansun ni i kì. »

Korɛntitɔnŋ kiri (2) 13:4

Sɛli yɛ, Kirisa kpinkpi-i suu ki sun waarinŋ wɔ̀ ru, so wuru ntiŋ gbɛ kì, nka ntiŋ ŋmɛni-i, dɔnsaŋ ntiŋ ɲaninkulutɔnŋ yɛ Kirinŋ wɔ sotinbi ki baraka ra. Mìŋ ɲaan tenŋ ki tɛ, yibɛɛ i baraka bali li i Kirisa sali, nka yibɛɛ i ǹʼji-a ábɛɛ wu tu yibɛɛ fa ntiŋ ɲaninkulutɔnŋ ni i, niŋ fa tu yibɛɛ baara ki ma-a ábɛɛ kanfɛ Kirinŋ wɔ sotinbi ki baraka ra.

Korɛntitɔnŋ kiri (2) 4:1

Kirinŋ yibɛɛ sunmakwulupa-i ka ɲaan ka tɛ, ŋì i ka baara ka biye yibɛɛ gbɛsun, niŋ ki ra, yibɛɛ yi firi kilɛn-a kì.

Korɛntitɔnŋ kiri (2) 5:1

Yibɔɔ pwɔkulinŋ sun firi kiri i miŋ tu mwuu ri. Yibɛɛ ǹʼtɔ-i tu niŋ mwuu ki li waarinŋ wɔ̀ ru pwɔkulinŋ ka sun, tu Kirinŋ a fu wɔri yibɛɛ tɛ kirinpɔli ki ra. Niŋ i ǹʼbi-a tu, a yibɛɛ beeni, Kirinŋ a firi tɔri wɔri yibɛɛ tɛ, ŋì i ninwɔ̀ ramɔni-i a yɛri ki gbɛɛra, niŋ firi ki dumiŋ li-a fɛsɛfɛsɛ kì.

Korɛntitɔnŋ kiri (2) 6:10

Kí ɲaanna, yibɛɛ i makwulukoŋ ni i, nka yibɛɛ ciirudimaan yɛ waarinŋ bataa ru. Kí tu yi yɛlinkɔni ni i, nka yibɛɛ i koŋ mwɔɔnna ji-a fintiŋ ni i, kí tu yi gbɛwɔ ri i, nka finŋ bataa i ji yibɔɔ.

Efɛsitɔnŋ kiri 2:5

Niŋ ki ra, yibɛɛ wɔ̀ri beeni wuru Kirinŋ ɲaanfɛ yɔɔ bijɛ kiri bira, ŋì yibɛɛ ŋmɛni-i Kirisa fan. Ábɛɛ á mwu-i Kirinŋ wɔ shɔɔrinŋ ki baraka ra.

Efɛsitɔnŋ kiri 3:8

Mínwɔ̀ i Kirinŋ wɔ wɔlinŋ kiri bataa ru pyaanŋ ki i, Kirinŋ niŋ kafinŋ ki wɔri-i míŋ tɛ, tu míŋ Wulujii ki sunjo shiya tɔri ru konaŋ kiri tɛ, niŋ Wulujii ki i Yesu Kirisa wɔ shɔɔrinŋ kɔbali ki i.

Kɔlɔsitɔnŋ kiri 1:27

Nafan sinaŋ wɔ̀ fa gbɛbi wɔ̀ i niŋ gonto ki ru, shiya kiri bataa kɛlintɛ, Kirinŋ i ji ǹʼtɛ niŋ i tɔ, niŋ i kaa : a Kirisa ji ábɛɛ fan, gbɛbilimaŋ i ábɛɛ ra, á i ji-a de Kirinŋ wɔ nɔɔri ki ru.

Kɔlɔsitɔnŋ kiri 2:12

Ábɛɛ fa Kirisa kwuu ki ye-i ámaŋ fan á wu shikaŋ ki ru, á i ŋmɛni ntiŋ fan, sabu ábɛɛ bili-i Kirinŋ wɔ sotinbi ki ra, ninwɔ̀ ntiŋ ŋmɛni-i.

Kɔlɔsitɔnŋ kiri 2:3

Konanmini i Kirinŋ wɔ ɲakilitinbi ki fa ǹʼwɔ bitɔbi ki bataa kila-a Kirisa ra.

Tesalonikitɔnŋ kiri (1) 1:5

Yibɛɛ Kirinŋ wɔ Wulujii wɔ̀ bi-i ábɛɛ tɛ, niŋ ji tɔnŋ na wulu bantenŋ i kì, Ɲiniwɔlinŋ ki wɔ sotinbi ki wuru ǹʼnu, ninwɔ̀ wuru ǹʼji-a tu sii ǹʼna ǹʼnu kì. Yibɛɛ tiri-i ábɛɛ kanfɛ ɲaan wɔ̀ tɛ, nwɔma ábɔɔ i shɔ, ábɛɛ yɛrima kiri niŋ ja-i.

Tesalonikitɔnŋ kiri (1) 4:4

Tu koŋ bataa tenŋ tenŋ a firi ki pa ɲaan shɔɔrinŋ tɛ, ntiŋ i ǹʼbo Kirinŋ wɔ bo ru, ntiŋ i Kirinŋ tɔ ki gbɛ.

Timote (2) 2:20

Masafu ki ciiru finŋ kiri sɛniŋ fa warifɔ bantenŋ na finŋ namɔnimaan ni i kì, ǹʼbɛɛ ri ramɔni-i suu ra, ǹʼtɔri ri i ramɔni jɔ ra. Niŋ finŋ kiri bɛɛ ri i ji jibi sinaŋ sun baara mafinŋ ni i, ǹʼtɔri ri i ji jibi gbansanŋ sun wɔ ri.