Korɛntitɔnŋ kiri (2) 4:5 - Jɔ Biibili ki

⁵ Yibɛɛ yi yɛri sunjo-a kì, yibɛɛ i Ŋuntiŋ Yesu Kirisa wulu ki sunjo-a. Nwɔ̀ i yibɛɛ, yibɛɛ yɛrima kiri i ábɛɛ tɛ baara matiiri i Yesu bira.

Korɛntitɔnŋ kiri (2) 4:5 ပူးပေါင်းရင်းမြစ်များ

Matiyu 23:8

« Ábɛɛ kɔniŋ fa ǹʼceeli tu konaŋ kiri i ábɛɛ dɔri tu kalimɔɔ kì, sabu kalimɔɔ tenŋ pe i ábɛɛ gbɛ, ábɛɛ bataa i ji ámaŋ tindaŋ.

Matiyu 3:11

Yuhana tu sɛbɛ : « Míŋ i ábɛɛ wu-a ju ra, nwɔ̀ i ǹʼji-a tu ábɛɛ ntɔri bi áwɔ bijɛ kiri ra, nka koŋ bɛɛ yirira i nmaŋ míŋ kɔɔtɛ, nwɔ̀ wɔ so ki gbɛ-i mɔ́ɔ́n ki wu, míŋ ŋuniŋ kuru-i niŋ wɔ kari yaa pilitɔnŋ i. Niŋ a na ábɛɛ wu Ɲiniwɔlinŋ ki fa tuu ra.

Yuhana 7:18

Konwɔtiŋ i a yɛri wɔ wulu bi-a, nintiŋ i a yɛri gbɛmaŋ ceeli-la. Nka nwɔ̀tiŋ i a cintɔnŋ ki gbɛmaŋ ceeli-la, nintiŋ i sɛlitiŋ i, kɛrɛmaŋ nwɔ̀ ra kì.

Mabikiri 10:36

Ŋì awɔ wulu ki wɔri-i Isirayɛli nupo ki tɛ, ŋì i ɲaanfɛfili Wulujii ki sunjo kí tɛ, kí a ninwɔ̀ kila Yesu Kirisa baraka ra. Niŋ Yesu ki i konaŋ bataa Ŋuntiŋ i.

Mabikiri 2:36

Niŋ ki ra, Isirayɛli bataa kakan-i ŋì i ǹʼtɔ fɔɔ jiŋ, tu ábɛɛ Yesu wɔ̀ ki kpinkpi suu ki sun, tu Kirinŋ ninki ji Ŋuntiŋ ki fa Kirisa ki i. »

Mabikiri 5:31

Kirinŋ ntiŋ fɛshi-i, ŋì i ntiŋ ji Masa fa Mwutɔnŋ i, ŋì i ntiŋ sɔɔ a pantɛ, nwɔma tu, a Isirayɛlitɔnŋ kiri ntɔri bi, kí i na Kirinŋ tɛ, ŋì i kɔ́ɔ́ bijɛ kiri tu kí tɛ.

Korɛntitɔnŋ kiri (1) 1:23

Yibɛɛ i ǹʼsunjo-a tu Kirisa kpinkpi suu sun, niŋ wulu ki i Yawutu kiri yaa-ri, ŋì i ji julu la wulu u shiya tɔri kiri ɲaanna.

Korɛntitɔnŋ kiri (1) 10:33

Míŋ yɛri ki i ǹʼma-a mìŋ ɲaan ki tɛ, ŋí i koŋ bataa dintɛ bi ki ma-ni, ŋí a ńʼtenŋ wɔ nafan ki ceeli-li kì, nka míŋ i koŋ mwɔɔnna nafan ki ceeli-la, nwɔma kí i so arì mwu-i.

Korɛntitɔnŋ kiri (1) 12:3

Niŋ ki ra, míŋ a ǹʼbi ábɛɛ tɛ, ńʼtu konwɔtiŋ so-a ǹʼbi-i tu : « Yesu danka-i », Kirinŋ Ɲini ki nintiŋ gbɛ kì, niŋ fa mìŋ ɲaan tenŋ ki tɛ, koŋ so-a ǹʼbi-i tu « Yesu i Ŋuntiŋ i », Ɲiniwɔlinŋ ki wɔ so ki kɔɔtɛ kì.

Korɛntitɔnŋ kiri (1) 15:47

Adama jɔnɔ ki po-i pwɔkulinŋ nu, nka Adama fuluntɔnŋ ki po yiri-i kirinpɔli la.

Korɛntitɔnŋ kiri (1) 2:2

sabu míŋ ǹʼbo wuru ńʼciiru, ńʼtu ŋì i míŋ tu ábɛɛ kanfɛ, ńʼtu míŋ a finŋ tɔri bi ábɛɛ tɛ Yesu Kirisa bi ki fa ntiŋ wɔ kpinkpi suu sun beŋ ki bantenŋ ciniŋ kì.

Korɛntitɔnŋ kiri (1) 4:15

Hali kalimɔɔ waabyinŋ (10.000) ji ábɛɛ ra jiŋ, tiŋ tenŋ pe i ábɛɛ ra, mínki Kirinŋ wɔ Wulujii ki bi-i ábɛɛ tɛ, ninki i ncin ábɛɛ i ji Kirinŋ daŋ ni i Yesu Kirisa wɔ tenbi ki bira.

Korɛntitɔnŋ kiri (1) 8:6

Nka yibɛɛ kɔniŋ gbɛ, Kirinŋ tenŋ pe i nmaŋ, niŋ i yibɛɛ Tiŋ Kirinŋ i. Ninki finŋ bataa po-i, yibɛɛ i yi wɔ ɲaninkulutɔnbi ki ma-a ninki tɛ. Niŋ fa Ŋuntiŋ tenŋ i ji nmaŋ, ninwɔ̀ i Yesu Kirisa. Finŋ bataa i nmaŋ ninki mwɔɔn tɛ, yibɔɔ ɲaninkulutɔnbi ki i ji ma-a ninki baraka ra sɛbɛ.

Korɛntitɔnŋ kiri (2) 1:19

Sabu míŋ fa Silasi fa Timote, Yesu Kirisa, Kirinŋ danshuru wɔ̀ bi sunjo-i ábɛɛ tɛ, niŋ « aawe » bi-a bi ru, ŋì i pwulu, ŋì i « aawoo » bi mìŋ bi tenŋ ki ru kì. Niŋ wɔ ki i « aawe » e waarinŋ bataa ru.

Korɛntitɔnŋ kiri (2) 1:24

Yibɛɛ ǹʼtɛ yi i ji ábɛɛ ŋununtiŋ ni i áwɔ bilinabi ki ru kì, sabu ábɛɛ kɔɔ bilinabi ki ru kɔ, nka yibɛɛ i ǹʼtɛ yi i baara ma ábɛɛ fan yi á ciirudi.

Galasitɔnŋ kiri 5:13

Ńʼtindaŋ ni, Kirinŋ ábɛɛ dɔri-i tu á tu á yɛrɛtɛ, nka á fa niŋ ji á dintɛ bi ri mamaanna i kì. Á á kaashi ki bidi á tɛ, á i ji ámaŋ tɛ baara matɔnŋ ni i.

Filipitɔnŋ kiri 1:15

Ǹʼbɛɛ ri kɔniŋ i Kirisa wulu ki sunjo-a tɛnbi fa sɔsɔɔlinŋ wu, nka ǹʼtɔri ri i ǹʼsunjo-ri ciirufɔɔbi wu.

Filipitɔnŋ kiri 2:11

Niŋ fa tu nɛninɛŋ ki bataa i a tu ǹʼna, tu Yesu Kirisa Ŋuntiŋ ki i, nɔɔri i bili Tiŋ Kirinŋ tɔ ki sun.

Timote (2) 2:10

Niŋ ki ra, míŋ i bi bataa pa-ri ńʼna Kirinŋ wɔ koŋ ɲaannashimaan kiri bira, nwɔma nini yɛrima kiri i so arì mwu-i Yesu Kirisa baraka ra, niŋ fa kí i gbɛbi kɔbali ki kila.

Tite 1:11

Kí tɔnŋ kiri kakan-i yìrì i rala, sabu kí kaniŋ kiri bɛɛ ri bataa ŋununli-i kalinŋ ni wu, nwɔ̀ri kakan yìrì i tan kì. Kí i niŋ bataa ma-a jalinŋ cɛfan.

Pyɛɛri (2) 2:3

Niŋ kalimɔɔ purubitɔnŋ kiri wɔ wari bi juuka jɛ ki a na ncusun kí i ábɛɛ ji jɔɔfinŋ ni i, arɔɔ koŋ sunnɛɛn wulu kiri wu. Kiti ki fɛɛn-ɛ kí sun fɔ waaci ŋmani nu kɔ, kí haliki bi ki i kí kpɛli-la.