Korɛntitɔnŋ kiri (2) 4:4 - Jɔ Biibili ki

⁴ Niŋ koŋ kiri bili-la Kirinŋ na kì, sabu ka juniɲa ka ŋununtiŋ ki, ninwɔ̀ i shitaanni ki i, ninki kí ciiru ɲakili kiri rala-i, nwɔma kí fa Kirinŋ wɔ Wulujii ki sarinŋ ki ja kì, niŋ Wulujii ki wɔ̀ i Kirisa nɔɔri ki ji-a, ninwɔ̀ i Kirinŋ ɲaan ki ji-a.

Korɛntitɔnŋ kiri (2) 4:4 ပူးပေါင်းရင်းမြစ်များ

Matiyu 13:22

Bilanaŋ wɔ̀ri fɛɛn-ɛ ɲiŋ ciitiŋ kiri faninmwuŋ, nini i kpeeri i, nwɔ̀ri i Kirinŋ wɔ wulu ki rama-a, nka juniɲa ka ru ciirufɔnɔbi kiri fa koŋ sunnɛɛn nafulu tɔ kiri i na-a arì la niŋ wulu ki sun, fɔ ŋì so-a daŋ pa-i kì.

Yuhana 1:14

Nwɔ̀ i Wulu u, niŋ ji-i konanmini i, ŋì i na sɔɔ yibɛɛ fan. Yibɛɛ ǹʼnɔɔri ki ja-i, Danshuru tenŋ pe wɔ̀ po-i Tiŋ Kirinŋ nu, niŋ nɔɔri ki yɛ. Ǹʼfaa-a shɔɔrinŋ ki fa Kirinŋ wɔ sɛli ki ra.

Yuhana 1:18

Koŋ tɔri tenŋ ɲaniŋ tu ja Kirinŋ na kì, nwɔ̀tiŋ ǹʼɲaanbi-i konanmini tɛ, niŋ i ǹʼDanshuru tenŋ pe ki i, ninwɔ̀ i Kirinŋ i, ŋì i ji Tiŋ Kirinŋ fan.

Yuhana 12:31

Kiti ki ra kwuru ka juniɲa ka ru konaŋ kiri sun dɔnsaŋ, juniɲa ki ŋununtiŋ ki ra kwɔ po taanna.

Yuhana 12:35

Yesu i kí rupwulu tu : « Manisarinŋ ki i faa-ra waaci pyaanŋ ma ábɛɛ faninmwuŋ. Niŋ na, á tiri ki tan manisarinŋ ki tɛ, nwɔma mancinŋ ki fa na á pa á gbɛsun kì. Sabu konwɔtiŋ i tiri ki tan-a mancinŋ ki ru, nintiŋ a tamaŋ tɔ-a kì.

Yuhana 12:40

« Kirinŋ kí ɲaninaŋ kiri fwuu-u, nwɔma kí fa maannaja kì, ŋì i kí ji ɲakili bali li i, nwɔma kí fa bi tɔ kì. Niŋ ma-i, nwɔma kí fa ntɔri bi arɔɔ bijɛ kiri ra, míŋ i kí kene kì. »

Yuhana 12:45

Konwɔtiŋ ɲaniŋ tu-i míŋ na, ntiŋ ɲaniŋ tu-i míŋ cintɔnŋ ki na mìnki i.

Yuhana 14:30

Míŋ a cin wulubi ki ra ábɛɛ tɛ kili kì, sabu ka juniɲa ka ŋununtiŋ ki yirira i nmaŋ. So dantenŋ ǹʼgbɛ míŋ sun kì,

Yuhana 15:24

Koŋ tɔri so bi wɔ̀ri ma-i kì, a míŋ ji wuru na-ni niŋ bi kiri ma kí ɲaanna kì, kí wuru-ra ji koŋ pɔlimaan ni i kì. Nka kí míŋ mabi kiri ja-i, niŋ fa a fɔn na, kí i míŋ fa ńʼTiŋ ki bikwɔ-ri arì sun.

Yuhana 16:11

Kirinŋ wɔ kiti ki bi ki sun, kí fɔnimaŋ ki i kaa : kiti ki fɛɛn-ɛ juniɲa ki ŋununtiŋ ki sun kɔ.

Yuhana 8:12

Niŋ kɔɔtɛ, Yesu i wulubi konaŋ ki tɛ tu : « Mínki i juniɲa ki wɔ manisarinŋ ki i. Konwɔtiŋ ǹʼpa míŋ cɛfan, nintiŋ a tiri mancinŋ nu kì, nka ntiŋ a ɲaninkulutɔnbi manisarinŋ ki kila. »

Mabikiri 26:18

Míŋ a miŋ cin kí tɛ, nwɔma kí ɲaninaŋ kiri i nawwulu, kí i po san mancinŋ ki ru, kí i na manisarinŋ ki ru. Kí i po san shitaanni wɔ faan ki fɛ, kí i de Kirinŋ wɔ Masabi ki ru. Niŋ ɲaan ki tɛ, kɔ́ɔ́ bijɛ kiri i tu kí tɛ, kí arɔɔ lu kila Kirinŋ wɔ wɔlinŋ kiri fan arɔɔ bilinabi ki baraka ra míŋ na. › »

Mabikiri 26:23

Nini ǹʼbi wuru tu kí a na Kirinŋ Ɲaannakonshimaan ki makwulujuu, kí i ntiŋ kilɛn. Tu mìntiŋ jɔnɔ ki a ŋmɛni po san konkwuu kiri ru, ntiŋ i manisarinŋ ki bi ki sunjo yibɔɔ konanbi ki tɛ, niŋ fa shiya tɔri kiri tɛ. »

Korɛntitɔnŋ kiri (1) 10:20

Aayi, míŋ i ǹʼtɛ, ŋí i ǹʼbi tu kíbɛɛ i saraka wɔ̀ri san-a, ńʼtu kí yìrì san-a ɲinijɛ ri tɛ, ńʼtu kí yìrì san-a Kirinŋ tɛ kì, míŋ dumiŋ ǹʼtɛ ábɛɛ fa ɲinijɛ ri i dɛbɛ kì.

Korɛntitɔnŋ kiri (2) 2:11

Niŋ bataa ŋuŋ ki i nwɔma yi fa ncusun shitaanni ki i so kila yi sun kì, sabu yi i ǹʼwɔ fɛɛli kiri tɔ-a.

Korɛntitɔnŋ kiri (2) 2:12

Míŋ so-i Torohasi kili ki ra Kirisa wɔ Wulujii ki sunjorama ki wu waarinŋ wɔ̀ ru, míŋ i ǹʼja-i ńʼtu Ŋuntiŋ ki saa rawwulu míŋ jɛŋ niŋ cinŋ ki bira.

Korɛntitɔnŋ kiri (2) 3:11

Finŋ wɔ̀ a fwuude, a niŋ ji nɔɔri kila, finŋ kɔbali ki nɔɔri ki a fwuu niŋ wɔ ki sun pewu!

Korɛntitɔnŋ kiri (2) 3:14

Isirayɛlidaŋ kiri ciiru ɲakili kiri furu-i. Hali jiŋ, a kí ji Tɔnwɔri Bwuumaan ki sɛbɛ kiri kali-la, ǹʼyɔ ji-a miŋ tu kí juulinŋ la kí ɲaanna, kí yìrì ɲaantɔ-a kì. Kí so niŋ juulinŋ ki san-i arì ɲaannu sun kì, sabu niŋ juulinŋ ki i so-a san-i koŋ ɲaannu Kirisa bantenŋ na.

Korɛntitɔnŋ kiri (2) 3:18

Ka juulinŋ ka la yi finŋ woo finŋ ɲaanna kili kì, yi i Ŋuntiŋ nɔɔri ki sarinŋ ki ja-a miŋ tu yɛrɛfɛri ru, niŋ ki ra, yi i rapwulu ji-a Ŋuntiŋ ki sali, yi nɔɔri ki i gbɛ ta-ri jibi woo jibi. Ŋuntiŋ ki ɲini ki i baara ma-a.

Korɛntitɔnŋ kiri (2) 4:6

Mìŋ Kirinŋ wɔ̀ ki ǹʼbi wuru tu manisarinŋ ki po mancinŋ ki faninmwuŋ, mìŋ tenŋ ki i manisarinŋ ki po-a yibɛɛ ciiru tɔnŋ kiri ra, nwɔma ǹʼwɔ nɔɔri sinaŋ wɔ̀ i Kirisa ra, yibɛɛ i niŋ tɔbi ki kila.

Galasitɔnŋ kiri 1:4

Kirisa a yɛri ki wɔri-i yibɔɔ bijɛ kiri ŋunfɛ, nwɔma a i yibɛɛ po san ka juniɲa ka ru bijɛ kiri bataa ru, ŋì i kɛɲɛ Tiŋ Kirinŋ dintɛ bi ki wu,

Efɛsitɔnŋ kiri 2:2

Ábɛɛ wuru niŋ bi kiri ma-a miŋ tu ka juniɲa nu tɔnŋ kiri i ǹʼma-a ɲaan wɔ̀ tɛ, ŋì i kɛɲɛ ɲinijɛ kiri ŋununtiŋ sinaŋ ki dintɛ bi ki wu, ninwɔ̀ i baara ki ma-a kpeeri ciiru, nwɔ̀ri arì kaan-a Kirinŋ tɛ.

Efɛsitɔnŋ kiri 6:12

Sabu yibɔɔ kwurukwuru ki ye-a konanmini ni wu kì, nka yibɛɛ fa ɲinijɛ kiri fa arì ŋununtiŋ kiri i ǹʼye-a, nini wɔ̀ri i sotinbi kiri fa barakatiŋ kiri i, nwɔ̀ri sɔɔ juniɲa ka ŋununu mancinŋ ki ru.

Filipitɔnŋ kiri 2:6

Ntiŋ ɲaan ki fa Kirinŋ ɲaan ki wuru tenŋ i, nka ntiŋ niŋ ji bi sinaŋ i, ntiŋ i ǹʼbi tu a ra a yɛri pyi Kirinŋ wu kì.

Kɔlɔsitɔnŋ kiri 1:15

Kirisa i Kirinŋ jabali ki miniŋ ki i, mìntiŋ gbɛ-i finŋ pomaan kiri bataa wu,

Kɔlɔsitɔnŋ kiri 1:27

Nafan sinaŋ wɔ̀ fa gbɛbi wɔ̀ i niŋ gonto ki ru, shiya kiri bataa kɛlintɛ, Kirinŋ i ji ǹʼtɛ niŋ i tɔ, niŋ i kaa : a Kirisa ji ábɛɛ fan, gbɛbilimaŋ i ábɛɛ ra, á i ji-a de Kirinŋ wɔ nɔɔri ki ru.

Timote (1) 1:11

Niŋ kalinŋ sɔbɛ ki i po-a Shɔɔrintiŋ Kirinŋ wɔ Wulujii nɔɔritiŋ ki ru, Kirinŋ ninwɔ̀ biye-i míŋ gbɛsun.

Tite 2:13

ŋì i yi tu niŋ ŋununadibi jibi ki sunsuu-ra, ninwɔ̀ i Sotiŋ Kirinŋ, yibɛɛ Mwutɔnŋ Yesu Kirisa wɔ nɔɔri ki i.

Iburu kiri 1:3

Niŋ Danshuru ki i Kirinŋ nɔɔri ki sarinŋ ki i, a ŋi ntiŋ ja, miŋ Kirinŋ ja-i. Ntiŋ wɔ wulu barakamaan ki i juniɲa ciiru finŋ kiri bataa pa tu-a arì ta ru. Ntiŋ konaŋ kiri wɔ bijɛ kiri wu san kɔ-i kí ra waarinŋ wɔ̀ ru, ntiŋ tunpa tiri-i sɔɔ Sobataatiŋ Kirinŋ ki pantɛ kirinpɔli ki ra.

Iburu kiri 6:4

Nwɔ̀ri Kirinŋ wɔ manisarinŋ ki kila ja-i kɔ, kí i ǹʼwɔ kafinŋ ki nɛɛ, kí i ji Ɲiniwɔlinŋ ki kila,

Pyɛɛri (2) 1:19

Niŋ ki ra, Kirinŋ wɔ cintɔnŋ kiri wulu wɔ̀ri bi-i, yibɛɛ bili-i yìrì ra. Á á ɲakili tu nini na, sabu kɔ́ɔ́ wulu kiri i miŋ tu lanpaŋ, nwɔ̀ i sarinŋ po-a mancinŋ nu, fɔ ŋì i ta so sisarimantɔnŋ ki sun, sisɔli sun sɔriniŋ ki i na sarinŋ po ábɛɛ ciiru.

Yuhana (1) 2:11

Nka konwɔtiŋ a tindaŋ ki bikwɔ-i a sun, nintiŋ i mancinŋ ki ru, ntiŋ i tiri-ri mancinŋ nu, ntiŋ a tamaŋ tɔ-a kì, sabu mancinŋ ki ntiŋ ɲaanfwuu-u.

Yuhana (1) 2:8

Niŋ fa a fɔn na, cinŋ ŋunaŋ yɛ, míŋ i nwɔ̀ sɛbɛ wɔri tiri-ra ábɛɛ tɛ. Ǹʼŋunanbi ki ja-i Yesu ra, ŋì i ji ja ábɛɛ ra sɛbɛ, sabu mancinŋ ki i tiri-ra, manisarinŋ ki i ji cucu-a kɔ.

Yuhana (1) 5:19

Yibɛɛ kɔniŋ ǹʼtɔ-i tu yibɛɛ Kirinŋ wɔ konanbi ki i, tu juniɲa ki bataa i ji shitaanni wɔ so ki fɛ.