Korɛntitɔnŋ kiri (2) 4:3 - Jɔ Biibili ki

³ Niŋ fa a fɔn na, yibɛɛ i Wulujii wɔ̀ sunjo-a, a niŋ kɔri ki radumaan ji faa ǹʼbɛɛ ri sun, nini i kpeeri i, nwɔ̀ri i fɔni saa ki sun.

Korɛntitɔnŋ kiri (2) 4:3 ပူးပေါင်းရင်းမြစ်များ

Matiyu 11:25

Niŋ waarinŋ ki ru, Yesu tu : « Míŋ Tiŋ, ábɛɛ wɔ̀ i kirinpɔli ki fa pwɔkulinŋ ki sun Ŋuntiŋ ki i, míŋ i baraka bi-a ábɛɛ tɛ, sabu ábɛɛ bi wɔ̀ri radu-i, ɲakilitiŋ kiri fa bitɔtɔnŋ kiri sun, ábɛɛ nini ji-i koŋ pyaanŋ kiri wu.

Ɔrɔmutɔnŋ kiri 2:16

Ŋì i kɛɲɛ mɔ́ɔ́n Wulujii sunjomaan ki wu ábɛɛ tɛ, niŋ bataa ra na ja jibi bɛɛ. Niŋ shikaŋ, Kirinŋ a na kiti ki kwuru Yesu Kirisa gbɛɛra, ŋì i ǹʼkɛɲɛ konaŋ kiri ciiru bi radumaan kiri wu.

Korɛntitɔnŋ kiri (1) 1:18

A kpinkpisuu ki wulu ji bi-a waarinŋ wɔ̀ ru, niŋ i ji-a julu la wulu kpeeri gbɛ, nwɔ̀ri i fɔni saa ki sun, nka yibɛɛ wɔ̀ri i mwu saa ki sun, yibɛɛ i Kirinŋ wɔ Sotinbi ki ja-a niŋ wulu ki ru.

Korɛntitɔnŋ kiri (1) 2:6

Nka nwɔ̀ri tiri-i jɛŋ bilinabi ki ru kɔ, yibɔɔ waajulu ki i ɲakilitinbi i nini ɲaanna. Niŋ ɲakilitinbi ki fa juniɲa wɔ ki tenŋ i kì, ǹʼdumiŋ fa ka juniɲa ka ŋununtiŋ kiri wɔ ki tenŋ i sɛbɛ kì, niŋ ŋununtiŋ kiri bataa i kɔ-a.

Korɛntitɔnŋ kiri (2) 2:12

Míŋ so-i Torohasi kili ki ra Kirisa wɔ Wulujii ki sunjorama ki wu waarinŋ wɔ̀ ru, míŋ i ǹʼja-i ńʼtu Ŋuntiŋ ki saa rawwulu míŋ jɛŋ niŋ cinŋ ki bira.

Korɛntitɔnŋ kiri (2) 3:14

Isirayɛlidaŋ kiri ciiru ɲakili kiri furu-i. Hali jiŋ, a kí ji Tɔnwɔri Bwuumaan ki sɛbɛ kiri kali-la, ǹʼyɔ ji-a miŋ tu kí juulinŋ la kí ɲaanna, kí yìrì ɲaantɔ-a kì. Kí so niŋ juulinŋ ki san-i arì ɲaannu sun kì, sabu niŋ juulinŋ ki i so-a san-i koŋ ɲaannu Kirisa bantenŋ na.

Korɛntitɔnŋ kiri (2) 4:4

Niŋ koŋ kiri bili-la Kirinŋ na kì, sabu ka juniɲa ka ŋununtiŋ ki, ninwɔ̀ i shitaanni ki i, ninki kí ciiru ɲakili kiri rala-i, nwɔma kí fa Kirinŋ wɔ Wulujii ki sarinŋ ki ja kì, niŋ Wulujii ki wɔ̀ i Kirisa nɔɔri ki ji-a, ninwɔ̀ i Kirinŋ ɲaan ki ji-a.

Tesalonikitɔnŋ kiri (1) 1:5

Yibɛɛ Kirinŋ wɔ Wulujii wɔ̀ bi-i ábɛɛ tɛ, niŋ ji tɔnŋ na wulu bantenŋ i kì, Ɲiniwɔlinŋ ki wɔ sotinbi ki wuru ǹʼnu, ninwɔ̀ wuru ǹʼji-a tu sii ǹʼna ǹʼnu kì. Yibɛɛ tiri-i ábɛɛ kanfɛ ɲaan wɔ̀ tɛ, nwɔma ábɔɔ i shɔ, ábɛɛ yɛrima kiri niŋ ja-i.

Timote (1) 1:11

Niŋ kalinŋ sɔbɛ ki i po-a Shɔɔrintiŋ Kirinŋ wɔ Wulujii nɔɔritiŋ ki ru, Kirinŋ ninwɔ̀ biye-i míŋ gbɛsun.