Korɛntitɔnŋ kiri (2) 4:2 - Jɔ Biibili ki

² Konaŋ kiri i arì ɲaankwunbi wɔ̀ri fa arɔɔ bi kulinŋ wɔ̀ri radu-a, yibɛɛ nini bishi ri ma-a kì. Yibɛɛ koŋ sunnɛɛn kì. Yi dumiŋ Kirinŋ wɔ wulu ki rapwulu-la kì. Nka yibɛɛ i sɛli ki fɔɔ bi-a Kirinŋ ɲaanfɛ, nwɔma koŋ bataa i ǹʼtɔ tu yibɔɔ wulu ki sɛli i.

Korɛntitɔnŋ kiri (2) 4:2 ပူးပေါင်းရင်းမြစ်များ

Ɔrɔmutɔnŋ kiri 1:16

Míŋ ɲaankwun-a Wulujii ki wu kì, sabu Kirinŋ wɔ sotinbi ki yɛ. Nwɔ̀ri bili-i ǹʼna, ŋì i nini mwu-a niŋ sotinbi ki baraka ra, ŋì i tɔnpa Yawutu kiri sun, nini kɔɔtɛ, ŋì i so shiya pyɛ kiri sun.

Ɔrɔmutɔnŋ kiri 6:21

Ábɛɛ nafan danwɔ kila niŋ mabi kulinŋ kiri ru? Niŋ bi wɔ̀ri i ábɛɛ ɲaankwun-a jiŋ, sabu yìrì i na-a beŋ ki wu.

Korɛntitɔnŋ kiri (1) 4:5

Niŋ ki ra, á fa á ciirukwulu á i kiti ki fɛɛn koŋ sun ǹʼwaaci ki sobali i kì, á ncusun Ŋuntiŋ ki na. Finŋ woo finŋ nadu-i, ŋì a na nini bataa po taanna, niŋ fa ŋì i na konaŋ ciiru bi radumaan kiri po ji. Niŋ shikaŋ, konwɔtiŋ fa gbɛbi wɔ̀ kakan-i ntiŋ a niŋ kila Kirinŋ gbɛ.

Korɛntitɔnŋ kiri (2) 1:12

Yibɛɛ ra so yi yɛri ragbɛ-i bi wɔ̀ wu, niŋ i kaa : yibɛɛ tirika ki ábɛɛ kanfɛ niŋ fa mani bataa ru, yibɛɛ cirasun tu yibɛɛ niŋ ma ciirufɔɔbi niŋ fa sɛli ki wu Kirinŋ ɲaanfɛ, ninwɔ̀ po konanmini wɔ ɲakilitinbi ru kì, fɔ Kirinŋ wɔ shɔɔrinŋ ki baraka ra.

Korɛntitɔnŋ kiri (2) 11:3

Nka miŋ tu Awa ncusun-i myɛɛn ki i a fɔni awɔ daalinŋ ki wu ɲaan wɔ̀ tɛ, míŋ i kɛni-na, ńʼtu ábɛɛ fa na ncusun mìŋ ɲaan ki tɛ, ábɛɛ ɲakili kiri i rapwulu san áwɔ tirika shɔɔrinŋ ka fa áwɔ fɔɔbi ka sun Yesu Kirisa wɔ saa ki fan kì.

Korɛntitɔnŋ kiri (2) 11:6

Hali míŋ ji so-a wulu bimaanna ki gbɛ kí sali kì, nwɔ̀ i bitɔbi ki i, yibɛɛ niŋ ji-i ábɛɛ wu finŋ bataa ra, niŋ fa ɲaan ki bataa tɛ.

Korɛntitɔnŋ kiri (2) 2:17

Koŋ mwɔɔnna i Kirinŋ wɔ wulu ki rapwulu-la, kí i ǹʼnu jɔɔ tan-ni, yibɛɛ kɔniŋ miŋ tu nini kì. Kirinŋ yibɛɛ cin-i, yibɛɛ i wulu ki bi-a fɔɔbi wu ǹʼɲaanfɛ Kirisa baraka ra.

Korɛntitɔnŋ kiri (2) 5:11

Yibɛɛ i kɛni-na Ŋuntiŋ ki jɛŋ, niŋ ki ra, yibɛɛ konaŋ ki racin-ni ɲaan ki fɔn tɛ, nwɔma kí i ji Kirinŋ wɔ wulu ki tɛ. Kirinŋ i yibɛɛ ɲaan ki bataa tɔ-a, míŋ fani ɲakilila tu ábɛɛ yɛrima kiri yibɛɛ tɔ-a á ciiru nmaŋ, mìŋ ɲaan ki tɛ sɛbɛ.

Korɛntitɔnŋ kiri (2) 6:8

Konaŋ kiri bɛɛ ri i yibɛɛ gbɛ-a, ǹʼtɔri ri i yi rufyɛ-ri. Ǹʼbɛɛ ri i yi tɔ jɛ bi-a, ǹʼtɔri i yi tɔ shɔɔrinŋ bi-ri sɛbɛ, niŋ tɔri ǹʼtɔri san-a yibɛɛ ra kì. Ǹʼbɛɛ ri tu yibɛɛ konaŋ ni sunnɛɛn-na, nka yibɛɛ dumiŋ i ji sɛli ki sun.

Korɛntitɔnŋ kiri (2) 7:14

Míŋ ábɛɛ tɔ shɔɔrinŋ bi wuru ntiŋ tɛ kɔ, míŋ ŋununfɛshi kila-i niŋ nu. Yibɛɛ finŋ woo finŋ bi-i ábɛɛ tɛ, niŋ bataa i sɛli i. Mìŋ ɲaan tenŋ ki tɛ, yibɛɛ wulu finŋ woo finŋ bi-i Tite tɛ ábɛɛ bi sun, nini bataa ji-i sɛli i.

Efɛsitɔnŋ kiri 4:14

Niŋ na, yibɛɛ ra tu tiraŋ ni i kili kì. Koŋ wɔ̀ri i konaŋ kiri sunnɛɛn-na puru kiri fa namarinŋ wulu kiri wu, nini a so yibɛɛ curu san-i saa shɔɔrinŋ ki sun kì, kí i yi i fifa de-ri kɛlinŋ ki fɔn tɛ kì, miŋ tu ju fa faa i buŋ curu-ra ɲaan wɔ̀ tɛ.

Efɛsitɔnŋ kiri 5:12

Sabu niŋ koŋ kiri i bi wɔ̀ri ma-a radu ru, hali niŋ bi kiri rakali ki i ɲaankwunŋ i.