Korɛntitɔnŋ kiri (2) 3:9 - Jɔ Biibili ki

⁹ Sii ǹʼna ǹʼnu kì, saa wɔ̀ i Kirinŋ wɔ kiti ki fɛɛn-na koŋ sun, a nɔɔri ji wuru niŋ na, saa wɔ̀ i koŋ ji-a koŋ telimaan a Kirinŋ ɲaanfɛ, niŋ nɔɔri ki a fwuu niŋ sun haali.

Korɛntitɔnŋ kiri (2) 3:9 ပူးပေါင်းရင်းမြစ်များ

Ɔrɔmutɔnŋ kiri 4:11

Niŋ sɔɔpeefɛmaanna ki ji-i taanshɛ ɛ Aburahamu ra, nwɔ̀ ǹʼji-i tu Kirinŋ ntiŋ ji koŋ telimaan a a ɲaanfɛ, bilinabi ki baraka ra, niŋ i fa ntiŋ sɔɔ-ri peefɛ sun kì. Niŋ ɲaan ki tɛ, koŋ finŋ woo finŋ bili-i Kirinŋ na, hali kí ji sɔɔpeefɛ kì, Aburahamu i ji nini bataa tiŋ i. Kíbɛɛ bataa wɔ bilinabi ki shɛɛli-i telibi i Kirinŋ gbɛ.

Korɛntitɔnŋ kiri (1) 1:30

Nka Kirinŋ baraka ra ábɛɛ fa Yesu Kirisa i tenŋ i. Kirinŋ Kirisa ji-i yibɛɛ fa ábɔɔ ɲakilitinbi ki fa yɔɔ telibi ki i. Kirinŋ i yibɛɛ ji-a koŋ fɔɔmaan ni i a ɲaanfɛ, ŋì i yi ji awɔ konanbi i, ŋì i yi mwu san-ni bijɛ ki wu Kirisa bira,

Korɛntitɔnŋ kiri (1) 15:41

Sunŋ ki sarinŋ ki fa ɲɛ ki wɔ ki po kì, sɔriniŋ ki sarinŋ ki i ji ɲaan tɔri tɛ. Hali sɔriniŋ kiri sarinŋ kiri gbɛ-i arìmaŋ wu.

Korɛntitɔnŋ kiri (2) 3:8

Niŋ na, a sariya ki nɔɔri ki ji niŋ ma, Ɲiniwɔlinŋ ki wɔ baara ki nɔɔri ki a gbɛ niŋ wu kì wa?

Korɛntitɔnŋ kiri (2) 5:21

Kirisa wɔ̀ ki bijɛ ma kì, Kirinŋ awɔ kiti ki fɛɛn ninki sun yibɛɛ bijɛmatɔnŋ kiri ta ru, nwɔma yi i ji koŋ telimaan ni i a ɲaanfɛ Kirisa bira.

Galasitɔnŋ kiri 3:10

Koŋ finŋ woo finŋ Musa wɔ sariya ki ji-i a gbɛbilimaŋ i, ǹʼyɔ niŋ bataa danka-a, sabu ǹʼbi-i Kirinŋ wɔ wulu ki ru tu : « Koŋ finŋ woo finŋ sariya ki bataa gbɛ-a kì, nintiŋ danka-i. »

Filipitɔnŋ kiri 3:9

niŋ fa míŋ fa ntiŋ i ji yimaŋ fan. Míŋ ńʼwɔ telibi ki ceeli-la ńʼwɔ sariya ki rasɔɔ ki baraka ra kili kì, nka míŋ i ǹʼkila-a, sabu míŋ bili-i Kirisa ra. Niŋ telibi ki i po-a Kirinŋ yɛrima ki ru, sabu míŋ bili-i ǹʼna.

Pyɛɛri (2) 1:1

Míŋ Simɔŋ Pyɛɛri, Yesu Kirisa tɛ baara matɔnŋ, niŋ fa ntiŋ wɔ cindaŋ, míŋ i ka sɛbɛ ka cin ta-a ńʼkaashi bilinatɔnŋ kiri tɛ, nini wɔ̀ri fa yibɛɛ lu kila-i bilinabi sɔbɛ ki ru, Yesu Kirisa wɔ telibi ki bira, ninwɔ̀ i yibɔɔ Kirinŋ ki fa yi Mwutɔnŋ ki i.