Korɛntitɔnŋ kiri (2) 3:8 - Jɔ Biibili ki

⁸ Niŋ na, a sariya ki nɔɔri ki ji niŋ ma, Ɲiniwɔlinŋ ki wɔ baara ki nɔɔri ki a gbɛ niŋ wu kì wa?

Korɛntitɔnŋ kiri (2) 3:8 ပူးပေါင်းရင်းမြစ်များ

Yuhana 1:17

Kirinŋ sariya ki wɔri-i yibɛɛ tɛ Musa gbɛ, nka ŋì shɔɔrinŋ ki fa sɛli ki wɔri-i yibɛɛ tɛ Yesu Kirisa gbɛ.

Yuhana 7:39

(Koŋ wɔ̀ri ra na bili Yesu ra, nini i a Ɲiniwɔlinŋ wɔ̀ kila, ntiŋ wuru ninki wulu bi-a. Niŋ waari ru, Ɲiniwɔlinŋ ki wɔri-ri sun kì, sabu Yesu de-ri awɔ nɔɔri ki ru sun kì.)

Korɛntitɔnŋ kiri (1) 3:16

Ábɛɛ ǹʼtɔ tu ábɛɛ Kirinfusinaŋ ki i, niŋ fa tu Kirinŋ Ɲini ki sɔɔ ábɛɛ ciiru kì wa?

Korɛntitɔnŋ kiri (2) 11:4

Míŋ ǹʼja-i tu ábɛɛ ncusun koŋ tɔri ri i na-ni Yesu wulu ki bi-ri ábɛɛ tɛ ɲaan tɔri tɛ, nwɔ̀ fa yibɔɔ wulu bimaan ki po kì. Ábɛɛ i á tɔɔn cu-ri nini wɔ wulu kiri tɛ ncinŋ. Ŋì i ǹʼja tu kí ta Ɲiniwɔlinŋ ki wulubi á tɛ ɲaan tɔri tɛ, nwɔ̀ fa yibɔɔ wulu bimaan ki tenŋ i kì, niŋ fa kí i Wulujii ki rapwulu bi á tɛ ɲaan tɔri tɛ, nwɔ̀ fa yibɔɔ bimaan ki tenŋ i kì, ábɛɛ i ji nini tɛ.

Korɛntitɔnŋ kiri (2) 3:17

Á ǹʼtɔ tu yibɛɛ i Ŋuntiŋ wɔ̀ wulubi-a kwumaŋ, tu Ɲiniwɔlinŋ ki i. Ŋuntiŋ ki ɲini ki i mani wɔ̀ ru, konaŋ kiri i arì yɛri wɔ ri niŋ mani nu.

Korɛntitɔnŋ kiri (2) 3:6

Sabu mìnki baraka wɔri-i yibɛɛ tɛ, yi i ji tɔnwɔri ŋunaŋ ki ru baara matiiri i, niŋ tɔnwɔri ki cɛ sɔɔ sariya sɛbɛmaan sun kì, nka ǹʼcɛ ki sɔɔ Ɲiniwɔlinŋ ki sun, sabu sariya sɛbɛmaan ki i na-a beŋ wu, nka Ɲiniwɔlinŋ ki i ɲaninkulutɔnbi ki wɔri-ra koŋ tɛ.

Korɛntitɔnŋ kiri (2) 3:7

Sɛli yɛ, sariya wɔ̀ i beŋ ki so-a koŋ sun, Kirinŋ niŋ sɛbɛ wuru faa buaŋ ni sun. Niŋ fa a fɔn na, nɔɔri wuru ǹʼnu, fɔ Isirayɛlidaŋ kiri wuru so-a Kirinŋ wɔ cintɔnŋ Musa shɛɛli-i a ɲaannu kì, nka niŋ nɔɔri ki wuru cin wɔ kì.

Korɛntitɔnŋ kiri (2) 3:9

Sii ǹʼna ǹʼnu kì, saa wɔ̀ i Kirinŋ wɔ kiti ki fɛɛn-na koŋ sun, a nɔɔri ji wuru niŋ na, saa wɔ̀ i koŋ ji-a koŋ telimaan a Kirinŋ ɲaanfɛ, niŋ nɔɔri ki a fwuu niŋ sun haali.

Galasitɔnŋ kiri 3:14

Kirisa ǹʼma-i ninkunŋ, nwɔma Aburahamu Kirinŋ wɔ shɔɔrinŋ wɔ̀ kila-i, niŋ i so shiya tɔri kiri bataa sun Yesu Kirisa baraka ra, yi i Ɲiniwɔlinŋ ki kila, Kirinŋ ninwɔ̀ tɔnŋ wɔri-i yibɛɛ tɛ bilinabi ki baraka ra.

Galasitɔnŋ kiri 5:5

Nwɔ̀ i yibɛɛ, yibɛɛ bili-i ǹʼna tu yibɛɛ ra ji koŋ telimaan ni i Kirinŋ ɲaanfɛ bilinabi ki baraka ra. Yibɛɛ i ninki sunsuu-ra Ɲiniwɔlinŋ ki wɔ sotinbi ki baraka ra.

Efɛsitɔnŋ kiri 2:18

Sabu Kirisa bira, yibɛɛ bataa tenŋ tenŋ a so so-i yi Tiŋ Kirinŋ tɛ, Ɲiniwɔlinŋ tenŋ baraka ra.

Tesalonikitɔnŋ kiri (2) 2:13

Míŋ tindaŋ ni, yibɛɛ kɔniŋ kakan-i yi i coolinŋ wɔri-ri Kirinŋ tɛ waarinŋ bataa ru ábɛɛ bira, Ŋuntiŋ ki ábɛɛ wɔ̀ri bidi-i a tɛ, sabu Kirinŋ ábɛɛ ɲaannashi-i kabi fɔlɔfɔlɔ, nwɔma a i á mwu Ɲiniwɔlinŋ ki wɔ sotinbi ki baraka ra, ninwɔ̀ ábɛɛ wu fɔɔ-ɔ áwɔ bilinabi ki bira sɛli ki ra.

Pyɛɛri (1) 1:2

Tiŋ Kirinŋ ábɛɛ ɲaannashi-i kabi fɔlɔfɔlɔ, ŋì i kɛɲɛ awɔ bi gbɛbilika ɲaan ki wu, ŋì i á ji koŋ wu fɔɔmaan ni i Ɲiniwɔlinŋ ki baraka ra, nwɔma ábɛɛ i Yesu Kirisa wulu pa, ǹʼcunŋ kɔnkɔlimaan ki i á wu. Kirinŋ shɔɔrinŋ ma á tɛ, ŋì i ɲaanfɛfili wɔri á tɛ ǹʼmwɔɔnna!