Korɛntitɔnŋ kiri (2) 3:7 - Jɔ Biibili ki

⁷ Sɛli yɛ, sariya wɔ̀ i beŋ ki so-a koŋ sun, Kirinŋ niŋ sɛbɛ wuru faa buaŋ ni sun. Niŋ fa a fɔn na, nɔɔri wuru ǹʼnu, fɔ Isirayɛlidaŋ kiri wuru so-a Kirinŋ wɔ cintɔnŋ Musa shɛɛli-i a ɲaannu kì, nka niŋ nɔɔri ki wuru cin wɔ kì.

Korɛntitɔnŋ kiri (2) 3:7 ပူးပေါင်းရင်းမြစ်များ

Mabikiri 6:15

Konaŋ wɔ̀ri wuru kitikwurumaŋ ki ru, nini bataa i Ecɛni shɛɛli-li a ɲaanfɛ, kí i ǹʼja tu ntiŋ ɲaanfɛ ki miŋ tu mɛlɛkɛn ɲaanfɛ.

Ɔrɔmutɔnŋ kiri 10:4

Sariya ki i rakɔ-a Kirisa wu, nwɔma konwɔtiŋ bili ntiŋ na, Kirinŋ i nintiŋ shɛɛli koŋ telimaan a.

Ɔrɔmutɔnŋ kiri 4:15

Sɛli ki ra, sariya ki i na-a Kirinŋ wɔ tɔnkwulu ki wu. Sariya sɔɔmaan mani wɔ̀ ru kì, sariya li wulu bi-a niŋ mani nu sɛbɛ kì.

Ɔrɔmutɔnŋ kiri 5:20

Sariya ki na-i, nwɔma konaŋ kiri i arɔɔ bijɛ ki mwɔka ki ja. Bijɛ ki mwɔ-i mani wɔ̀ ru, Kirinŋ wɔ shɔɔrinŋ ki ba bo-i mìŋ mani ki ru,

Ɔrɔmutɔnŋ kiri 7:10

niŋ ɲaan ki tɛ, míŋ i beeni. Kirinŋ sariya wɔ̀ wɔri wuru-i, nwɔma míŋ ɲaninkulutɔnŋ i tu, niŋ ji-i míŋ kilɛn wɔ.

Ɔrɔmutɔnŋ kiri 7:22

Kirinŋ wɔ sariya ki i míŋ tɔnnabi i, ǹʼdi-i míŋ tɛ haali.

Ɔrɔmutɔnŋ kiri 7:5

Sɛli ki ra, yibɛɛ wuru tiri kɛɲɛ-a yi yɛri dintɛ bi ki wu waaci wɔ̀ ru, sariya ki firi ki dintɛ bi jɛ wɔ̀ri bo-i yibɛɛ ciiru, nini wuru baara ma-a yibɛɛ firi ki mani kiri wu, yìrì i yibɛɛ bo bi ri ma sun, nwɔ̀ri i beŋ ki so-a yibɛɛ sun.

Korɛntitɔnŋ kiri (1) 13:10

Nka a bi rafaamaan ki ja na waarinŋ wɔ̀ ru, bi rafaabali kiri ra kɔ.

Korɛntitɔnŋ kiri (2) 3:3

Sɛli ki ra, ábɛɛ i miŋ tu Kirisa yɛrima ki wɔ sɛbɛ tanmaan ni, ŋì i wɔri na yibɛɛ gbɛɛra. Niŋ sɛbɛ ki tan dabaju ra kì, nka ǹʼtan-i Kirinŋ ɲaninkulutɔnŋ ki ɲini ki wu. Ǹʼsɛbɛmaan a faa buaŋ ni sun kì, nka ǹʼsɛbɛ-i konanmini ciiru tɔnŋ ki sun.

Korɛntitɔnŋ kiri (2) 3:6

Sabu mìnki baraka wɔri-i yibɛɛ tɛ, yi i ji tɔnwɔri ŋunaŋ ki ru baara matiiri i, niŋ tɔnwɔri ki cɛ sɔɔ sariya sɛbɛmaan sun kì, nka ǹʼcɛ ki sɔɔ Ɲiniwɔlinŋ ki sun, sabu sariya sɛbɛmaan ki i na-a beŋ wu, nka Ɲiniwɔlinŋ ki i ɲaninkulutɔnbi ki wɔri-ra koŋ tɛ.

Korɛntitɔnŋ kiri (2) 3:8

Niŋ na, a sariya ki nɔɔri ki ji niŋ ma, Ɲiniwɔlinŋ ki wɔ baara ki nɔɔri ki a gbɛ niŋ wu kì wa?

Galasitɔnŋ kiri 3:10

Koŋ finŋ woo finŋ Musa wɔ sariya ki ji-i a gbɛbilimaŋ i, ǹʼyɔ niŋ bataa danka-a, sabu ǹʼbi-i Kirinŋ wɔ wulu ki ru tu : « Koŋ finŋ woo finŋ sariya ki bataa gbɛ-a kì, nintiŋ danka-i. »

Galasitɔnŋ kiri 3:21

Niŋ na, sariya ki i Kirinŋ wɔ tɔnwɔri ki sɔsɔ-a wa? Aayi! A niŋ ji-i kì, a sariya ji wuru wɔri-ri, nwɔ̀ a so konaŋ mwu-i, konaŋ wuru-ra so ji-i koŋ telimaan a sariya ki baraka ra Kirinŋ ɲaanfɛ.

Iburu kiri 12:18

Isirayɛlidaŋ kiri arì kpari-i tɔnŋ tɛ, koŋ wuru-ra so myɛ nwɔ̀ ra kì. Ábɛɛ á kpari niŋ bishi tɛ kì. Kíbɛɛ tuu sinaŋ fa mancinŋ fa kirinmini ja-i, kí i kirinfaa sinaŋ shinwulu lama, kí i bwuru fyɛ wulu li fa fali wulu sinaŋ ni nama. Kíbɛɛ nini nama-i waarinŋ wɔ̀ ru, kí bataa i kɛni, kí tu wulu fa bi arì tɛ kili kì.

Iburu kiri 3:3

Nka Yesu fa gbɛbi kakan-i ŋì i fwuu Musa sun, miŋ tu fu ki tantɔnŋ ki i gbɛbi kila-a, ŋì i fwuu fu ki yɛrima ki sun ɲaan wɔ̀ tɛ.

Iburu kiri 9:4

Kinidifinŋ ŋɔnimaŋ wɔ̀ ramɔni wuru sɛniŋ na, niŋ wuru niŋ fudaŋ fuluntɔnŋ ki ru, niŋ fa tɔnwɔri ki taanmashɛ kiri wuru kɛsu wɔ̀ ru. Sɛniŋ daki wuru niŋ kɛsu ki mani ki bataa sun. Niŋ kɛsu ki ciiru, duŋ bɛɛ wuru nmaŋ, ninwɔ̀ ramɔni wuru sɛniŋ na, maannɛ i ji ǹʼna. Aruna wɔ bali ki cɔmaan i ji nmaŋ, ŋì i bo Kirinŋ wɔ tɔnwɔri ki faa buaŋ kiri sun.