Korɛntitɔnŋ kiri (2) 3:5 - Jɔ Biibili ki

⁵ Ŋì i miŋ tu sotinbi yibɛɛ gbɛ yi i bi bɛɛ ma yi yɛrɛtɛ kì, nka yibɔɔ baraka ki i po-a Kirinŋ gbɛ.

Korɛntitɔnŋ kiri (2) 3:5 ပူးပေါင်းရင်းမြစ်များ

Luki 21:15

Sabu míŋ yɛri ki a na ɲakilitinbi wulu de ábɛɛ daru, nwɔ̀ a ji sababu, koŋ a so ábɔɔ wulu ki rupwulu-i walima ntiŋ i ǹʼsɔsɔ kì.

Luki 24:49

Míŋ Tiŋ ki a tɔnŋ wɔri-i ábɛɛ tɛ nwɔ̀ bira, míŋ a niŋ bo na ábɛɛ sun. Nka nwɔ̀ i ábɛɛ, á tu kili ka ra sun, nwɔ̀ i Yerusalɛmu, fɔ á i faa sotinbi ki ra, ŋì i po Kirinŋ gbɛ cuunŋ. »

Yuhana 15:5

Ntiŋ tu : « Míŋ i ɛrɛnsɛnŋ jirinŋ ki i, ábɛɛ i ji ǹʼgbɛrinŋ kiri i. Konwɔtiŋ da tu-i míŋ na, míŋ i tu ntiŋ fan, nintiŋ a daŋ pa ǹʼmwɔɔnna. Sabu ábɛɛ ra so finŋ tɔri tenŋ ma-i míŋ kɔɔtɛ kì.

Ɔrɔmutɔnŋ kiri 15:18

Yesu Kirisa nwɔ̀ ki ma-i míŋ gbɛfɛ, nwɔma shiya kiri i Kirinŋ gbɛ, a míŋ ji-a wulubi, míŋ a wulubi nini bantenŋ bi sun. Ŋì nini ma-i míŋ wulu fa ńʼmabi ri wu,

Korɛntitɔnŋ kiri (1) 15:10

Míŋ i nwɔ̀ jiŋ, míŋ i niŋ i, Kirinŋ wɔ shɔɔrinŋ ki baraka ra. Kirinŋ shɔɔrinŋ wɔ̀ ma-i míŋ tɛ, niŋ ji bi tawɔ ɔ kì, sabu míŋ baara ma-i ŋí i fwuu cindaŋ pyɛ kiri bataa sun. Nka míŋ yɛrima ki niŋ ma ńʼyɛri ki faan wu kì dɛ! Kirinŋ shɔɔrinŋ wɔ̀ ki ma-i míŋ tɛ, niŋ faan ki ǹʼma-i.

Korɛntitɔnŋ kiri (1) 3:10

Míŋ fu ki cɛ ki sɔɔ-ɔ, ŋì i kɛɲɛ míŋ kafinŋ ki wu Kirinŋ gbɛ miŋ tu fu tantɔnŋ ɲakilitiŋ, niŋ kɔɔtɛ, koŋ tɔri i na fu ki tan tunpa niŋ fu cɛ sɔɔmaan ki sun. Nka koŋ finŋ woo finŋ i fu ki tan tunpa-a niŋ fu cɛ sɔɔmaan ki sun, tu koŋ fɔn tenŋ tenŋ awɔ tanka ki cɔye.

Korɛntitɔnŋ kiri (1) 3:6

Míŋ finŋ ki firi-i, Apolɔsi i ǹʼju ki bo, nka Kirinŋ i ǹʼfali.

Korɛntitɔnŋ kiri (2) 12:9

Nka ŋì i ǹʼnupwulu tu : « Mɔ́ɔ́n shɔɔrinŋ ki a miŋ po, sabu mɔ́ɔ́n sotinbi ki i ja-a mɔɔn baraka kurubi ki ru. » Niŋ ki ra, ǹʼdi-i míŋ tɛ ŋí i ńʼyɛri ragbɛ-ri ńʼwɔ baraka kurubi ki wu, nwɔma Kirisa wɔ sotinbi ki i tu ńʼsun.

Korɛntitɔnŋ kiri (2) 2:16

Nwɔ̀ri i fɔni saa ki fan, niŋ kini ki i kini jɛ ɛ, ŋì i kí bo-ri beŋ nu. Nka nwɔ̀ri i mwu saa ki fan, kini jii yɛ, ŋì i ɲaninkulutɔnbi kɔbali ki wɔri-ri kí tɛ. Dɔɔ, nkɛnŋ a so niŋ cinŋ ki maka shɔ-i sa?

Korɛntitɔnŋ kiri (2) 4:7

Nka niŋ nafulu sinaŋ ki i yibɛɛ gbɛ, yibɛɛ wɔ̀ri baraka rakuru-i miŋ tu jɔduŋ, nwɔma konaŋ kiri i ǹʼtɔ tu niŋ sotinbi sinaŋ ki po-a yibɛɛ ru kì, nka tu ŋì po-a Kirinŋ gbɛ.

Filipitɔnŋ kiri 2:13

Sabu Kirinŋ yɛrima ki i faan ki wɔri-ra ábɛɛ tɛ, á i so á tu-i, niŋ fa á i so kila, á i ǹʼdintɛ bi ki ma-ni.

Filipitɔnŋ kiri 4:13

Míŋ i so-a bi bataa ra Kirisa bira, ninwɔ̀ i so ki wɔri-ra míŋ tɛ.

Timote (2) 2:2

Miŋ wulu wɔ̀ri sunjorama rama-i míŋ tɔnŋ na shɛɛri mwɔɔnna ɲaanna, nini biye bilinakpeeri gbɛsun, nwɔ̀ri ra so koŋ tɔri ri kini-i yìrì ra sɛbɛ.

Yakuba 1:17

Finŋ shɔɔrinŋ ki fa kafinŋ sɔbɛ ki bataa i yiri-ra cuunŋ, yibɛɛ tiŋ Kirinŋ gbɛ. Tiŋ Kirinŋ ki i manisarinŋ ki potɔnŋ ki i. Ŋì rapwulu san-a a ɲaan tɛ kì, mancinŋ maŋ ǹʼna kì.