Korɛntitɔnŋ kiri (2) 3:3 - Jɔ Biibili ki

³ Sɛli ki ra, ábɛɛ i miŋ tu Kirisa yɛrima ki wɔ sɛbɛ tanmaan ni, ŋì i wɔri na yibɛɛ gbɛɛra. Niŋ sɛbɛ ki tan dabaju ra kì, nka ǹʼtan-i Kirinŋ ɲaninkulutɔnŋ ki ɲini ki wu. Ǹʼsɛbɛmaan a faa buaŋ ni sun kì, nka ǹʼsɛbɛ-i konanmini ciiru tɔnŋ ki sun.

Korɛntitɔnŋ kiri (2) 3:3 ပူးပေါင်းရင်းမြစ်များ

Matiyu 16:16

Simɔŋ wɔ̀ i dɔri-ra tu Pyɛɛri, niŋ tu ntiŋ tɛ : « Ábɛɛ i Kirisa ki i, Kirinŋ ɲaninkulutɔnŋ ki Danshuru ki. »

Korɛntitɔnŋ kiri (1) 3:5

Apolɔsi nkɛnŋ? Míŋ Pooli i ji nkɛnŋ? Yibɛɛ i Kirinŋ wɔ baara matɔnŋ gbansanŋ ni i, nwɔ̀ri ábɛɛ bo-i bilinabi saa ki sun, ŋì i kɛɲɛ Ŋuntiŋ ki wɔ baara wɔrimaan ki wu yibɛɛ fɔn tenŋ tenŋ tɛ.

Korɛntitɔnŋ kiri (2) 3:6

Sabu mìnki baraka wɔri-i yibɛɛ tɛ, yi i ji tɔnwɔri ŋunaŋ ki ru baara matiiri i, niŋ tɔnwɔri ki cɛ sɔɔ sariya sɛbɛmaan sun kì, nka ǹʼcɛ ki sɔɔ Ɲiniwɔlinŋ ki sun, sabu sariya sɛbɛmaan ki i na-a beŋ wu, nka Ɲiniwɔlinŋ ki i ɲaninkulutɔnbi ki wɔri-ra koŋ tɛ.

Korɛntitɔnŋ kiri (2) 3:7

Sɛli yɛ, sariya wɔ̀ i beŋ ki so-a koŋ sun, Kirinŋ niŋ sɛbɛ wuru faa buaŋ ni sun. Niŋ fa a fɔn na, nɔɔri wuru ǹʼnu, fɔ Isirayɛlidaŋ kiri wuru so-a Kirinŋ wɔ cintɔnŋ Musa shɛɛli-i a ɲaannu kì, nka niŋ nɔɔri ki wuru cin wɔ kì.

Korɛntitɔnŋ kiri (2) 6:16

Fu danwɔ Kirinfusinaŋ ki fa pɛli kiri faninmwuŋ? Yibɛɛ kiri i Kirinŋ ɲaninkulutɔnŋ ki wɔ fu ki i. Kirinŋ yɛrima ki niŋ bi-i awɔ wulu ki ru tu : « Míŋ a sɔɔ kí faninmwuŋ, ŋí i tiri-ri kí fan míŋ a ji kɔ́ɔ́ Kirinŋ ki i, kí i ji mɔ́ɔ́n konanbi ki i. »

Tesalonikitɔnŋ kiri (1) 1:9

Kí bataa i yibɛɛ ŋununafuka ɲaan ki rakali-la ábɛɛ gbɛ, niŋ fa tu ábɛɛ á kɔɔye áwɔ tanfinŋ bwuumaan kiri ra, tu á i Kirinŋ ɲaninkulutɔnŋ ki gbɛ-ri, ninwɔ̀ i Kirinŋ sɛlɛsɛli ki i.

Iburu kiri 10:16

« Niŋ jibi kiri fwuudemaan ki kɔɔtɛ, míŋ a na tɔnwɔri wɔ̀ de ńʼfa kí faninmwuŋ, niŋ i kaa : Míŋ a na ńʼwɔ sariya kiri bo kí ciiru tɔnŋ kiri ra, ŋí i yìrì sɛbɛ kí ɲakili kiri ra, Ŋuntiŋ ki tu ninkunŋ. »

Iburu kiri 8:10

Ŋuntiŋ ki tu : Niŋ jibi fwuudemaan ki kɔɔtɛ, míŋ a na ńʼtɔnŋ wɔri Isirayɛli konanbi ki tɛ ɲaan wɔ̀ tɛ, niŋ i kaa. Míŋ a na ńʼwɔ sariya kiri bo kí ciiru, ŋí i yìrì sɛbɛ kí ciiru tɔnŋ kiri ra. Míŋ a ji kɔ́ɔ́ Kirinŋ ki i, kí i ji mɔ́ɔ́n konanbi i.

Iburu kiri 9:14

A niŋ ji so ma-i, á ǹʼtɔ tu Kirisa cunŋ ki bijɛ kiri wu-a ŋì i fwuu niŋ bataa sun. Ɲini kɔbali ki baraka ra, ntiŋ i a yɛri wɔri-i saraka rafaamaan a Kirinŋ tɛ, fyɛn nwɔ̀ ra kì. Mabi wɔ̀ri i beŋ ki so-a koŋ sun, ntiŋ cunŋ ki i nini wu san-a yibɛɛ ciiru tɔnŋ kiri ra, nwɔma yi i so baara ma-i Kirinŋ ɲaninkulutɔnŋ ki tɛ.

Jafinŋ ki 2:1

Ntiŋ tu : « Sɛbɛ wɔri ta Efɛsi bilinatɔnŋ kwuru ki wɔ mɛlɛkɛn ki tɛ tu : ‹ Sɔriniŋ jɔnpɔni ki i nwɔ̀tiŋ panŋ gbɛ ru, ŋì i a maanni de-ri sifilɛnduŋ sɛninamaŋ jɔnpɔni ki faninmwuŋ, niŋ tu :

Jafinŋ ki 2:12

Ntiŋ tu : « Sɛbɛ wɔri ta Pɛrigamu bilinatɔnŋ kwuru ki wɔ mɛlɛkɛn ki tɛ tu : ‹ Baamwuru tɔnŋ fuuli tɔnŋ jii ki i nwɔ̀tiŋ gbɛfɛ, niŋ tu :

Jafinŋ ki 2:18

Ntiŋ tu : « Sɛbɛ wɔri ta Tiyatiri bilinatɔnŋ kwuru ki wɔ mɛlɛkɛn ki tɛ tu : ‹  Kirinŋ Danshuru ki, ninwɔ̀ ɲaninaŋ kiri i miŋ tu tuunɛninɛŋ, ǹʼkanŋ kiri i ji miŋ tu daɲa sun cirikimaan ni, niŋ tu :

Jafinŋ ki 2:8

Ntiŋ tu : « Sɛbɛ wɔri ta Simirini bilinatɔnŋ kwuru ki wɔ mɛlɛkɛn ki tɛ tu : ‹ Nwɔ̀ i ǹʼjɔnɔ ki fa ǹʼnakɔɔra ki i, nwɔ̀ beeni wuru-i, ŋì i ŋmɛni, niŋ tu :

Jafinŋ ki 3:1

Ntiŋ tu : « Sɛbɛ wɔri ta Saridisi bilinatɔnŋ kwuru ki wɔ mɛlɛkɛn ki tɛ tu : ‹ Kirinŋ ɲini jɔnpɔni ki fa sɔriniŋ jɔnpɔni ki i nwɔ̀tiŋ gbɛfɛ, niŋ i nwɔ̀ bi-a, niŋ i kaa : Míŋ i miŋ mabi kiri tɔ-a. Tɔ i ǹʼna tu miŋ ɲaninkulutɔnŋ i, niŋ i faa miŋ beenimaan i ji-i.

Jafinŋ ki 3:14

Ntiŋ tu : « Sɛbɛ wɔri ta Lawodise bilinatɔnŋ kwuru ki wɔ mɛlɛkɛn ki tɛ tu : ‹ Nwɔ̀tiŋ tɔ ki i tu Amiina, ninwɔ̀ i shɛɛri telimaan fa dariwulutiŋ i, Kirinŋ wɔ finŋ pomaan kiri bataa cɛtutɔnŋ ki, niŋ tu :

Jafinŋ ki 3:22

Ɲiniwɔlinŋ ki i nwɔ̀ bi-a bilinatɔnŋ kwuru kiri tɛ, tɔɔn i konwɔtiŋ gbɛ, ntiŋ ǹʼnama dɛ! › »

Jafinŋ ki 3:7

Ntiŋ tu : « Sɛbɛ wɔri ta Filadɛlifi bilinatɔnŋ kwuru ki wɔ mɛlɛkɛn ki tɛ tu : ‹  Masa Dawuda wɔ bunaŋ ki i nwɔ̀ gbɛ, wɔlinŋ ki, ninwɔ̀ i dariwulutiŋ i, a nwɔ̀ fu ki rawwulu, koŋ tɔri tenŋ so-a ǹʼnala-i kì, a ŋì ǹʼnala, koŋ tɔri tenŋ so-a ǹʼnawwulu-i kì.