Korɛntitɔnŋ kiri (2) 3:2 - Jɔ Biibili ki

² Ábɛɛ yɛrima kiri i yibɛɛ tɔ shɔɔrinŋ ki sunjo sɛbɛ ki i, ninwɔ̀ sɛbɛ-i yibɛɛ ciiru tɔnŋ kiri ra, koŋ bataa ra so nwɔ̀ tɔ-i, kí i ǹʼkali.

Korɛntitɔnŋ kiri (2) 3:2 ပူးပေါင်းရင်းမြစ်များ

Ɔrɔmutɔnŋ kiri 1:8

Míŋ a ǹʼtɔnpa, ŋí i coolinŋ wɔri ńʼwɔ Kirinŋ ki tɛ Yesu Kirisa baraka ra ábɛɛ bataa bira, sabu ábɔɔ bilinabi ki wulu ki i bi-a juniɲa mani ki bataa ru.

Korɛntitɔnŋ kiri (1) 3:10

Míŋ fu ki cɛ ki sɔɔ-ɔ, ŋì i kɛɲɛ míŋ kafinŋ ki wu Kirinŋ gbɛ miŋ tu fu tantɔnŋ ɲakilitiŋ, niŋ kɔɔtɛ, koŋ tɔri i na fu ki tan tunpa niŋ fu cɛ sɔɔmaan ki sun. Nka koŋ finŋ woo finŋ i fu ki tan tunpa-a niŋ fu cɛ sɔɔmaan ki sun, tu koŋ fɔn tenŋ tenŋ awɔ tanka ki cɔye.

Korɛntitɔnŋ kiri (2) 11:11

Nfɛnŋ na, míŋ i niŋ bi, ábɛɛ ɲaanna tu ábɛɛ bidi míŋ tɛ kì wa? Kirinŋ i ǹʼtɔ-a tu ábɛɛ bidi míŋ tɛ.

Korɛntitɔnŋ kiri (2) 12:15

Finŋ woo finŋ kɔniŋ i míŋ gbɛ, míŋ a ńʼtu ŋí i niŋ bataa wɔri ábɛɛ bira, fɔ ŋì i ta bo ńʼyɛri ŋuniŋ ki sun. Á míŋ ábɛɛ bidi ńʼtɛ niŋ ɲaan ki tɛ, ninki i ǹʼbɛɛ san-a míŋ bidintɛka ki ra ábɛɛ tɛ wa?

Korɛntitɔnŋ kiri (2) 3:1

Dɔnsaŋ, míŋ wulu wɔ̀ri bi-i ábɛɛ tɛ ńʼwɔ sɛbɛ ka ru, á fa npwulu-li tu míŋ i ǹʼtɛ ŋí i yibɛɛ tɔ shɔɔrinŋ bi ábɛɛ tɛ kì dɛ! Miŋ tu ǹʼbɛɛ ri i ǹʼma-a ɲaan wɔ̀ tɛ, a yibɛɛ ji ta-a ábɛɛ tɛ, yibɛɛ maku i ǹʼna yi i ta sɛbɛ tanmaan wu ábɛɛ tɛ, nwɔ̀ i yibɛɛ tɔ shɔɔrinŋ bi-a wa? Aayi! Yibɛɛ maku fani ǹʼna tu ábɛɛ sɛbɛ tan wɔri yibɛɛ tɛ nwɔ̀ a ta ǹʼji koŋ tɔri kiri wu tu yibɛɛ cindaŋ sɛlɛsɛli li kì.

Korɛntitɔnŋ kiri (2) 7:3

Míŋ i ka bi-a ábɛɛ tɛ, ŋí i ǹʼji tu ábɛɛ pɔli kì dɛ! Míŋ ǹʼbi-i ábɛɛ tɛ kɔ ńʼtu ábɛɛ bidi yibɛɛ tɛ haali. Finŋ tɔri tenŋ a so yibɛɛ san-i ábɛɛ ra pwɔkulinŋ ka sun kì, hali beŋ ki a so yibɛɛ fa ábɛɛ san-i yimaŋ na kì.

Filipitɔnŋ kiri 1:7

Sɛli ki ra, míŋ kakan-i ŋí i ńʼmiiri-ri ábɛɛ bataa bira ka ɲaan ka tɛ, sabu ábɛɛ bi ki gbɛ-i míŋ gbɛ kusɛbɛ. Kirinŋ shɔɔrinŋ wɔ̀ ma-i míŋ tɛ, ábɛɛ á so ma-i niŋ bataa ru. Ábɛɛ i niŋ ma-a dɔɔ, ŋì i míŋ tu nkasu ki ru, niŋ fa á i ji ǹʼma-ni waarinŋ wɔ̀ ru, míŋ wuru Wulujii ki sunjo-a, ŋí i ǹʼsɛli ki ji-ri konaŋ kiri wu.

Tesalonikitɔnŋ kiri (1) 1:8

Ŋuntiŋ ki wɔ wulu ki tumaŋ wɔ̀ shi-i ábɛɛ kanfɛ, niŋ nakali wulu ki so-i fɔ Maseduwanɛ niŋ fa Akayi sɔɔta kiri ru, niŋ bantenŋ i kì, ábɛɛ yɛrima kiri bili-i Kirinŋ na ɲaan wɔ̀ tɛ, niŋ bi ki so-i mani ki bataa ru. Niŋ ki ra, wulu yibɛɛ gbɛ yi i ǹʼbi koŋ tɛ ábɛɛ bi sun kili kì.