Korɛntitɔnŋ kiri (2) 2:7 - Jɔ Biibili ki

⁷ Dɔnsaŋ, ábɛɛ kakan-i á i ntiŋ wɔ pɔli ki tu ntiŋ tɛ, á i ntiŋ siratu, nwɔma ntiŋ fa a yɛri tɔnfɔɔka jitan, ntiŋ i a yɛri baraka kɔ kì.

Korɛntitɔnŋ kiri (2) 2:7 ပူးပေါင်းရင်းမြစ်များ

Korɛntitɔnŋ kiri (1) 15:54

A firi gbɛ wɔ ki ja ji so ji-i firi gbɛbali i, firi beeni wɔ ki i ji firi beenibali i, niŋ waaci ki ru, nwɔ̀ bi-i Kirinŋ wɔ wulu ki ru, niŋ a nafaa, ǹʼtu : « So kila-i beŋ ki sun.

Korɛntitɔnŋ kiri (2) 2:8

Niŋ ki ra, míŋ i ǹʼceeli-la ábɛɛ gbɛ, ńʼtu á ǹʼji ntiŋ wu, tu ntiŋ bidi ábɛɛ tɛ hali jiŋ.

Korɛntitɔnŋ kiri (2) 5:4

Sɛli ki ra, ŋì i yibɛɛ tu ka pwɔkulinŋ sun firi ka ru, yibɛɛ i yi cɔɔn-na miŋ tu kí shii sɔɔ koŋ sun. Ŋì i miŋ tu yibɛɛ ǹʼtɛ yi i beeni kì dɛ! Nka yibɛɛ i ǹʼtɛ, yi i kirinpɔlila firi ki bo yi sun, nwɔma beeni wɔ ki i rucini ɲaninkulutɔnbi kɔbali wɔ ki ra.

Korɛntitɔnŋ kiri (2) 7:10

Sabu ɲaannuŋunu wɔ̀ i Kirinŋ dintɛ bi i, niŋ i ye-a koŋ tɛ, ntiŋ i awɔ bijɛ ki tɔnbo, koŋ ntɔri bi-a niŋ mamaan ki ra kì. Nka ka juniɲa ka ru ɲaannuŋunu ki i na-a beŋ wu.

Efɛsitɔnŋ kiri 4:32

Á ámaŋ sunmakwulupa, á i shɔɔrinŋ ma koŋ bataa tɛ. Á i ámaŋ wɔ pɔli tu ámaŋ tɛ, miŋ tu Kirinŋ ábɔɔ pɔli kiri tu-i a tɛ Kirisa wɔ bi mamaan ki bira ɲaan wɔ̀ tɛ.

Filipitɔnŋ kiri 2:27

Sɛli ki ra, ntiŋ kira wuru-i a sɔbɛ ra, fɔ ntiŋ i myɛ beŋ tɛ, nka Kirinŋ ntiŋ sunmakwulupa-i, ntiŋ bantenŋ i kì, ŋì i míŋ yɛri ki sunmakwulupa-i, nwɔma ǹʼbɛɛ fa na bo mɔ́ɔ́n tɔnfɔɔ ki sun kì.

Kɔlɔsitɔnŋ kiri 3:13

Á ámaŋ wɔ bi kwun á ru, á i ámaŋ wɔ pɔli kiri tu-ri ámaŋ tɛ. A ábɛɛ jɛri ámaŋ na, á ámaŋ wɔ pɔli kiri tu ámaŋ tɛ, miŋ tu Kirisa ábɔɔ kiri tu-i á tɛ ɲaan wɔ̀ tɛ.

Tesalonikitɔnŋ kiri (1) 4:13

Ńʼtindaŋ ni, a bilinatɔnŋ ki beeni, bi wɔ̀ i ma-a ntiŋ wu, míŋ ǹʼtɛ ábɛɛ i tu niŋ tɔbali kì, nwɔma ábɛɛ fa na á gbɛɛratɛɛ-ɛ miŋ tu koŋ pyɛ kiri kì. Gbɛbilimaŋ nini na kì.

Tesalonikitɔnŋ kiri (2) 3:6

Míŋ tindaŋ ni, yibɛɛ ra nwɔ̀ bi furu ábɛɛ tɛ, yi Ŋuntiŋ Yesu Kirisa tɔ ki bira, niŋ i tu : bilinatɔnŋ wɔ̀ri i arì yɛri ji-a jurubitiŋ ni i, kí i arì maanni de-ri, kí jɛɛn-na kí i yibɔɔ kalinŋ kiri pa-ri kì, tu á á kila san niŋ koŋ kwuru kiri ra.