Korɛntitɔnŋ kiri (2) 13:9 - Jɔ Biibili ki

⁹ Hali yibɛɛ baraka ki ji kuru, a ábɛɛ baraka ki ja ji gbɛ bilinabi ki ru, niŋ i yibɛɛ ciirudi-a. Yibɔɔ Kirinŋ nafɛ ki i kaa tu ábɛɛ ji koŋ nafaamaan ni i.

Korɛntitɔnŋ kiri (2) 13:9 ပူးပေါင်းရင်းမြစ်များ

Ɔrɔmutɔnŋ kiri 15:2

Koŋ fɔn tenŋ tenŋ ǹʼceeli, ŋi i nʼkaashi ki dintɛ bi kiri ma, nwɔma ntiŋ i shɔ, ǹʼbɛɛ i bo ntiŋ wɔ bilinabi ki sun.

Korɛntitɔnŋ kiri (1) 1:10

Ńʼtindaŋ ni, míŋ i ábɛɛ rafɛ-a, ńʼtu á ǹʼma yi Ŋuntiŋ Yesu tɔ ki bira, á i fu tenŋ sun. Á fa ncusun rukila ɲakili i de á faninmwuŋ kì. Á ɲakili kiri ji tenŋ áwɔ bi ma wɔ kiri bataa ra.

Korɛntitɔnŋ kiri (1) 2:3

Niŋ fa míŋ wuru ábɛɛ kanfɛ waarinŋ wɔ̀ ru, míŋ baraka ki kuru wuru ńʼyɛri ɲaanna, ŋí i kɛni-ni, ŋí i sɛrɛsɛrɛ-ri.

Korɛntitɔnŋ kiri (1) 4:10

Nka yibɛɛ i miŋ tu julutiŋ ni Kirisa tɔ ki bira. Ábɛɛ fa Kirisa wɔ tenbi ki baraka ra, ábɛɛ ji-i ɲakilitiŋ ni i dɔɔ. Yibɛɛ kiri ji-i baraka bali kiri i, ábɛɛ i ji barakatiŋ kiri i. Yibɛɛ i fyɛbi kila-a, ábɛɛ i gbɛbi kila-ri.

Korɛntitɔnŋ kiri (2) 11:30

A míŋ ji-a ńʼyɛri ragbɛ, míŋ a ńʼyɛri ragbɛ ńʼwɔ baraka kurubi ki wu.

Korɛntitɔnŋ kiri (2) 13:11

Ayiwa ńʼtindaŋ ni, Kirinŋ tu á fan, ŋì i ɲaanfɛfili wɔri á tɛ! Á á cunadi, á i ji koŋ nafaamaan ni i. Á i ámaŋ cunadi-ri. Á á ɲakilila kiri ji tenŋ i, á i fu, a niŋ ma, bidintɛbitiŋ Kirinŋ ki, ninwɔ̀ i ɲaanfɛfilitiŋ Kirinŋ ki i, niŋ a tu ábɛɛ fan.

Korɛntitɔnŋ kiri (2) 13:4

Sɛli yɛ, Kirisa kpinkpi-i suu ki sun waarinŋ wɔ̀ ru, so wuru ntiŋ gbɛ kì, nka ntiŋ ŋmɛni-i, dɔnsaŋ ntiŋ ɲaninkulutɔnŋ yɛ Kirinŋ wɔ sotinbi ki baraka ra. Mìŋ ɲaan tenŋ ki tɛ, yibɛɛ i baraka bali li i Kirisa sali, nka yibɛɛ i ǹʼji-a ábɛɛ wu tu yibɛɛ fa ntiŋ ɲaninkulutɔnŋ ni i, niŋ fa tu yibɛɛ baara ki ma-a ábɛɛ kanfɛ Kirinŋ wɔ sotinbi ki baraka ra.

Korɛntitɔnŋ kiri (2) 4:12

Niŋ ɲaan ki tɛ, yibɛɛ ɲinita kiri i yi gbɛfɛ waarinŋ bataa ru Kirinŋ wɔ Wulujii ki sunjomaŋ kiri ru, nwɔma ábɛɛ i ɲaninkulutɔnbi sɛlɛsɛli ki kila.

Korɛntitɔnŋ kiri (2) 7:1

Míŋ tindaŋ byii ri, a Kirinŋ ji niŋ bi kiri tɔnŋ wɔri yibɛɛ tɛ, yi yi wu fɔɔ, yi i po san firi ki nɔɔbi kiri, fa ciiru tɔnŋ ki nɔɔbi kiri bataa ru, yi i yɔɔ fɔɔbi ki rafaa Kirinŋ jɛŋ kɛmi ki wu.

Kɔlɔsitɔnŋ kiri 1:28

Yibɛɛ i niŋ Kirisa ki bi ki sunjo-a, yi i konaŋ kiri bataa racin-ni, yi i kí kali-li ɲakilitinbi ki bataa wu, nwɔma konaŋ ki bataa tenŋ tenŋ i so ji-i koŋ nafaamaan ni i, Kirinŋ ɲaanfɛ Kirisa sababu ra.

Kɔlɔsitɔnŋ kiri 4:12

Epafirasi, ninwɔ̀ i ábɛɛ bɛɛ ɛ, niŋ i ábɛɛ co-a sɛbɛ. Yesu Kirisa tɛ baara matɔnŋ sɛlɛsɛli yɛ. Ntiŋ cɛrukɔli-i Kirinŋ nafɛ ki ra ábɛɛ tɛ waarinŋ bataa ru, nwɔma ábɛɛ i tu Kirinŋ wɔ saa ki sun, á i ta jɛŋ bilinabi ki ru, á i ji Kirinŋ dintɛ bi kiri tɛ bi bataa ra.

Tesalonikitɔnŋ kiri (1) 3:10

Yibɛɛ i Kirinŋ nafɛ-a cii fa sunŋ, yi i yi makwuluye-ri ǹʼtɛ, tu ŋì ncusun yi i yi pwulu tiri ábɛɛ tɛ, nwɔma yi i ta yi ɲaniŋ bili ábɛɛ sun sɛbɛ. A niŋ ma, nwɔ̀ cin-i ábɔɔ bilinabi ki ra, yi i ta á kini niŋ na.

Timote (2) 3:17

nwɔma Kirinŋ wɔ konanbi ki i nafaa, kí i baara shɔɔrinŋ kwuru ki bataa maka ɲaantɔ.

Iburu kiri 12:23

Ábɛɛ á kpari-i Kirinŋ wɔ konanbi jɔnɔ ɲaannashimaan ki kwuru ki tɛ, nwɔ̀ri tɔ ki sɛbɛ-i kirinpɔli ki ru. Ábɛɛ á kpari-i Kirinŋ tɛ, nwɔ̀ a na kiti ki kwuru konaŋ ki bataa sun, á i ji á kpari koŋ telimaan kiri ɲini kiri tɛ, nwɔ̀ri wɔ baara ki rafaa.

Iburu kiri 13:21

tu niŋ Kirinŋ ki ye á tɛ, á i so shɔɔrinŋ kwuru ki bataa ma-i, nwɔma á i ǹʼdintɛ bi ki ma. Ŋì a dintɛ bi ki bo yi ciiru Yesu Kirisa baraka ra. Gbɛbi bili mìntiŋ sun waarinŋ bataa ru. Amiina!

Iburu kiri 6:1

Niŋ ki ra, yi fa tu Kirisa bi ki sun kalinŋ tɔnpa wulu kiri sun kì, nka yi ta jɛŋ kalinŋ ni wu, nwɔ̀ri ra yibɛɛ kɔɔ. Yi fa yi pwulu kalinŋ tɔnpa wulu kari sun kì. Niŋ kalinŋ wɔ̀ri i ǹʼbi-a tu koŋ kakan, ŋi i ntɔri bi nʼwɔ bi kulinŋ kiri ra, ŋi i bili Kirinŋ na,

Pyɛɛri (1) 5:10

Nka, a ábɛɛ ɲaanfɛkwulu bi kila waaci pyaanŋ nu, Kirinŋ wɔ̀ ki i shɔɔrinŋ ki bataa tiŋ ki i, ninki a na ábɛɛ mwu, ŋì i á kɔɔ, ŋì i á baraka ki gbɛ, á i tuka shɔ bilinabi ki ru. Mìŋ Kirinŋ ki ábɛɛ dɔri-i, nwɔma a i á de awɔ nɔɔri kɔbali ki ru Kirisa wɔ tenbi ki bira.