Korɛntitɔnŋ kiri (2) 13:4 - Jɔ Biibili ki

⁴ Sɛli yɛ, Kirisa kpinkpi-i suu ki sun waarinŋ wɔ̀ ru, so wuru ntiŋ gbɛ kì, nka ntiŋ ŋmɛni-i, dɔnsaŋ ntiŋ ɲaninkulutɔnŋ yɛ Kirinŋ wɔ sotinbi ki baraka ra. Mìŋ ɲaan tenŋ ki tɛ, yibɛɛ i baraka bali li i Kirisa sali, nka yibɛɛ i ǹʼji-a ábɛɛ wu tu yibɛɛ fa ntiŋ ɲaninkulutɔnŋ ni i, niŋ fa tu yibɛɛ baara ki ma-a ábɛɛ kanfɛ Kirinŋ wɔ sotinbi ki baraka ra.

Korɛntitɔnŋ kiri (2) 13:4 ပူးပေါင်းရင်းမြစ်များ

Yuhana 10:18

Koŋ tɔri tenŋ so-a míŋ ɲini ki mwu-i kì, nka mínki yɛrima ki i ǹʼwɔri-ra, sabu so i míŋ gbɛ, ŋí i ńʼɲini ki wɔri, niŋ fa ŋí i ńʼpwulu, ŋí i ǹʼmwu. Míŋ nwɔ̀ kila-i Tiŋ ki gbɛ, niŋ i niŋ i. »

Mabikiri 2:36

Niŋ ki ra, Isirayɛli bataa kakan-i ŋì i ǹʼtɔ fɔɔ jiŋ, tu ábɛɛ Yesu wɔ̀ ki kpinkpi suu ki sun, tu Kirinŋ ninki ji Ŋuntiŋ ki fa Kirisa ki i. »

Mabikiri 3:16

Yibɛɛ bili-i ninwɔ̀ ra, yibɛɛ ntiŋ nafɛ-i, ninki ka koŋ ka kene-i, ábɛɛ ɲaniŋ i ninwɔ̀ ra, á i ninwɔ̀ tɔ-ri. Yibɔɔ bilinabi ki baraka ra niŋ Yesu ki ra, ninki wɔ so ki baraka ra, koŋ ka wɔ bɔlɔmabi ki kɔ-i, miŋ tu ábɛɛ ɲaniŋ i ǹʼna ɲaan wɔ̀ tɛ.

Ɔrɔmutɔnŋ kiri 1:4

Nka ŋì i kɛɲɛ Ɲiniwɔlinŋ ki ɲaan ki wu, ntiŋ ŋmɛni po sanmaan ki konkwuu kiri kanfɛ, niŋ ǹʼji-i sotinbi wu, tu ntiŋ Kirinŋ Danshuru ki i. Mìntiŋ ki i Yesu Kirisa a, yibɛɛ Ŋuntiŋ ki i.

Ɔrɔmutɔnŋ kiri 14:9

Kirisa beeni-i, ntiŋ i ŋmɛni po san konkwuu kiri kanfɛ, nwɔma ntiŋ i ji konkwuu kiri fa ɲaninkulutɔnŋ kiri Ŋuntiŋ ki i.

Ɔrɔmutɔnŋ kiri 6:4

Yibɛɛ wumaan ki i miŋ tu yibɛɛ fa Kirisa beeni yimaŋ fan, yi fa ntiŋ kwuu ki i ji ye yimaŋ fan, nwɔma ntiŋ ŋmɛni po san-i konkwuu kiri kanfɛ a Tiŋ ki wɔ sotinbi ki nɔɔri ki baraka ra ɲaan wɔ̀ tɛ, yibɛɛ yɛrima kiri i ɲaninkulutɔnbi ŋunaŋ kila, yi i tiri kɛɲɛ niŋ wu.

Korɛntitɔnŋ kiri (1) 1:25

A Kirinŋ wɔ bi mamaan ki ji julu la bi i konaŋ kiri ɲaanna, kí ǹʼtɔ tu niŋ julu la bi ki fwuu konanmini wɔ ɲakilitinbi ki bataa sun, tu kí i nwɔ̀ ji-ri Kirinŋ wɔ baraka balibi, tu niŋ i fwuu kɔ́ɔ́ barakatinbi kiri bataa sun.

Korɛntitɔnŋ kiri (1) 15:43

Firi limaan ki i ye-a fwuniŋ ki ru, ǹʼnɔɔritiŋ ki i ŋmɛni. Firi baraka bali ki i ye-a, ǹʼbarakatiŋ ki i ŋmɛni.

Korɛntitɔnŋ kiri (1) 2:3

Niŋ fa míŋ wuru ábɛɛ kanfɛ waarinŋ wɔ̀ ru, míŋ baraka ki kuru wuru ńʼyɛri ɲaanna, ŋí i kɛni-ni, ŋí i sɛrɛsɛrɛ-ri.

Korɛntitɔnŋ kiri (1) 6:14

Kirinŋ Ŋuntiŋ Yesu ki ŋmɛni po san-i konkwuu kiri kanfɛ ɲaan wɔ̀ tɛ, ŋì a na yibɛɛ ŋmɛni mìŋ ɲaan ki tɛ awɔ sotinbi ki baraka ra.

Korɛntitɔnŋ kiri (2) 10:10

Sabu kí i nwɔ̀ bi-a mɔ́ɔ́n sɛbɛ kiri sun, niŋ i kaa tu : « Faan fa baraka i Pooli wɔ sɛbɛ kiri ru wulu kiri ru, nka a ntiŋ ji yibɛɛ kanfɛ, ntiŋ so-a niŋ bishi wulu li bi-i kì, yìrì ji-a wulu ɲaansun ni i kì. »

Korɛntitɔnŋ kiri (2) 12:10

Niŋ ki ra, míŋ ciirudimaan yɛ ńʼwɔ baraka kurubi ki ra. A kí ji míŋ ki-a, walima míŋ fɔɔnmaan i ji-i, hali kí ji míŋ cɔɔri-ra woo, walima yɛlinŋ ki ji so míŋ sun Kirisa bi ki ra woo, niŋ fɔn di-i míŋ tɛ, sabu a waaci wɔ̀ ru míŋ baraka ki kuru, míŋ i baraka kila-a niŋ waaci ki ru Kirisa gbɛ.

Korɛntitɔnŋ kiri (2) 13:9

Hali yibɛɛ baraka ki ji kuru, a ábɛɛ baraka ki ja ji gbɛ bilinabi ki ru, niŋ i yibɛɛ ciirudi-a. Yibɔɔ Kirinŋ nafɛ ki i kaa tu ábɛɛ ji koŋ nafaamaan ni i.

Filipitɔnŋ kiri 3:10

Míŋ i finŋ wɔ̀ ceeli-la, niŋ i kaa : ŋí i Kirisa tɔ, sotinbi wɔ̀ ntiŋ ŋmɛni-i, ŋí i niŋ tɔ, ŋí i ńʼwɔ lu kila ntiŋ wɔ ɲaanfɛkwulu ki ra, ŋí i ji ntiŋ bishi i, hali beŋ ki ra,

Iburu kiri 5:7

Niŋ ki ra, ŋì i Yesu tu konanminibi firi ki ru juniɲa nu, nwɔ̀tiŋ wuru-ra so ntiŋ mwu-i beŋ ki wu, ntiŋ niŋ nafɛ-i kusɛbɛ, ntiŋ i niŋ nafɛ yaalinŋ fa makwuluye wulu li wu. Ntiŋ wɔ kulubi ki bira, Kirinŋ i ntiŋ wɔ rafɛ ki mwu.

Pyɛɛri (1) 3:18

Sɛli ki ra, Kirisa yɛrima ki ɲaanfɛkwulu bi kila-i. Ntiŋ beeni-i kaan tenŋ konaŋ bataa wɔ bijɛ kiri ŋunfɛ. Mìntiŋ koŋ telimaan ki beeni-i telibali kiri ŋunfɛ, nwɔma a i na ábɛɛ wu Kirinŋ tɛ. Kí ntiŋ firi ki kilɛn-i, nka ntiŋ ŋmɛni-i Ɲini ki wɔ so ki baraka ra.

Pyɛɛri (1) 3:22

Ntiŋ tunpa-i kirinpɔli ki ra, ntiŋ i ta sɔɔ Kirinŋ pantɛ. Mɛlɛkɛn kiri fa masabi kiri fa sotinbi kiri bataa kulu-i ntiŋ tɛ.