Korɛntitɔnŋ kiri (2) 13:3 - Jɔ Biibili ki

³ Miŋ tu ábɛɛ i ǹʼtɛ á i ǹʼtɔ tu Kirisa ji wulubi-a míŋ tɔnŋ na, á ǹʼtɔ tu ntiŋ baraka bali i ábɛɛ kanfɛ kì, nka tu ntiŋ wɔ sotinbi ki gbɛ ábɛɛ kanfɛ.

Korɛntitɔnŋ kiri (2) 13:3 ပူးပေါင်းရင်းမြစ်များ

Matiyu 10:20

Sabu ábɛɛ kiri ra na ta wulu ki bi kì, nka ábɛɛ Tiŋ ki ɲini ki ra na ta wulu ki bi-ri ábɛɛ tɔnŋ na.

Luki 21:15

Sabu míŋ yɛri ki a na ɲakilitinbi wulu de ábɛɛ daru, nwɔ̀ a ji sababu, koŋ a so ábɔɔ wulu ki rupwulu-i walima ntiŋ i ǹʼsɔsɔ kì.

Korɛntitɔnŋ kiri (1) 7:40

Niŋ fa a fɔn na, míŋ ɲaanna, a nmari tu-ri shuru shibali, niŋ wuru-ra pari nmari sun shuru shi bi ki wu. Míŋ yɛri ki bili-i ǹʼna, ńʼtu Kirinŋ Ɲini ki míŋ fan sɛbɛ ka wulu kari bimaŋ ki ru.

Korɛntitɔnŋ kiri (2) 10:1

Ǹʼyɔ bi-a tu míŋ ji ábɛɛ faninmwuŋ, tu míŋ ji-a koŋ sunjɛrimaan a, nka tu míŋ ja ji maŋ nari ábɛɛ ra, tu ŋí i ji shurukoŋ i. Míŋ i ábɛɛ rafɛ-a, á ǹʼma Kirisa wɔ tɔnsunfili ki fa ntiŋ wɔ shɔɔrinŋ ki bira,

Korɛntitɔnŋ kiri (2) 10:4

Yibɔɔ kari ki tan-a konanmini wɔ kari tanfinŋ ni na kì, kari tanfinŋ ni yɛ, nwɔ̀ri faan ki i po-a Kirinŋ gbɛ, ŋì i ɲa kiri faan ki fa kɔ́ɔ́ ɲakilila jɛ kiri li-ri.

Korɛntitɔnŋ kiri (2) 12:12

Sɛli ki ra, bi wɔ̀ri i ǹʼji-a tu míŋ Yesu wɔ cindaŋ i, nini ji-i ábɛɛ wu cunadibi wu, niŋ fa Kirinŋ wɔ taanmashɛ ri fa botɔnsunbi ri fa sotinbi mwɔɔnna ni wu.

Korɛntitɔnŋ kiri (2) 2:10

Ábɛɛ koŋ woo koŋ wɔ pɔli tu ntiŋ tɛ, míŋ yɛri ki nintiŋ wɔ pɔli ki tu-i ntiŋ tɛ. A míŋ konwɔtiŋ wɔ pɔli tu ntiŋ tɛ, míŋ niŋ tu-i ntiŋ tɛ ábɛɛ bira, ŋí i Kirisa ji yi shɛɛri ki i.

Korɛntitɔnŋ kiri (2) 2:6

Ábɛɛ mwɔɔnna fu-i ǹʼsun, á i ntiŋ kulu ɲaan wɔ̀ tɛ, ŋì fa fwuu niŋ sun kì.

Korɛntitɔnŋ kiri (2) 9:8

So i Kirinŋ gbɛ ŋì i finŋ shɔɔrinŋ kiri bataa wɔri ábɛɛ tɛ, á i á maku shɔ finŋ kiri bataa kila, nwɔma á i so ye-i koŋ mwɔɔnna tɛ waarinŋ mwɔɔnna nu.