Korɛntitɔnŋ kiri (2) 13:2 - Jɔ Biibili ki

² Míŋ ta kaan fuluntɔnŋ ki ábɛɛ tɛ, nwɔ̀ri bijɛ ki ma wuru-i, míŋ ka bi wuru nini tɛ kɔ, hali míŋ maŋ ji nari ábɛɛ ra dɔɔ, nwɔ̀ri bijɛ ki ma-i, míŋ i ǹʼjɛnbi-a niŋ fa koŋ pyɛ kiri bataa tɛ tu míŋ na ta ábɛɛ tɛ nmaŋ, tu míŋ a ta mini bijɛmatɔnŋ ki tɔri tenŋ ŋununa kili kì.

Korɛntitɔnŋ kiri (2) 13:2 ပူးပေါင်းရင်းမြစ်များ

Korɛntitɔnŋ kiri (1) 5:5

Niŋ koŋ kwuru ki kakan-i ntiŋ i wɔri shitaanni tɛ, ntiŋ firi ki i haliki, nwɔma ntiŋ ɲini ki i a mwu Ŋuntiŋ Yesu ki na shikaŋ ki ru.

Korɛntitɔnŋ kiri (2) 1:23

Nfɛnŋ ncin míŋ so ńʼpwulu ta-i Korɛnti kili kì? Kirinŋ i míŋ ciiru ki tɔ-a, míŋ niŋ ma-i, nwɔma ŋí i bi tu ábɛɛ tɛ.

Korɛntitɔnŋ kiri (2) 12:14

Míŋ i ǹʼtɛ ŋí i ta ńʼta kaan byantɔnŋ ki ra ábɛɛ tɛ kaa. Míŋ i ǹʼtɛ ŋí i ta ńʼshii bo ábɛɛ sun sɛbɛ kì, sabu míŋ ábɛɛ gbɛfɛfinŋ kiri cɛfan kì, nka míŋ i ábɛɛ yɛrima kiri cɛfan. Tiraŋ kiri arì jifinŋ kiri jɛŋ sɔɔ-ra kì, nka jifinŋ kiri i arɔɔ tiraŋ kiri jɛŋ sɔɔ-ra.

Korɛntitɔnŋ kiri (2) 13:10

Niŋ ki ra, ŋì i míŋ tu mani narimaŋ nu, míŋ i ka sɛbɛ ka bo ta-a ábɛɛ tɛ, nwɔma a míŋ na so ábɛɛ kanfɛ waarinŋ wɔ̀ ru, ŋì i kɛɲɛ Ŋuntiŋ ki wɔ so wɔrimaan ki wu míŋ tɛ, ŋí fa na ta wulu furu ri bi á tɛ sɛbɛ kì. Ŋuntiŋ ki niŋ so ki wɔri-i yibɛɛ tɛ ábɔɔ jɛŋ ta ki bira, ŋì i ǹʼwɔri ábɛɛ halikirama bira kì.