Korɛntitɔnŋ kiri (2) 11:3 - Jɔ Biibili ki

³ Nka miŋ tu Awa ncusun-i myɛɛn ki i a fɔni awɔ daalinŋ ki wu ɲaan wɔ̀ tɛ, míŋ i kɛni-na, ńʼtu ábɛɛ fa na ncusun mìŋ ɲaan ki tɛ, ábɛɛ ɲakili kiri i rapwulu san áwɔ tirika shɔɔrinŋ ka fa áwɔ fɔɔbi ka sun Yesu Kirisa wɔ saa ki fan kì.

Korɛntitɔnŋ kiri (2) 11:3 ပူးပေါင်းရင်းမြစ်များ

Matiyu 24:24

Sabu purubitɔnŋ ni a na jɔrɔkɔ, kí i ǹʼbi-ri tu arìbɛɛ Kirinŋ Ɲaannakonshimaan ki i, cintɔnŋ purubitiiri i na jɔrɔkɔ sɛbɛ, nini i taanmashɛ ri fa kabakobi ri ma-ni, nwɔma arì i konaŋ ki bataa fɔni, fɔ ŋì i ta bo Kirinŋ wɔ konanbi ki sun, a kí ji wuru-ra so niŋ na kɔniŋ.

Yuhana 8:44

Ábɛɛ tiŋ ki i shitaanni i, ábɛɛ i ǹʼtɛ á i ǹʼnaki a dintɛ bi ki ru. Kabi juniɲa tɔnpa waari ki ru, koŋ kilɛntɔnŋ yɛ, ŋì a tu ja-i sɛli ki ra sun kì, sabu sɛlitiŋ i kì. A ǹʼji puru ki bi-a waarinŋ wɔ̀ ru, ŋì i a yɛri ki ɲaan ki ji-a, sabu purubitɔnŋ yɛ, puru ki tiŋ ki i ji-i.

Ɔrɔmutɔnŋ kiri 12:8

A minwɔ̀tiŋ wɔ kafinŋ ki ji tu ŋi konaŋ ni cunadi, niŋ ma. A minwɔ̀tiŋ wɔ ji koŋ kamaanna a, niŋ niŋ ma gbɛrupilibi wu. A minwɔ̀tiŋ ji jɛntɔnŋ i, niŋ maka shɔ. A minwɔ̀tiŋ ji koŋ sunmakwulupa-a, niŋ ma ciirudibi wu.

Korɛntitɔnŋ kiri (2) 1:12

Yibɛɛ ra so yi yɛri ragbɛ-i bi wɔ̀ wu, niŋ i kaa : yibɛɛ tirika ki ábɛɛ kanfɛ niŋ fa mani bataa ru, yibɛɛ cirasun tu yibɛɛ niŋ ma ciirufɔɔbi niŋ fa sɛli ki wu Kirinŋ ɲaanfɛ, ninwɔ̀ po konanmini wɔ ɲakilitinbi ru kì, fɔ Kirinŋ wɔ shɔɔrinŋ ki baraka ra.

Korɛntitɔnŋ kiri (2) 11:20

Niŋ koŋ kiri wɔ̀ri i ábɛɛ pa-a miŋ tu joŋ ni, kí i á gbɛfɛfinŋ kiri mwu-ni, kí i fɛɛn-ni á sun, kí i arɔɔ fintinbi ji-ri á wu, kí i á rufyɛ-ri, niŋ fa kí i hali gbɛta fyɛ-ri á cufɛ, ábɛɛ i á tu-a niŋ fɔn na.

Korɛntitɔnŋ kiri (2) 11:29

A bilinatɔnŋ ki bɛɛ baraka rakuru, ŋì i ji-a tu míŋ baraka ki rakuru ntiŋ fan sɛbɛ. A ǹʼbɛɛ fɛɛn bilinabi ki ru, ntiŋ i bijɛ ma, niŋ i míŋ yaa-ra kusɛbɛ.

Korɛntitɔnŋ kiri (2) 2:17

Koŋ mwɔɔnna i Kirinŋ wɔ wulu ki rapwulu-la, kí i ǹʼnu jɔɔ tan-ni, yibɛɛ kɔniŋ miŋ tu nini kì. Kirinŋ yibɛɛ cin-i, yibɛɛ i wulu ki bi-a fɔɔbi wu ǹʼɲaanfɛ Kirisa baraka ra.

Korɛntitɔnŋ kiri (2) 4:2

Konaŋ kiri i arì ɲaankwunbi wɔ̀ri fa arɔɔ bi kulinŋ wɔ̀ri radu-a, yibɛɛ nini bishi ri ma-a kì. Yibɛɛ koŋ sunnɛɛn kì. Yi dumiŋ Kirinŋ wɔ wulu ki rapwulu-la kì. Nka yibɛɛ i sɛli ki fɔɔ bi-a Kirinŋ ɲaanfɛ, nwɔma koŋ bataa i ǹʼtɔ tu yibɔɔ wulu ki sɛli i.

Galasitɔnŋ kiri 1:6

Kirinŋ wɔ̀ ki ábɛɛ dɔri-i Yesu Kirisa baraka ra, ábɛɛ pwulu ki jona jona, á i á san niŋ cɛfan, á i ǹʼpa Wulujii tɔri cɛfan, niŋ bo-i míŋ tɔnŋ sun kusɛbɛ.

Galasitɔnŋ kiri 2:4

Hali niŋ i ta fa yibɛɛ tindaŋ purubitɔnŋ kiri bɛɛ ri wuru ǹʼtɛ arì i niŋ ji faan i ntiŋ sun. Nini wɔ̀ri arì bo-i yibɛɛ sun, nwɔma arì i yibɔɔ jiyɛrɛtɛbi ki ɲaantɔ, yibɛɛ ninwɔ̀ kila-i Yesu Kirisa ra, arì i yi po san niŋ saa ki sun, yi i ji joŋ ni i.

Galasitɔnŋ kiri 3:1

Ábɛɛ Galasitɔnŋ kɛrɛbibali kari, nkɛnŋ ábɛɛ jɛnceeli sa? Yesu kpinkpi-i suu ki sun ŋuŋ wɔ̀ ra, míŋ niŋ fɔɔ ji-i ábɛɛ wu dɛ!

Galasitɔnŋ kiri 4:11

Míŋ i kɛni-na ńʼtu míŋ baara wɔ̀ bataa ma-i ábɛɛ kanfɛ, ńʼtu niŋ fa ji ǹʼgbansanŋ i kì.

Efɛsitɔnŋ kiri 4:14

Niŋ na, yibɛɛ ra tu tiraŋ ni i kili kì. Koŋ wɔ̀ri i konaŋ kiri sunnɛɛn-na puru kiri fa namarinŋ wulu kiri wu, nini a so yibɛɛ curu san-i saa shɔɔrinŋ ki sun kì, kí i yi i fifa de-ri kɛlinŋ ki fɔn tɛ kì, miŋ tu ju fa faa i buŋ curu-ra ɲaan wɔ̀ tɛ.

Efɛsitɔnŋ kiri 4:22

Niŋ ki ciiru, ábɛɛ wuru tiri-ra ɲaan wɔ̀ tɛ fɔlɔfɔlɔ, á niŋ tirika ɲaan ki tɔnbo pewu, á fa á ɲaninpo niŋ bi bwuu kiri tɛ kili kì, ninki i konaŋ kiri fɔni-na, ŋì i kí haliki-ri.

Efɛsitɔnŋ kiri 6:24

Yi Ŋuntiŋ Yesu Kirisa bidi-i nwɔ̀ri tɛ kusɛbɛ arì sɔbɛ ra, tu Kirinŋ awɔ shɔɔrinŋ ki ma nini bataa tɛ.

Kɔlɔsitɔnŋ kiri 2:18

Koŋ wɔ̀ri i arì ji-a koŋ sunjɛrimaan ni i, kí i mɛlɛkɛn kiri gbɛ-ri, á fa ncusun nini tɔri i á firi kilɛn kì. Niŋ koŋ kwuru kiri i arì gbɛ bili-la arɔɔ finŋ jamaan kiri sun, kí i arì yɛri ragbɛ-ri niŋ konanmini ciiru ɲakilililabi gbansanŋ kiri wu.

Kɔlɔsitɔnŋ kiri 2:4

Míŋ i ka bi-a ábɛɛ tɛ, nwɔma koŋ tɔri fa na ábɛɛ ɲaannafini wulu sunnɔni ni wu kì.

Kɔlɔsitɔnŋ kiri 2:8

Á á yɛri paka tɔ, nwɔma koŋ fa na á fɔni konanmini wɔ ɲakilitinbi wulu li wu kì. Niŋ ɲakilila ki cɛ sɔɔ-ɔ konanmini wɔ ladaŋ ni, fa juniɲa nu finŋ gbɛ wɔ̀ gbansanŋ ni sun, ǹʼcɛ sɔɔ Kirisa sun kì.

Tesalonikitɔnŋ kiri (1) 3:5

Míŋ waa-a ábɛɛ fyii ki pa-i ńʼna, niŋ ki ra, ŋí i Timote cin, tu niŋ i ta á shɛɛli, nwɔma ŋí i so ábɔɔ bilinabi ki ɲaantɔ-i. Míŋ wuru kɛni-na, ńʼtu shitaanni fa ji ábɛɛ sunnɛɛn-ɛ, ŋì i á fɔni, yibɔɔ yɛlinŋ ki i ji ǹʼtawɔ ɔ kì.

Timote (1) 1:3

Sɔɔ tu Efɛsi kili ki ru, miŋ tu míŋ ǹʼbi furu wuru miŋ tɛ ɲaan wɔ̀ tɛ, ŋì i míŋ tirira ki tu Maseduwanɛ kɛniŋ ki ru, nwɔma koŋ wɔ̀ri i kalinŋ ŋunaŋ ki wɔri-ra, ŋi i ǹʼbi furu niŋ kalinŋ ŋunaŋ wɔrɔtɔnŋ kiri tɛ, tu kí ǹʼtɔnbo.

Timote (1) 2:14

Shitaanni Adama sunnɛɛn ŋì i ntiŋ fɔni kì, ŋì mari sunnɛɛn-ɛ, ŋì i nmari fɔni, nmari i Kirinŋ wɔ sariya ki li.

Timote (2) 3:13

Nka, koŋ juumaan kiri fa daalintiŋ kiri ra na ǹʼbɛɛ bo-ri arɔɔ bijɛ kiri sun, kí i konaŋ ki fɔni-ni, miŋ tu kí yɛrima kiri fɔni-i ɲaan wɔ̀ tɛ.

Tite 1:10

Koŋ mwɔɔnna i nmaŋ, nwɔ̀ri arì kulu sɛli ki tɛ sun kì, kí i ji wulu kulinŋ bitɔnŋ ni fa konaŋ fɔnitiiri i. Kí mwɔɔnna i Yawutu ri i, nwɔ̀ri arì tu-i, kí i ji Kirisa tɛ, kí i ji wuru cɛɛn-na sɔɔpeefɛmaanna ki cɛfan faanna.

Iburu kiri 13:9

Á fa ncusun koŋ i á fɔni kalinŋ ŋunaŋ kwuru mwɔɔnna tɔri ri wu kì. Sabu konanmini kakan-i, ŋì i tɔnnafurubi kila Kirinŋ wɔ shɔɔrinŋ ki baraka ra, nka ŋì fa ji nufinŋ bi i kì, sabu nwɔ̀ri niŋ bi kiri rasɔɔ, nini tɔnɔ dantenŋ kila ǹʼnu kì.

Pyɛɛri (2) 3:17

Míŋ tindaŋ byii ri, míŋ ábɛɛ racin-i, á á yɛri paka tɔ. Á fa ncusun koŋ jɛ kiri i á curu san á gbɛbilimaŋ shɔɔrinŋ ki sun kì.

Pyɛɛri (2) 3:3

Ábɛɛ kakan-i á i nwɔ̀ tɔ sun, niŋ i kaa : waaci rakɔɔra kiri ra, wulu kulinŋ bitɔnŋ kiri bɛɛ ri a na na, kí a na yɛtan bo-ri ábɛɛ sun. Niŋ koŋ kiri ra na tiri kɛɲɛ-ni arì firi ki dintɛ bi jɛ kiri wu.

Yuhana (1) 2:18

Ńʼdaŋ ni, waaci rakɔɔra ki tɔnpa-i. Ábɛɛ ǹʼnama wuru tu Kirisa ɲa ki ra na, nka Kirisa ɲa mwɔɔnna na-i dɔɔ, yibɛɛ i ǹʼtɔ-a niŋ na tu waaci rakɔɔra ki so.

Yuhana (1) 4:1

Míŋ tindaŋ byii ri, koŋ wɔ̀ri i ǹʼbi-a tu Ɲiniwɔlinŋ ki arìbɛɛ ru, á fa bili nini bataa ra kì. Nka á ɲini kiri rufɔɔka shɔ, a Kirinŋ wɔ ki ji-i walima a niŋ ji-i kì, ábɛɛ ra niŋ tɔ. Á ǹʼtɔ tu cintɔnŋ purubitɔnŋ kiri mwɔ juniɲa ki ru dɔɔ.

Yodasi 1:4

Koŋ jɛ ri arì du de-i ábɛɛ kanfɛ, Kirinŋ wɔ wulu ki nwɔ̀ri haliki wulu bi-i fɔ waaci ŋmani na. Niŋ Kirinŋ jɛŋ kɛnibali kiri i yibɔɔ Kirinŋ ki wɔ shɔɔrinŋ ki shi rapwulu ji-a bi kulinŋ mamaanna a. Kí i arì kaan-na Yesu Kirisa tɛ, ninwɔ̀ i yibɛɛ Ŋununtiŋ ki fa yi Ŋuntiŋ tenŋ pe ki i.

Jafinŋ ki 12:15

Myɛɛn bishi finŋ sinaŋ ki i ju po a daru, niŋ ju ki wuru miŋ tu baa ju, ŋì i niŋ kee mari ki cɛfan, tu niŋ mari ki nu.

Jafinŋ ki 12:9

Daragɔnŋ ki i kwɔ po taanna. Mìnki wuru myɛɛn ki i fɔlɔfɔlɔ, ŋì i dɔri-ri sɛbɛ tu ɲinijɛ walima shitaanni. Mìnki i pwɔkulinŋ sun konaŋ kiri fɔni-na. Niŋ fa awɔ mɛlɛkɛn kiri i kee bo pwɔkulinŋ ki sun.

Jafinŋ ki 20:2

Ŋì i daragɔnŋ ki pa, ninwɔ̀ i myɛɛn bwuumaan ki i, ŋì i ji ɲinijɛ ki i, ninwɔ̀ i shitaannii sɛbɛ. Mɛlɛkɛn ki i ǹʼpa kɔli jɔlɔkɔ ki ra, ŋì a tu ninwɔ̀ ra fɔ jiri waatenŋ.