Korɛntitɔnŋ kiri (2) 1:8 - Jɔ Biibili ki

⁸ Ńʼtindaŋ ni, ɲaanfɛkwulu wɔ̀ yibɛɛ kila-i Asi sɔɔta ki ru, yibɛɛ ǹʼtɛ ábɛɛ i tu niŋ tɔbali kì. Yibɛɛ cɔɔri kila-i nmaŋ, nwɔ̀ baraka pyiri wuru yibɛɛ sun kusɛbɛ, fɔ yi wuru ǹʼtɔ-a tu yi ɲaninkulutɔnŋ ni a tu kì.

Korɛntitɔnŋ kiri (2) 1:8 ပူးပေါင်းရင်းမြစ်များ

Korɛntitɔnŋ kiri (1) 15:32

A konkwuu kiri ji ŋmɛni-na kì, míŋ cɔɔri wɔ̀ kila-i Efɛsi kili ki ra, miŋ tu koŋ fa kpalinŋ ni a ji kari-ra, niŋ a nfɛnŋ shɔ míŋ sun? A konkwuu kiri dumiŋ ji-a ŋmɛni ncinŋ kì, miŋ tu kí i ǹʼbi-a talinŋ i ɲaan wɔ̀ tɛ : « Yi i nufinŋ nu-ni, yi i mwunufinŋ mwunu-ni, sabu yi a beeni siri. »

Korɛntitɔnŋ kiri (1) 4:8

Ábɛɛ á dintɛfinŋ kiri kila-i kɔ. Ábɛɛ ji-i fintiŋ ni i kɔ, á i ji masa ri á i yibɛɛ tu. Sɛli ki ra, míŋ i ǹʼtɛ ńʼtu ábɛɛ i ji masa ri i, nwɔma yibɛɛ fa ábɛɛ i masabi ki ma yimaŋ fan.

Korɛntitɔnŋ kiri (1) 16:9

Sabu Kirinŋ saa shɔɔrinŋ san-i míŋ tɛ, ŋí i so baara mwɔɔnna ma-i, ɲa kiri dumiŋ i ji mwɔ.

Mabikiri 2:9

Parititiiri i yibɛɛ ru, niŋ fa Mɛditiiri fa Elamutiiri. Ǹʼbɛɛ ri i po-ri Mensopotami fa Yude fa Kapadɔsi kɛniŋ kiri ru. Ǹʼtɔri ri i yiri-ri Pɔn niŋ fa Asi sɔɔta kiri ru.

Mabikiri 16:6

Pooli li wuru ǹʼtɛ arì i ta Kirinŋ wɔ wulu ki bi Asi sɔɔta ki ru, nka Ɲiniwɔlinŋ ki a tu niŋ na kì. Niŋ ki ra, kí i fwuude Firiji fa Galasi kɛniŋ kiri ru.

Ɔrɔmutɔnŋ kiri 1:13

Míŋ tindaŋ ni, míŋ i ǹʼtɛ ábɛɛ i ǹʼtɔ tu míŋ ábɛɛ tɛ po ki gbɛbili kaan mwɔɔnna, nwɔma ńʼwɔ baara ki mwɔɔn i ja ábɛɛ kanfɛ, miŋ tu ǹʼja-i shiya pyɛ kiri kanfɛ ɲaan wɔ̀ tɛ, nka tu ŋì i na so dɔnsaŋ sun, míŋ so ǹʼsaa ki kila-i sun kì.

Korɛntitɔnŋ kiri (2) 1:9

Sɛli ki ra, yibɛɛ bataa wuru ǹʼbi-a tu kí a yibɛɛ kilɛn. Nka niŋ bataa ǹʼji-i yibɛɛ wu, tu yibɛɛ fa yi gbɛ bili yi yɛri ki wɔ so ki sun kì, nka tu yi i ǹʼbili Kirinŋ bantenŋ sun, ninwɔ̀ i konkwuu kiri ŋmɛni-na.

Korɛntitɔnŋ kiri (2) 6:9

Kí i ǹʼji-a miŋ tu arìbɛɛ yibɛɛ tɔ-a kì, nka kí bataa i yibɛɛ tɔ-a, tu yibɛɛ beenimaan ni i, nka yibɛɛ ɲaninkulutɔnŋ ni i ji-i. Kí i ɲaniŋ kwuru ki bataa sɔɔ-ra yibɛɛ sun, nka kí yi kilɛn kì.

Mabikiri 19:41

Ntiŋ kɔ-i niŋ wulu ki ra waarinŋ wɔ̀ ru, ntiŋ tu konaŋ ki pyɛ.