Tesalonikitɔnŋ kiri (1) 5:9 - Jɔ Biibili ki

⁹ Kirinŋ dintɛ bi i tu awɔ tɔnkwulu ki so yibɛɛ sun kì, duu awɔ mwubi ki yibɛɛ Ŋuntiŋ Yesu Kirisa bira.

Tesalonikitɔnŋ kiri (1) 5:9 ပူးပေါင်းရင်းမြစ်များ

Matiyu 26:24

Yesu tu sɛbɛ : « Sɛli ki ra, Koŋ Danshuru ki a beeni, miŋ tu ǹʼsɛbɛ-i Kirinŋ wɔ wulu ki ru ɲaan wɔ̀ tɛ, ntiŋ bi ki sun, nka konwɔtiŋ a ntiŋ janfa, bɔni ki i nintiŋ wɔ. Hali niŋ shuru ki ji-ri kì, niŋ pari wuru ntiŋ sun. »

Mabikiri 1:20

Ǹʼsɛbɛ-i Nsaburu ki ru Yudasi bi ki sun tu : ‹ Wúwɔ kɛlitɔnŋ ki rala, koŋ tenŋ fa tu ǹʼnu kì. › Niŋ fa ǹʼsɛbɛ-i Nsaburu ki ru sɛbɛ tu : ‹ Koŋ tɔri wú ma baara ki shi. ›

Mabikiri 1:25

ntiŋ i ji áwɔ cindaŋ i Yudasi ta ru, sabu niŋ po san-i cindanbi ki ra, wú i ta a yɛri kilɛn, niŋ ɲaan ki tɛ, wú wuru nwɔ̀ ceeli-la, wú niŋ kila-i. »

Mabikiri 13:48

Shiya tɔri kiri niŋ wulu ki rama-i waarinŋ wɔ̀ ru, kí bataa ciiru i di, kí i Ŋuntiŋ ki wɔ wulu ki gbɛ-ri. Kirinŋ koŋ wɔ̀ri ɲaannashi wuru, nwɔma kí i ɲaninkulutɔnbi kɔbali ki kila, nini bataa i bilinabi ki ma Yesu ra.

Ɔrɔmutɔnŋ kiri 11:30

Ábɛɛ yɛrima kiri wuru Kirinŋ wulu pa-a sun kì, nka Kirinŋ ábɛɛ sunmakwulupa-i dɔnsaŋ, kíbɔɔ Kirinŋ wulu pabalibi ki bira.

Ɔrɔmutɔnŋ kiri 11:7

Niŋ nfɛnŋ bi-a? Isirayɛlitɔnŋ kiri wuru finŋ wɔ̀ ceeli-la, kí niŋ kila kì, nka Kirinŋ nwɔ̀ri ɲaannashi-i, nini ǹʼkila-i. Koŋ pyɛ kiri i arì tɔɔnnufuru, kí so sɛli ki tɔ-i kì.

Tesalonikitɔnŋ kiri (1) 1:10

Niŋ fa tu ábɛɛ Kirinŋ Danshuru Yesu na ki sunsuu-ra, ŋì i po kirinpɔli ki ra, Kirinŋ ninwɔ̀ ŋmɛni po san-i konkwuu kiri kanfɛ, ŋì i yibɛɛ mwu-ni Kirinŋ wɔ tɔnkwulu naanna ki wu.

Tesalonikitɔnŋ kiri (1) 3:3

nwɔma ka waaci ka ru cɔɔri ki fa na ji ábɛɛ firi kilɛn ŋuŋ i kì. Á ǹʼtɔ tu niŋ cɔɔri kiri kakan yìrì i yibɛɛ bilinatɔnŋ kiri kila.

Timote (1) 1:13

Mínwɔ̀ wuru ǹʼtɔ jɛ bitɔnŋ i fɔlɔfɔlɔ, ŋí i ji wuru bilinatɔnŋ kiri cɔɔritɔnŋ i, niŋ fa koŋ juumaan a, nka ŋì míŋ sunmakwulupa-i, sabu míŋ niŋ bi kiri ma-i, ŋì i kila ńʼwɔ bitɔbalibi fa ńʼwɔ bilinabalibi fan.

Timote (1) 1:16

Niŋ ki ra, míŋ i bijɛmatɔnŋ kiri bataa ru sinaŋ ki i, Kirinŋ míŋ sunmakwulupa-i, nwɔma konaŋ kiri i ǹʼtɔ, tu Yesu Kirisa tɔnsunfili kusɛbɛ, niŋ fa ŋì i míŋ ji ɲaanjifinŋ i, a ra bilinatɔnŋ kiri bataa gbɛ, tu kí a ɲaninkulutɔnbi kɔbali ki kila.

Timote (2) 2:10

Niŋ ki ra, míŋ i bi bataa pa-ri ńʼna Kirinŋ wɔ koŋ ɲaannashimaan kiri bira, nwɔma nini yɛrima kiri i so arì mwu-i Yesu Kirisa baraka ra, niŋ fa kí i gbɛbi kɔbali ki kila.

Pyɛɛri (1) 2:10

Ábɛɛ wuru Kirinŋ wɔ konanbi i sun kì, nka dɔnsaŋ, ábɛɛ i ǹʼwɔ konanbi i. Kirinŋ wuru ábɛɛ sunmakwulupa-a sun kì, nka dɔɔ, ŋì i ábɛɛ sunmakwulupa-a.

Pyɛɛri (1) 2:8

niŋ fa « ǹʼji-i kí kanŋ nakwuru kwɔ ɔ, niŋ fa kí fɛɛn kwɔ ɔ. » Kí i arì kanŋ nakwuru-ra ǹʼna, kí i fɛɛn-ni, sabu kíbɛɛ arì kaan-a Kirinŋ wɔ wulu ki tɛ, niŋ fa Kirinŋ yɛrima ki ninki bi wuru-i.

Pyɛɛri (2) 1:1

Míŋ Simɔŋ Pyɛɛri, Yesu Kirisa tɛ baara matɔnŋ, niŋ fa ntiŋ wɔ cindaŋ, míŋ i ka sɛbɛ ka cin ta-a ńʼkaashi bilinatɔnŋ kiri tɛ, nini wɔ̀ri fa yibɛɛ lu kila-i bilinabi sɔbɛ ki ru, Yesu Kirisa wɔ telibi ki bira, ninwɔ̀ i yibɔɔ Kirinŋ ki fa yi Mwutɔnŋ ki i.

Pyɛɛri (2) 2:3

Niŋ kalimɔɔ purubitɔnŋ kiri wɔ wari bi juuka jɛ ki a na ncusun kí i ábɛɛ ji jɔɔfinŋ ni i, arɔɔ koŋ sunnɛɛn wulu kiri wu. Kiti ki fɛɛn-ɛ kí sun fɔ waaci ŋmani nu kɔ, kí haliki bi ki i kí kpɛli-la.

Yodasi 1:4

Koŋ jɛ ri arì du de-i ábɛɛ kanfɛ, Kirinŋ wɔ wulu ki nwɔ̀ri haliki wulu bi-i fɔ waaci ŋmani na. Niŋ Kirinŋ jɛŋ kɛnibali kiri i yibɔɔ Kirinŋ ki wɔ shɔɔrinŋ ki shi rapwulu ji-a bi kulinŋ mamaanna a. Kí i arì kaan-na Yesu Kirisa tɛ, ninwɔ̀ i yibɛɛ Ŋununtiŋ ki fa yi Ŋuntiŋ tenŋ pe ki i.